ММА – Kurir.mk

ММА бара извинување од министерот Бектеши

Ивана Ефремовски — Thu, 02 Feb 2023 18:07:49 +0000

Македонската медиумска асоцијација (ММА) на националните терестријални телевизии реагира на повторните, како што наведуваат, политички етикетирања на две нивни членки Канал 5 и Телма. ММА очекува извинување од министерот Крешник Бектеши или како што велат ќе го преиспита своето однесување визави функционирањето на ова Министерство се додека тој е негов прв човек. Новинарите од телевизиските куќи ТВ Канал 5 и ТВ Телма денеска на прес - конференција во Владата беа навредувани и омаловажувани од министерот Крешник Бектеши кој не одговарајќи на поставени новинарски прашања на двата медиуми, обвини за наводни договорени прашања, што е апсолутно неточно. -При тоа спротивно на сите меѓународни новинарски кодекси ги обвини нашите членки дека новинарите не се таму за да прашуваат и коментираат, што сметаме дека е елементарна цензура од позиција на моќ. Дополнително ММА смета дека ваквото однесување на министерот Крешник Бектеши е притисок, новинарите да не поставуваат прашања битни за јавноста, но и навреда и клевета кон споменатите медиуми и обид да се манипулира со јавноста, се наведува во соопштението од ММА. Оттаму укажуваат дека на медиумите треба да им се овозможи независно работење без закани и влијание и да се обезбеди слободата на говор и изразување. -Потсетуваме дека согласно Законот за граѓанска одговорност навреда и клевета е многу јасен и прецизен и дека ги опфаќа сите физички лица, вклучително и оние кои се во извршната власт, како во случајот министерот Бектеши, велат од ММА. (МИА)

Хабиб се повлекува од ММА

Бошко Тасиќ — Mon, 09 Jan 2023 06:01:06 +0000

Рускиот борец во Белатор, Сергеј Харитонов, мисли дека Хабиб Нурмагомедов може да се испроба во политиката. Во последните неколку дена се шушка дека Хабиб решил целосно да се раздели со ММА. Би престанал со својата тренерска дејност која ја развива изминативе 2 години. „Орелот“ ја заврши кариерата откако го победи Џастин Гејџи во 2020 година. Нурмагомедов во својата ММА кариера заработи над 30 милиони долари. Направи врски низ целиот свет, а во Обединетите Арапски Емирати го пречекуваат како кралска личност. Харитонов е првиот борец кој предвидува политичка кариера на поранешната ММА ѕвезда на УФЦ. „Хабиб Нурмагомедов може да се испроба во политиката. Зошто да се испроба во политика? Може да се проба бидејќи има почит и слава. И, се разбира, авторитет“, изјави Харитонов за руските медиуми.

ММА борец по грешка нокаутира судија (ВИДЕО)

Бошко Тасиќ — Sun, 13 Mar 2022 09:16:12 +0000

Во промоцијата за мешани боречки вештини „Суперкуп“ се случи несекојдневен момент, борец го нокаутира судијата. Мексиканскиот ММА борец Луис Гонзалез сакаше да го удри својот противник, Ирецот Луис Бруни, но случајно го удри и го нокаутира судијата. https://www.instagram.com/p/CbAuzyotlky/

Член на навивачката група Комити, стана ММА борец

Ристе Здравков — Sun, 07 Nov 2021 12:25:55 +0000

Член на навивачката група Комити, Мартин Антевски – Мапе стана ММА борец. Антевски е голем навивач на Вардар и член на популарните „Комити“, а во својата прва борба на натпреварот „Андердог ММА Малта“, го победи Италијанецот Алеандро Маникардо. Мапе се натпреваруваше во мечевите во тешка категорија, а против Маникардо славеше со прекин уште во втората рунда.

ММА: Владата да подготви предлог измена на членот 102 од Законот за медиуми и да го достави до Собранието

Ивана Ефремовски — Sun, 21 Feb 2021 12:59:23 +0000

Македонската медиумска асоцијација на националните терестријални телевизии, земајќи го во предвид речиси едногодишното живеење и работење во услови на светска пандемија, информира дека ја подржува Владата во однос на нивната иницијатива, за измена на членот 102 од актуелниот Закон за аудио и аудиовизуелни медиумски услуги, во кој се забранува какво било користење на буџетски средства за какво било информирање преку приватните радиодифузери. -Земајќи ја во предвид позитивната европска пракса, која дозволува и препорачува емитување на непартиски кампањи од исклучителен јавен интерес, како што се на пример кампањите за заштитните мерки од Ковид-19, во смисол држење дистанца, носење на маски и слично, сметаме дека како европската, така и домашната јавност мора на вистинит, но и навремен начин да биде информирана за теми и прашања од исклучителен јавен интерес кои имаат директен ефект врз македонските граѓани како на пример: антикорупција, борба против дезинформации и лажни вести, интеграција на земјата во ЕУ, борба за чист воздух и друго, се вели во известувањето од ММА. Асоцијацијата на национални терестријални телевизии, се вели во известувањето, бара од Владата да подготви предлог измена на членот 102, кој истиот потоа ќе го достави до Собранието, по што очекуваат законодавниот дом да ја обезбеди посочената измена предложена од Владата. -Бенефитот на ваквите кампањи треба и мора да го почуствуваме сите, независно на етничка, верска или политичка припадност, и најважно, нашите сограѓани заслужуваат да добијат едукација, но и вистинска, а не лажна и при тоа навремена, а не измислена информација за теми и прашања од исклучителен јавен интерес, од кои ние сите ќе имаме лична но и општествена придобивка, стои во известувањето. Од ММА нагласуваат, дека кампањите од искучителен јавен интерес, како што е на пример сегашната активност за имунизација на нашето население, нема никој право ниту пак смее да ги попречува да допрат до што е можен поголем број на наши сограѓани, на ефектен и правовремен начин, за што најдобар канал за пласирање на истите се националните терестријални ТВ канали. (МИА)

ПО СОСТАНОКОТ: Нурмагомедов донесе одлука дали ќе се врати во октагонот

Ивона Петрова — Sun, 17 Jan 2021 09:22:00 +0000

Целиот ММА свет го чекаше официјалниот резултат од средбата на еден од најдобрите борачи на денешницата Хабиб Нурмагомедов и сопственикот на УФЦ организацијата Ден Вајт. Епилогот од средбата, многумина разочара бидејќи одговорот на прашањето за неговото враќање во борба е можеби. Нурмагомедов се повлече од октагонот по смртта на својот татко и тренер, а Вајт изјавил што се случило на состанокот зад затворени врати. -Хабиб ќе ги погледнете двете следни борби во лесна категорија кои ќе се одржат идната недела. Ако било кој од четворицата борачи направи нешто спектакуларно, ќе го испирира Нурмагомедов да се врати, истакнал Вајт.

The #UFC257 stakes have been raised! 👀@DanaWhite gives us an update on @TeamKhabib's fighting status. pic.twitter.com/FFC2GNeIUY
— UFC (@ufc) January 16, 2021

ММА спектакл во Абу Даби, Адесања го нокаутира Коста (ВИДЕО)

Ристе Здравков — Sun, 27 Sep 2020 08:01:58 +0000

На УФЦ 253 приредбата која се одржа на островот Јас во Абу Даби, главна борба на вечерта беше таа помеѓу двајцата непоразени борци во средна категорија. За прв пат по 11 години, во октагонот се сретнаа двајца непоразени борци, шампионот Адесања кој имаше 19 победи во низа и предизвикувачот Коста чиј скор беше 13 победи во 13 борби. На крајот како победник излезе шампионот Адесања кој ја заврши работата уште во втората рунда, а дотогаш доминираше во октагонот.

Israel Adesanya beating Paulo Costa UP like say e thief gen😂😂 #AndStill #UFC253 pic.twitter.com/JX9M1aDCfK
— Israel Adesanya girlfriend 🥰 (@Pweshy_isbae) September 27, 2020

Уште на стартот Адесања го нападна својот противник со ножни удари во левата нога на својот противник со што го отежна движењето на противникот. Борбата заврши во втората рунда кога Коста се обиде да нападне, но Адесања возврати со свој удар и го испрати предизвикувачот во нокдаун и со серија удари ја заврши борбата.

ISRAEL ADESANYA. TOO EASY. 🇳🇬 pic.twitter.com/Pg4NnjT4C4
— Complex Sports (@ComplexSports) September 27, 2020

Во втората борба за титулата, во полутешка категорија нов шампион е Полјакот Јан Блахович кој исто така ја заврши работата во втората рунда. Во борбата за шампионскиот појас откако шампионот Џон Џонс се пресели во тешка категорија, Блахович го нокаутира Доминик Рејес.

Брутално нокаутирање: Три удари по глава и готово (ВИДЕО)

Ивана Ефремовски — Tue, 07 May 2019 09:05:44 +0000

На ММА мечот во Бирмингем Фабијан Едвардс брутално го нокаутираше Фелк Нет, со неколку директни удари во глава. Едвардс уште еднаш го оправда „прекарот“ „Убиец“. За момент беше на подот, но потоа се одбрани со три удари во главата на противникот. Португалецот Нет прими три силни удари во главата по што го загуби тлото под нозете. За Едвардс ова беше седмата победа во седмиот меч.

Fabian "The Assassin" Edwards pic.twitter.com/Eh1XulgAf3
— Streetfight Bancho (@streetfitebanch) May 4, 2019

Ја фати за коса и почна да ја тепа, а тогаш од клубот излезе ММА борач

Ристе Здравков — Thu, 03 Jan 2019 11:29:56 +0000

Насилник напаѓа девојка пред сараевскиот клуб „Доријан Греј“. Тој ја фаќа за коса и почнува да ја тепа, но во тој момент од клубот излегува газдата, најпознатиот босански ММА борач.

Падна одлука: Нурмагомедов и Мекгрегор се суспендирани

Ивона Петрова — Tue, 09 Oct 2018 18:42:57 +0000

УФЦ, најмоќната ММА oрганизација, ќе го суспендира рускиот борач Хабиб Нурмагомедов, но и неговиот ривал Ирецот Конор Мекгрегор за инцидентот по нивната меѓусебна борба во неделата. Нурмагомедов ја одбрани титулата, откако со технички нокаут во четвртата рунда го победи ирскиот борач, но по завршувањето на борбата се случи сериозен инцидент во кој рускиот борач нападна член од тимот на Мекгрегор, а околу рингот физички се пресметаа повеќе лица. Мекгрегор е превентивно суспендиран на еден месец од медицински причини за да не се бори во меѓувреме. Претседателот на УФЦ, Дејна Вајт, соопшти дека рускиот борач ќе биде суспендиран од четири до шест месеци, но дека нема да му биде одземена титулата. Спортската комисија на државата Невада информираше дека двата милиони долари хонорар, кои Нурмагомедов ги доби за борбата ќе останат замрзнати. МИА