млс – Kurir.mk

МЛС има чуден план: Сите клубови ќе го плаќаат Меси, тој само треба да избере каде ќе игра

Ристе Здравков — Tue, 28 Mar 2023 09:30:23 +0000

Американците сакаат да го видат Лео Меси во МЛС првенството па скроиле чуден план, сите клубови ќе одвојуваат средства за платата на Аргентинецот, тој само треба да избере каде ќе игра. САД често беше дестинација на фудбалските ѕвезди во залезот на кариерата, но во последните неколку години работите се променија. Саудиска Арабија сака да се промовира преку спортот, па Кристијано Роналдо направи трансфер во Ал Наср каде ќе заработува и до 200 милиони евра годишно. Лео Меси исто така се поврзува со преселба во Саудиска Арабија и со споменуваат слични суми. Клубовите од МЛС не можат да си дозволат вакви бројки, но имаат чуден план како да стигнат барем до парите кои Лео Меси ги добива од ПСЖ (околу 40 милиони евра годишно). Имено, сите клубови од МЛС ќе треба да одвојуваат пари за платата на Лео Меси а Аргентинецот ќе треба само да одбере каде сака да игра. Се верува дека Интер Мајами е клубот кој има најголеми шанси да стигне до потписот на напаѓачот. На почетокот од овој месец, комесарот на МЛС, Дон Гарбер рече: „Станува збор за најспецијалниот фудбалер во историјата на фудбалот, па добро е што има гласини кои го поврзуваат со Интер Мајами. Доколку тоа се случи, ќе биде одлично за МЛС“. „Но сигурно ќе треба да направиме нешто несекојднево за да го донесеме во САД“.

Спектакуларен волеј од 23 метри: Во американската МЛС лига постигнат голот на сезоната (ВИДЕО)

Тале Кристо — Sat, 17 Apr 2021 14:01:01 +0000

Новата сезона во МЛС-лигата почна со дуелот меѓу Сиетл и Минесота. Во центарот на вниманието се најде Жоао Пауло, кој постигна спектакуларен гол од 23 метри, притоа со волеј тресејќи ја мрежата на противникот за 1-0. На крајот средбата заврши со триумф од 4:0 за екипата на Сиетл.

JOAO PAULO OH MY WORD YOU DID NOT 😱 pic.twitter.com/XwaajgdyKn
— Major League Soccer (@MLS) April 17, 2021

Колумбос ја освои титулата во МЛС

Тале Кристо — Sun, 13 Dec 2020 08:49:13 +0000

Фудбалерите на Колумбос Кру ја освоија титулата во Северноамериканската професионална лига (МЛС), совладувајќи го синоќа на домашен терен бранителот на титулата Сиетл Саундерс со 3:0. Колумбос дојде до својата втора титула во историјата благодарение на двата гола и асистенцијата на играчот на мечот, Аргентинецот Лукас Зеларајан. Тој беше прецизен во 25. и 82. минута, асистирајќи му притоа во 31. минута на Хаиќанецот Дерик Етиен за убедлив триумф над екипата на Сиетл, која се надеваше на своја трета шампионска титула во последните пет години. Финалето на стадионот „MAPFRE“ во Колумбос, Охајо, го следеа околу 1.500 гледачи. Екипи со најмногу трофеи во МЛС: 1. Лос Анџелес Галакси 5 (2002, 2005, 2011, 2012, 2014) 2. ДЦ јунајтед 4 (1996, 1997, 1999, 2004) 3. Сиетлс Саундерс 2 (2016, 2019) – Колумбос Кру 2 (2008, 2020) – Хјустон Динамо 2 (2006, 2007) – Спортинг Канзас Сити 2 (2000, 2013).

Два МЛС клуба заинтересирани за Пасторе

Тале Кристо — Sat, 06 Jun 2020 20:58:29 +0000

Играчот од средниот ред на Рома, Хавиер Пасторе е во сферата на интересот на два клуба во американската МЛС, јавуваат италијанските медиуми. Според„ Sky Sport Italia“, за фудбалерот се заинтересирани Лос Анџелес галакси и Сиетл саундерс. Рома е подготвена да се раздели со фудбалерот заради високата плата и неговите настапи кои не ги оправдаа очекувањата на клубот. Веројатно е дека Аргентинецот својата кариера ќе ја продолжи во Северна Америка. Триесетгодишниот фудбалер оваа сезона има одиграно 13 натпревари за Рома на сите турнири и направи две асистенции.

Клуб од МЛС одби да го купи Бејл

Тале Кристо — Tue, 19 May 2020 07:17:06 +0000

Агентите на напаѓачот на Реал, Герет Бејл, го понудија фудбалерот на еден од клубовите на МЛС, јави „Атлетик“. Според изворот, неименуван клуб одбил да го купи 30-годишен Велшанец. Претходно, самиот Бејл изјави дека е заинтересиран да ја продолжи кариера во Соединетите Американски Држави. Оваа сезона Бејл има три гола и две асистенции на 18 натпревари за Реал Мадрид. Порталот „Transfermarkt.com“ ја проценува вредноста на Велшанецот на 32 милиони евра.

Бејл нема да го напушти Реал

Ивона Петрова — Thu, 09 Jan 2020 12:19:56 +0000

Герет Бејл не е заинтересирана за американската МЛС и многу малку е веројатно дека тој ќе го напушти Реал Мадрид. Неговиот агент Џонатан Барнет негира заминување на Велшанецот во МЛС лигата. – Герет не е заинтересиран за трансфер на американскиот континент. Тој нема да го напушти Реал Мадрид во зимскиот преоден рок и многу е веројатно дека тоа нема да се случи ниту во текот на летото, соопшти Барнет. За фудбалската иднината на Бејл се шепкулира подолго време, но и покрај сите гласини за негово заминување, тој и натаму е дел од Реал.

Головите на Ибрахимовиќ, Руни и Нани во конкуренција за најубав погодокот во МЛС

Ивона Петрова — Thu, 10 Oct 2019 10:52:07 +0000

На официјалната веб-страница на американската фудбалска лига – МЛС почнато е гласање за утврдување на најубав гол во сезоната 2019.

За признанието претендираат 16 фудбалери. Помеѓу нив се и головите постигнати од страна на Златан Ибрахимовиќ (Лос Анџелес галакси), Вејн Руни (ДСЦ јунајтед), Луис Нани (Орландо сити). Минатата година сопственик на оваа награда стана Ибрахимовиќ.

ВИДЕО: Атлетико ги совлада ѕвездите на МЛС во Орландо

Ивона Петрова — Thu, 01 Aug 2019 07:16:05 +0000

Атлетико Мадрид ги совлада МЛС ѕвездите со 3:0 во контролна средба. Жоао Феликс по паузата влезе како резерва и го постигна вториот гол, а во последните минути му асистираше на Диего Коста, кој го обликуваше успехот на „јорганџиите“. Во првото полувреме прецизен беше Маркос Љоренте. Натпреварот во Орландо беше одложен за скоро 40 минути поради лошото време. И покрај силниот дожд и грмотевиците, публиката на стадионот „Експлорија“ трпеливо го чекаше сигналот на првиот судија и двете екипи се обидоа да покажат квалитетен фудбал. Нападот на МЛС тимот беше импресивен – Златан Ибрахимовиќ, Карлос Вела и Луис Нани. Вејн Руни делуваше малку зад нив, заедно со Алехандро Посуело.

Ибрахимовиќ номиниран за три награди во МЛС

Ристе Здравков — Thu, 01 Nov 2018 11:03:46 +0000

Напаѓачот на Лос Анџелес Галакси, Златан Ибрахимовиќ е кандидат за наградата најдобар фудбалер во 2018 година во МЛС лигата. Швеѓанецот исто така претендира и за наградата најдобар дебитант на сезоната. Покрај тоа, Ибрахимовиќ е номиниран и за наградата „Враќање на годината“, која се доделува на играчи кои се враќаат во фудбал по сериозна повреда или отсуство од друга причина. Конкуренти на Ибрахимовиќ за (најдобар) МВП-2018 се: Вејн Руни, Карлос Вела, Мигел Алмирон и Џозеф Мартинез.

Ибрахимовиќ: Меси мора да се пресели во МЛС

Ристе Здравков — Wed, 19 Sep 2018 07:24:30 +0000

Напаѓачот на Лос Анџелес Галакси, Златан Ибрахимовиќ, смета дека ѕвездата на Барселона, Лионел Меси, ќе мора да направи трансфер во американската лига - МЛС . Претходно, сопственикот на Интер Мајами, Дејвид Бекам ја соопшти својата намера да го донесе Аргентинецот во неговиот тим. -Апсолутно, одговори кусо Ибрахимовиќ на прашањето на новинарот на „ТМЗ“ за можноста за Меси да се пресели во МЛС.