мо – Kurir.mk

Петровска: Вистина се тврдењата на Ковачки дека во МО земале мито за вработување

Ивана Ефремовски — Wed, 16 Nov 2022 18:44:10 +0000

Министерката за одбрана Славјанка Петровска во вечерашното гостување во емисијата Само вистина на ТВ Канал 5 телевизија, призна дека се вистините обвинувањата на пратеникот Драган Ковачки за вработува во министерството за прием на професионални војници во армијата, бранејќи се дека наводно ги известила надлежните институции, како и дека Ковачки со обелоденување на овој криминал негативно влијаел врз истрагата. -Она што мене лично ме загрижува и што го побарав ова соочување е всушност причината зошто секогаш кога имате некоја истрага во тек, опозицијата во конкретниот случај и пратеникот Ковачки, невнимавајќи соопштува детали и податоци во јавноста со обид да биде компромитирана или загрозена истрагата. Да бидат попрецизна во овој случај во министерството за одбрана долго време е присутна таа, би рекла шпекулација, бидејќи се уште не е потврдена дека за одење во мисии, па дури и за прераспределување, и за курсот за подофицери дека постои корупција и дека тоа завршува некаде по кабинетите во министерството, изјави Петровска и додаде дека за тоа пријавила во месец март. Пратеникот Драган Ковачки и реплицираше на министерката Петровска доколку навистина знаела и пријавила од месец март, тогаш би требало истрагата до сега да е завршена. -Ако сте наредиле истрага до сега би требало тие да бидат завршени, вели Ковачки.

Потпишан меморандум за интензивирање на соработката меѓу МО и Филозофскиот факултет

Катерина Бојаџиева — Fri, 21 Oct 2022 12:51:21 +0000

Министерката за одбрана Славјанка Петровска и деканот на Филозофскиот факултет од Скопје, Ратко Дуев денеска потпишаа Меморандум за соработка со кој ќе се интензивира соработката помеѓу двете институции. – Министерството е секогаш отворено за интензивна соработка со академскиот сектор. Нашиот приоритет е да инвестираме во човечкиот капитал, но и заедно со професионалците од академската заедница да разговараме, да истражуваме и да анализираме области од заеднички интерес кои ќе ни помогнат во развојот на одбраната, рече Петровска. Петровска на средбата со Дуев и продеканот за настава на Филозофскиот факултет, Оливер Бакрески, се заблагодари за отвореноста и желбата заеднички да продолжат да се развиваат, и заеднички да го градат одбранбениот систем, особено имајќи предвид дека на Филозофскиот факултет има студиска програма по безбедност, одбрана и мир на додипломски, постдипломски и докторски студии. – Меморандумот за соработка предвидува стипендирање на вработени во Министерството на студиите на Филозофскиот факултет, ангажирање на кадри од Факултетот како експерти за потребите на одбраната, како и заедничка организација на семинари, тркалезни маси и взаемно користење на библиотечниот фонд на двете институции, соопшти Министерството за одбрана.

МО го закопа Ковачевски: Документот на Ковачки е вистинит, но е државна тајна дека е трајно неспособен

Катерина Бојаџиева — Mon, 19 Sep 2022 17:33:31 +0000

Министерството за одрана „го закопа“ премиерот Димитар Ковачевски. Документот кој денеска го презентираше Драган Ковачки, пратеник и член на ИК на ВМРО-ДПМНЕ е вистинит, но е државна тајна дека Ковачевски е трајно неспособен. Димитар Ковачевски, премиер на Македонија, го избегнал отслужувањето на воениот рок, правдајќи се со лекарско мислење дека е ТРАЈНО НЕСПОСОБЕН за служење војска. Ова е документот, извадок од евиденциона книга на АРМ, објавен на социјалните мрежи. Од овој документ јасно се гледа дека Ковачевски од страна на лекари е прогласен за ТРАЈНО НЕСПОСОБЕН, истакна на прес-конференција Ковачки. Од Министерството за одбрана истакнуваат дека документот има класификација „строго доверливо“. -Документот кој е објавен на социјалните медиуми и презентиран од политичка партија, по првичната проверка претставува документ кој во документација на Министерството за одбрана и Армијата првично е заведен како документ со печат „воена тајна“ а подоцна по носењето на Законот за класифицирани информации, добива класификација “строго доверливо“, велат за Канал 5 од Министерството за одбрана и додаваат дека согласно своите надлежности, постапувајќи по Закон и штитејќи ги интересите на државата и на граѓаните, отвора постапка за утврдување на одговорност за несовесно ракување и неовластено објавување на документи со класифицирана содржина. Според ВМРО-ДПМНЕ или Ковачевски го злоупотребил влијанието на татко му кој тогаш бил градоначалник на Куманово и партиски функционер на СДСМ и добил лажно лекарско мислење, или тој навистина е ТРАЈНО НЕСПОСОБЕН. -Доколку Ковачевски не лажел и не се служел со измама, тогаш ние за премиер на државата имаме ТРАЈНО НЕСПОСОБЕН човек, а самата дијагноза кажува дека неговата неспособност не може да се отстрани, т.е. дека таквата состојба кај него е трајна, што значи дека истата може само да се влошува. Доколку Ковачевски лажел за својата здравствена ситуација, тогаш ние на чело на државата имаме патолошки лажго. Ако лажел да избегне служење војска правејќи се ТРАЈНО НЕСПОСОБЕН, тогаш не можеме ниту да претпоставиме за што се’ друго би лажел. Доколку пак Ковачевски навистина е ТРАЈНО НЕСПОСОБЕН, не знаеме дали таа состојба кај него прогресирала и дали тој е целосно функционален да ги извршува државничките задачи. И во двата случаи, односно и доколку лажел, и доколку е ТРАЈНО НЕСПОСОБЕН, Ковачевски како премиер е опасност за државата. Ковачевски мора да си даде оставка. Македонија не смее да биде водена од премиер кој е или патолошки лажго или е ТРАЈНО НЕСПОСОБЕН, подвлече Ковачки.

МНР и МО: Северна Македонија одлуките ги носи самостојно, стоиме зад територијалниот интегритет на Украина

Катерина Бојаџиева — Wed, 03 Aug 2022 12:42:44 +0000

Република Северна Македонија е суверена држава која одлуките ги носи самостојно водејќи се од принципите на почитување на меѓународното право, Повелбата на ООН, принципите и заложбите на ОБСЕ за заштита на европската безбедносна архитектура и глобалната стабилност, се наведува во заедничкото соопштение на МНР и Министерството за одбрана како реакција на изјавата на портпаролката на руското МНР, Марија Захарова. – Северна Македонија уште од самиот почеток ја осуди воената интервенција во Украина и застана во поддршка на територијалниот интегритет, суверенитет и независнот на Украина, а пред се во поддршка на мирот, човековите права и меѓународниот поредок заснован на правила. Имено, досега, Владата на Република Северна Македонија донесе неколку Одлуки за воено – техничка помош со кои и помагаме на Украина во одбрана на својот територијален интегритет кој е загрозен од воената интервенција, се посочува во соопштението. Република Северна Македонија, се додава понатаму, како членка на најмоќниот воено – политички сојуз – НАТО Алијансата, одлучно стои зад позицијата и решителноста на Алијансата да биде гарант на мирот и безбедноста на своите земји – членки и да ги штити вредностите, слободата и безбедноста на сегашните и идните генерации. Портпаролката на руското Министерство за надворешни работи Марија Захарова, денеска изјави дека Москва смета дека е голема грешка одлуката на властите на Северна Македонија да и донираат на Украина тенкови Т-72. Според неа, иако станува збор за застарена опрема, со донацијата се дава поддршка за „продолжување на криминалните активностите на режимот во Киев“. – И покрај тоа што, според северномакедонските власти, тоа е „безопасна“ донација на застарена опрема, останува фактот дека лојалното кон НАТО Скопје е вклучено во испораката на оружје а Украина, со што придонесува за продолжување на криминална активност на режимот во Киев против цивилното население во Донбас. Луѓето кои исповедаат демократија, слобода и човекови права треба да го знаат тоа. Сето ова води кон дополнително влошување на ситуацијата. Сметаме дека ова е голема грешка на раководството на Северна Македонија, вели Захарова во изјавата објавена на веб страницата на МНР на Русија.

Министерството за одбрана потврди: Македонија ѝ донира тенкови за Украина (ФОТО)

Катерина Бојаџиева — Thu, 28 Jul 2022 16:48:44 +0000

Откако на социјалните мрежи се појавија видеоснимки на кои се гледа транспорт на тенкови, „360 степени“ се обрати до Министерството за одбрана од каде, според одговорот, потврдуваат дека станува збор за донација што земјава ѝ ја дава на Украина. Од МО велат дека станува збор за трета генерација тенкови кои со развојот на технологијата за неколку години би биле неконкурентни и некомпатибилни со нашите побарувања за снабдување со западна платформа, а дополнително за нивно уништување во земјава ќе се потрошат пари што, како што велат, е нецелисходна активност за нашата Армија. Северна Македонија ѝ донира тенкови на Украина, која бараше од западните и НАТО-партнерите да ѝ помогнат со воена опрема. Информацијата за донацијата ја потврдуваат и од Министерството за одбрана (МО) каде биле упатени прашања откако на социјалните мрежи се појавија видеоснимки на кои може да се види дека се врши транспорт на тенкови. Од МО посочуваат дека согласно владините одлуки во неколку наврати е донирана воена опрема на Украина и фека тоа било во координација со сојузниците, при што повторуваат дека Северна Македонија како членка на НАТО го почитува територијалниот интегритет, суверенитет и правото на самоодбрана на Украина, како и дека остро ја осудува руската агресија. Повеќе на 360 степени.

Нацев: Македонски офицер вратен од мисија на КФОР поради немање безбедносен сертификат, од МО не ги сваќаат сериозно безбедносните процедури и регулативи

Тале Кристо — Fri, 18 Mar 2022 14:09:18 +0000

Македонски офицер вратен од мисија на КФОР поради немање безбедносен сертификат, од МО не ги сваќаат сериозно безбедносните процедури и регулативи, реагира преку социјалната мрежа на Фејсбук универзитетскиот по одбрана и Безбедност, Александар Нацев. Нацев и претходно реагираше дека од страна на Министерството не се почитуваат сите процедури и дека на вакви мисии се испраќаат и луѓе блиски до власта кои што не ги исполнуваат условите. -Во еден мој пост пред подолго време (линк до постот во коментари), јавно ги изложив моите сознанија и критики за компромитираноста на процесот на упатување припадници од АРМ на мировни мисии надвор од Република Македонија, односно упатување на лица кои не ги исполнуваат условите за упатување, конкретно поврзано со безбедносните сертификати. Добив таков жесток одговор од тогашната министерка и нејзиниот тим, кој беше исполнет со лични навреди и омаловажување (за што водам и постапка пред надлежен суд против Министерството за одбрана), дека зборувам невистини и слично. Но, еве денес дознаваме дека ни вратиле офицер од мисијата КФОР, затоа што немал безбедносен сертификат, што претставува сериозен пропуст на Воената служба за безбедност и разузнавање, и го руши угледот и на Министерството за одбрана, а меѓународно и на државата. Со ваквите постапки, минатото, но и моменталното раководство во Министерството за одбрана само докажува дека и покрај тоа што секој втор збор им е „НАТО“, „интеграција“ и слично, никој не ги сфаќа сериозно безбедносните процедури и регулативи, и мислат дека можат да прават што сакаат при упатување, унапредување и школување. Ама очигледно не е така, и очекувам остра реакција од безбедносните служби на НАТО за ваквите аматерски потези од страна на нашето Министерство, пишува Нацев во својата објава на Фесбук.

Нацев: Драго ми е што ВМРО-ДПМНЕ има проект кој предвидува ревидирање на системот на плати и надоместоци на припадниците на МО и АРМ

Тале Кристо — Sat, 04 Jul 2020 15:09:07 +0000

Драго ми е што после неколку мои колумни и јавни настапи во кои зборував за лошите услови и непрофесионалното менаџирање со Министерството за одбрана, можев да прочитам дека ВМРО-ДПМНЕ има проект кој предвидува ревидирање на системот на плати и надоместоци на припадниците на МО и АРМ во насока на пореално вреднување на трудот на секое ниво и за надминување на неправилностите во однос на добивањето на надоместоците, пишува во својата објава универзитетскиот професор по одбрана и безбедност Александар Нацев.

Сигурно го знаете Мо од Симпсонови: Се појави теорија дека ликот на мрзоволниот бармен крие тајна

Ивана Ефремовски — Tue, 30 Apr 2019 13:57:24 +0000

На почетокот на оваа година на Интернет се појави уште една во низата на теории на заговор во врска со мегапопуларните „Симпсонови“ според која мрзоволниот Мо Сизлак всушност знае дека Барт Симпсон е личност која го малтретира него и неговиот бар со хумористични повици. Еден корисник на „Reddit“ ја покренал оваа теорија, тврдејќи дека Мо е семеен пријател на Симпсонови, многу е осамен и само сака да го усреќи помладиот Барт, па се прави дека не сфаќа кој се шегува со него. Доказ за ова му е фактот дека Барт константно го користи истиот глас и истиот вид на шеги, а Мо секогаш реагира на начин за шегата да успее. Како пример ја наведува епизодата од првата сезона на Симпсонови, кога Барт ѕвони во барот и бара личност под името Ал Кохолик. Мо тогаш вели: „Еј, тука ли е Ал Кохолик?“, иако можел да употреби и „господин Кохолик“ или само Ал. Од „Huffington Post“ одлучиле да ја проверат оваа теорија кај Ханк Азари, актерот кој го позајмува гласот на Мо и уште неколку ликови во популарната серија. Актерот останал затечен од прашањето, па и самиот превртел некои сцени во главата, но на крајот сепак дошол до заклучок. „Мислам дека Мо едноставно е таков каков што е прикажан, мрзоволен и без многу трпение за деца. Би рекол дека баш и не е најпаметен лик и дека Барт навистина секој пат успева да го измами. Барем јас така замислувам додека го глумам“, рекол Азари.