млеко – Kurir.mk

ВМРО-ДПМНЕ: Млеко и протеински јогурт со амфлатоксин завршило во маркетите, АХВ спие, се буди само кога ВМРО-ДПМНЕ ќе ги фати на дело

Ристе Здравков — Sun, 01 Oct 2023 07:20:08 +0000

Млеко и протеински јогурт со амфлатоксин завршило во маркетите, АХВ спие, се буди само кога ВМРО-ДПМНЕ ќе ги фати на дело, велат од опозициската партија. Здравјето на граѓаните е константно загрозено поради кеиминогеноста и неспособнста на власта. Млеко и протеински јогурт со амфлатоксин од Србија влегле во Македонија, и завршиле по трпезите на граѓаните. АХВ како да не функционира. Агенцијата чека ВМРО-ДПМНЕ да ги фати на дело незаконитостите, па потоа како аналитичари да констатираат дека да тоа се случило, но еве сега постапуваат. Фактичката состојба е дека не знаеме дали постапуваат, зошто ниту е објавено дека млекото е вратено, ниту дека е уништено. Дали тоа значи дека веќе е исконзумирано? Прашуваат од ВМРО-ДПМНЕ. Наместо да чека директорот на АХВ ведаш да си поднесе оставка, а ЈО да отвори случај, додаваат од опозициската партија.

Ковачевски најавува дека ќе има проблеми со млекото

Ивона Петрова — Thu, 31 Aug 2023 10:47:00 +0000

Сигурно ќе следуваат нови мерки, не може никој во време на криза да печали на грбот на граѓаните, рече денеска премиеррот Димитар Ковачевски, одговорајќи на новинарски прашања во врска со поскапувањата на некои од основните производи. Ковачевски најави дека ќе има проблем со млекото, поради што утре ќе одржи состанок со министерот за земјоделство Љупчо Николовски. -Ги следиме цените, со економските министри веќе разговаравме за идните мерки што ќе се преземат, пред се, во делот на маржите и во делот на разликата во цените од производителите до финалната цена на рафт. Сигурно ќе следуваат нови мерки, зашто никој не може во време на криза да печали на грбот на граѓаните, потенцира Ковачевски. Според него, се јавува криза во снабдувањето на млечната индустрија, има недостиг во некои региони во светот поради војната во Украина. -Ќе има проблем кај млекото зашто се јавува криза во снабдувањето со млеко. Веќе утре имам состанок со министерот Николовски за тоа кои мерки ќе ги преземеме зашто се јавува недостиг во некои региони во светот на млеко поради војната во Украина, информира премиерот.

Сите знаеме колку болат изгорениците од сонце, а најдобриот лек го имате на дофат

Ивана Ефремовски — Sat, 08 Jul 2023 07:14:17 +0000

Првите сончеви денови на одмор и првите изгореници. Не сте подготвени или едностано мислите „не е силно сонцето“ лесно ќе доведе до црвена кожа. Дерматолозите советуваат да го пробате лекот кој сигурно го имате во секој момент во дофатот на рацете. Најдобар и проверен лек е ладно млеко од ладилник. Според советите дерматолозите, облога од ладно млеко лесно ќе го ублажи црвенилото, печењето и болката. -Направете облога од ладно млего и нанесете на болните, црвени места. Вашата кожа може да почне да се лупи ако сте премногу изгорени. Најважни се протеините од млекото кои ќе ја излечат вашата кожа, рекол дерамтологот Зајкер. Витамините и лактозата од млекото ќе помогнат кожата да се опорави, а многу брзо ќе го ублажи и непријатното чувство на топлина. Најдобро е да земете газа која ќе ја потопите во ладно млеко. Штмо облогата се засуши, направете нова и менувајте се додека болката не се намали.

Дали додавате вода или млеко во јајцата, еве што препорачуваат професионалните готвачи

Ивона Петрова — Tue, 16 May 2023 09:51:50 +0000

Потрагата по рецептот за совршените матени јајца е многу интересна, а не само што мора да биде здрав појадок туку и лесна и обилна вечера. Со свежи јајца можете да комбинирате разни намирници, а она за што често разговараат готвачите е дали да додадете малку млеко или вода во јајцата за да постигнете подобар вкус. Професионалната готвачка Џесика Гевин наведува дека во јајцата се додава течност за да се избегне претерување, а секоја додадена течност спречува протеините да се врзат премногу или пребрзо во случај да ги преварите јајцата. Некои го фалат додавањето вода наместо млеко во јајцата, особено ако сакате да имате мека текстура. И според готвачот Сем Дејвис-Алонс и научникот за храна Натали Алибранди, кога додавате вода во јајцата, водата испарува како пареа и ги крева јајцата, додека додавањето премногу вода ќе го разреди вкусот. -Ако додадете вода, најдобриот сооднос е половина лажичка вода по изматено јајце. Млекото го користиме за да добиеме покремаста структура. Додадете не повеќе од две лажици млеко по јајце, изјави Алибранди за Mashed. Ако готвите јајца на путер, внимавајте да не додадете премногу маснотии за да не ви станат тврди јајцата.

Во одреден степен, млекото подобро ја гаси жедта од водата

Тале Кристо — Wed, 10 May 2023 08:08:55 +0000

Кога човек е жеден, обично зема чаша вода, но овој основен напиток во човековиот живот, не е она што најделотворно го рехидрира телото, посочува научен труд на шкотскиот Универзитет на Сант Андрас. Шкотските истражувачи открија дека водата, обична или газирана, доста добро ја извршува својата функција кога станува збор за брза хидратација на организмот, а во топло време, напивките со малку шеќер, масти, сол или протеини се уште покорисни бидејќи нè одржуваат хидрирани подолго време. Роналд Моган, професор на Медицинскиот факултет при Универзитетот, раководеше на испитувањата. Меѓу факторите што влијаат на тоа колку напитокот хидрира е поврзан со неговиот состав. Така, млекото го хидрира телото подобро од обичната вода бидејќи содржи шеќерна лактоза, некои протеини и малку масти. Млекото исто така содржи сол, што делува како сунѓер и ја задржува водата во телото, што резултира со помалку глад. - Написот нѐ потсетува на она што го знаевме претходно - електролитите, како што се натриумот и калиумот, придонесуваат за подобра хидратација, додека калориите содржани во напивката влијаат на побавното празнење на желудникот и затоа потребата за поретко мокрење, вели Мелиса Мајумдар, диететичарка која не учествуваше во испитувањата. Сепак, пијалаците со повеќе концентрирани шеќери, како што се овошните или газираните сокови, не придонесуваат толку за рехидратација, како соковите со помалку шеќер. - Напротив, зашеќерените пијалаци внесуваат во телото дополнителни шеќери и калории коишто не нѐ заситуваат како храна, појасни Мајумдар. Според неа, сепак, водата е „најевтиниот хидратантен крем“. Бубрезите и црниот дроб зависат од вода за да се ослободат од токсините од телото, а таа, исто така, има клучна улога во одржувањето на еластичноста и на кожата. Не треба да се занемари и испиената количина, бидејќи колку повеќе течност се внесува, толку побрзо се празни желудникот, а течноста потоа оди во крвотокот, па низ цело тело.

Бидете внимателни: Млекото е здраво, но во комбинација со ОВИЕ намирници може да стане штетно за вас

Ивана Ефремовски — Mon, 03 Apr 2023 14:11:30 +0000

Млекото е здрав, но многу комплексен пијалок кој не треба да се конзумира со одредени производи бидејќи во комбинација со одредени намирници може да предизвика повеќе штета отколку корист. Кафе Дали пиете кафе за да се разбудите и да се освежите? Ако е така, откажете се од капучино и кафе со млеко бидејќи протеините го неутрализираат кофеинот. Затоа, ставете си еспресо наутро, а додадете млеко само доколку сакате да се задоволите со омилениот вкус. Чај Млекото исто така го намалува оживувачкото дејство на чајот, како и неговата антиоксидантна функција, така што добивате помала корист отколку што би можеле. Пецива Пециво со млеко е омилен појадок за многумина. Сепак, пекарските производи содржат фитати – супстанции кои ја попречуваат апсорпцијата на калциум. Затоа, ако ги комбинирате со млеко, нема да ја добиете оваа корисна материја. Зеленчук Еден од двајца возрасни страда од благ степен на дефицит на лактоза – недостаток на ензимот потребен за разградување на млечниот шеќер. Обично тоа не се манифестира на кој било начин, но ако пиете млеко со храна која предизвикува гасови, тогаш не може да се избегне надуеност и дијареа. Затоа, ако јадете свеж зеленчук, никогаш не го комбинирајте со млеко.

Експертите тврдат: Еден напиток е покорисен од водата, ги зачувува коските и мускулите

Ивана Ефремовски — Sun, 02 Apr 2023 17:15:39 +0000

Нашето тело се состои од околу 60 проценти вода, која учествува во бројни процеси во телото. Затоа е важно редовно да ja внесувате и така да останете хидрирани. Поточно, се смета за најздрав и најдобар напиток за хидратација. Сепак, најновото истражување на шкотскиот универзитет „Св. Ендрјус“ велат поинаку. Имено, научниците докажаа дека сепак постои напиток кој повеќе го хидрира телото отколку водата. Тие ги споредија реакциите на хидратација на неколку различни пијалоци. Обичната и минералната вода се добар избор, но според новите сознанија, млекото е сепак подобро. Според Роналд Мауган, професор на Медицинскиот факултет „Св. Ендрјус“ и авторот на студијата, еден од факторите е количината на одреден пијалок. Исто така, еден од факторите е нутритивниот состав на пијалокот. Така, докажано е дека млекото хидрира повеќе од обичната вода, бидејќи содржи лактоза, протеини и масти, а овој состав помага да се забави празнењето на течноста од желудникот. Покрај тоа, млекото содржи и натриум, што доведува до помало производство на урина. Редовната хидратација е многу важна за нашето здравје. Не само во лето кога е топло, туку цела година. Препорачаната дневна доза на вода е два литра за жени и три литри за мажи. Ако сте загрижени дека бројката е преголема, не грижете се. Во телото внесуваме вода не само преку течности, туку и со помош на овошје, зеленчук и друга храна.

Најдобриот пијалок за хидратација сепак не е водата

Ивона Петрова — Thu, 30 Mar 2023 13:46:12 +0000

Иако водата се смета за најздрав, а воедно и најдобар напиток за хидратација, научниците докажаа дека сепак постои напиток кој повеќе го хидрира организмот отколку водата. Истражување на шкотскиот универзитет Св. Ендрјус ги спореди реакциите на хидратација на неколку различни пијалоци. Обичната и минералната вода се добар избор, но според новите сознанија, млекото е сепак подобро. Според Роналд Моган, професор на Св. Ендрјус и авторот на студијата, еден од факторите на хидратација е секако количината на одреден пијалок, но фактор е и нутритивниот состав на пијалокот. Докажано е дека млекото хидрира повеќе од обичната вода, бидејќи содржи лактоза, протеини и масти, а овој состав помага и да се забави празнењето на течноста од желудникот. Покрај тоа, млекото содржи и натриум, што доведува до помало производство на урина. Истото може да се каже и за растворите за орална рехидратација што се користат за лекување на дијареа. Тие содржат мали количини шеќер, како и натриум и калиум, кои можат да помогнат во задржување на водата во телото.

Не можете да си го замислите кафето без малку млеко? Четири причини зошто е тоа добро за здравјето

Ристе Здравков — Mon, 27 Mar 2023 07:43:47 +0000

Доколку секојдневно уживате да пиете кафе со малку млеко, имаме добри вести за вас. Токму ова млеко може да му обезбеди на вашето тело неколку придобивки, како што изјави за BestLife нутриционистот Линдзи Делк. 1. Ќе добиете повеќе витамини и минерали Кафето е полно со корисни витамини и минерали, како што се рибофлавин (витамин Б2), ниацин (витамин Б3), магнезиум и калиум. Богато е и со антиоксиданси, кои ги штитат вашите клетки од слободните радикали. Сепак, ако сакате да додадете дополнително здравје на вашата утринска чаша радост, експертите велат дека млекото може да помогне. „Многу луѓе уживаат во мазната текстура што млекото ја додава на нивната шолја кафе, но млекото нуди и здравствени придобивки“, вели Делк. Таа вели дека малку млеко може да обезбеди „многу витамини и минерали, особено калциум и витамин Д. – Овие хранливи материи се од витално значење за градење и одржување цврсти коски, заби и мускули – вели таа за Best Life. 2. Ви дава дополнителни протеини Јадењето протеини наутро има мноштво здравствени придобивки, вклучително и помагање за градење мускули и губење на тежината. Затоа јајцата со високата содржина на протеини се одличен избор за појадок. Млекото, кое обично содржи осум грама протеини по чаша, е уште еден одличен извор на утрински протеини – без разлика дали е во вашето кафе, овесна каша или житарки. 3. Може да помогне во борбата против воспалението Делк исто така истакнува дека додавањето млеко во утринската шолја кафе може да помогне и во борбата против воспалението. – Полифенолите се соединенија кои се наоѓаат во растенијата (вклучувајќи ги и зрната кафе) и делуваат како антиоксиданти за контролирање на оксидативниот стрес и воспалението – објаснува таа. Воспалението е виновник за многу хронични состојби, вклучувајќи срцеви заболувања, рак и Алцхајмерова болест, според Клиниката во Кливленд. – Неодамнешните истражувања открија дека кога полифенолите во кафето се комбинираат со протеините во млекото, тоа ги засилува антивоспалителните ефекти на полифенолите – вели Делк. 4. Може да биде добро за вашиот стомак Кога додавате млеко во кафето, тоа исто така го зголемува нивото на pH на вашиот пијалок, што го прави помалку кисел. Ако кафето има тенденција да го „вознемири“ вашиот стомак, мешањето на малку млеко во него може да доведе до помалку металоиди и варење. Не сте љубители на обичното кравјо млеко? Уште подобро. Користењето бадемово млеко наместо кравјо или друго растително млеко може дополнително да го неутрализира нивото на киселост на вашето кафе, бидејќи бадемите се алкални. Ова може да биде особено корисно ако страдате од одредени гастроинтестинални состојби, според студијата од 2021 година објавена во Critical Reviews in Food Science and Nutrition.

За подобар сон: Направете топло млеко со лаванда или жалфија

Ристе Здравков — Sun, 19 Mar 2023 21:39:14 +0000

Оваа стара народна приказна никогаш не е научно докажано дека навистина функционира, но тоа не значи дека не треба да пробате комбинација на млеко со додатоци кои, како што докажа науката, навистина ни помагаат да заспиеме побрзо. Тие изгледаат вкусно, и се, и можат да ни помогнат да се опуштиме, да ја ублажиме мускулната тензија и да спиеме подобро. Се пијат како здрав вечерен десерт или можете да ги додадете во вашиот вечерен ритуал пред спиење. Топло млеко со жалфија За да заспиете на здрав начин, експертите сугерираат дека најдобро е да се искористи моќта на лековитите билки. Еден од испробаните пијалоци е топло млеко со жалфија. Во чаша врело млеко растворете една лажица корен од жалфија. Во млекото додадете 5 гр мед. Сè добро измешајте. За полесно да заспиете, неопходно е да го пиете овој топол напиток 30 минути пред спиење. Топло млеко со лаванда За блажен сон доволно е да се напиете топло млеко со лаванда. Од чај до ароматерапија, лавандата често се користи за подобар и мирен сон и релаксација. Но, наместо само да го вдишувате корисниот мирис на лаванда, зошто да не пробате да пиете млеко со ова растение за релаксирање. Терапевтската природа на лавандата е очигледна, од помагање при анксиозност до заздравување на рани на кожата.