мобилен – Kurir.mk

Теодора Џехверовиќ му го скрши телефонот на момче од публиката, го прекина настапот и веднаш му се обрати, настана вистински ШОК (ВИДЕО)

Ристе Здравков — Fri, 05 Aug 2022 18:25:57 +0000

Пејачката Теодора Џехверовиќ ги изненади сите кога на еден нејзин фан му вети дека ќе му купи нов телефон, бидејќи случајно му го скршила. Имено, на социјалните мрежи е објавена снимка на еден нејзин настап на кој се слуша како Теодора му се обраќа на момче и го моли да му се јави на Инстаграм. Џехва во текот на својот настап случајно му го скршила телефонот на едно момче од публиката. Како дошло до овој немил настан се уште не е познато, но она што пејачката го направи по оваа случка предизвика воодушевување. Погледнето го видеото:

@narodnizagondzija #fyp ♬ original sound - NarodniZagondžija

ЈСП: Времен прекин на услугата за плаќање билет со мобилен телефон

Тале Кристо — Mon, 10 Jan 2022 17:41:23 +0000

Утре, од 22 часот, нема да функционира опцијата за плаќање билет во јавен превоз со мобилен телефон (валидација преку бројот 185). Прекинот на оваа услуга, ќе биде од времен карактер, поради надградба на системот за електронска наплата. Од среда (12.01.2022 год), опцијата за плаќање со мобилен телефон ќе биде достапна, информираат од ЈСП.

Преку мобилен интернет користат 1 398 860 претплатници

Ивона Петрова — Sat, 02 Oct 2021 07:44:22 +0000

Бројот на активни претплатници во мобилна телефонија во вториот квартал годинава изнесува 1.867.694, а реализирани 1.523.126.310 минути разговор. Резиденцијални при пејд претплатници се 725.868, а пост пејд 892.456. Дел од вкупната бројка се и 249.370 деловни постпејд претплатници. Според податоците на Агенцијата за електронски комуникации, во второто тримесечие годинава бројот на претплатници на пристап до интернет со широк и тесен опсег преку мобилна телефонија изнесува 1 398 860. Најголем удел на пазарот според бројот на претплатници во мобилната телефонија има А1 Македонија, 49,78 проценти, пред Македонски Телеком (47,25 проценти), по што следат Лајка мобајл (1,76 проценти), Роби (1,19 проценти), како и Греенмобајл (0,02 проценти). И според остварените приходи најголем е уделот на А1 Македонија, (49,31 процент), Македонски Телеком има удел по тој основ од 49,25 проценти, Роби од 0,96 проценти, Лајка мобајл од 0,45 проценти, а Греен мобиле од 0,03 проценти. Најголем удел во вкупниот број на активни претплатници на пристап до интернет со широк и тесен опсег преку мобилна мрежа (2G/3G/4G) во вториот квартал годинава има А1 Македонија со 52,19 проценти, по Македонски Телеком има 45,27 проценти, а Роби 1,60 проценти… Извештајот на Агенцијата за електронски комуникации покажува дека бројот на фиксни линии според сите технологии во вториот квартал годинава достигна 420.908, а во анализираниот период се остварени 34.301.471 минути разговор. Кон мрежи во странски држави се остварени 522.177 минути разговор. Македонски телеком со 52,91 процент и натаму има најголем удел на пазарот според бројот на фиксни линии, пред А1 Македонија (39,73 проценти). Со 4,75 проценти е застапен операторот Роби, со 2,21 процент Неотел, со 0,53 Инфел Нет плус.

Ризично е да ја полните батеријата на телефонот на јавно место, еве како да си ги заштитите податоците!

Ивана Ефремовски — Mon, 02 Nov 2020 12:31:15 +0000

Сигурно и вие сте се нашле во ситуација кога сте излезени и потоа забележувате дека батеријата на вашиот телефон паднала на 3%, па седнувате некаде да се напиете кафе, го ставате телефонот на полнач и веќе сѐ ви изгледа во ред. Но, вистината е дека сепак не треба да се чувствувате толку опуштено. Иако ќе бидете во можност и понатаму во текот на денот да го користите вашиот телефон, ако местото од каде што добивате енергија било пробиено, вие можете сериозно да го загрозите телефонот и податоците кои се наоѓаат во него. На истиот начин, доколку го приклучите вашиот телефон за компјутер со УСБ кабел, вие им овозможувате лесен пристап на хакерите до вашите пораки, фотографии, контакти и слично. Така, бидејќи не постои единствен начин да откриете дали јавните места за полнење се ризични или не, најлесниот начин да се заштитите е да ја избегнувате оваа навика. Еве уште неколку трикови кои ќе ви помогнат да го заштитите вашиот телефон Обидувајте се секогаш да излегувате со речиси полна батерија на вашиот мобилен телефон. Размислете за купување преносна батерија и бидете сигурни дека секогаш ја носите со себе. Купете си УСБ кабел кој не пренесува податоци, како што тоа го прават повеќето. Во краен случај, доколку сепак треба да се одлучите за јавно полнење на телефонот, тогаш бидете сигурни дека вашиот телефон е заклучен со лозинка.

ТЕСТ: 90% од луѓето не успеваат, дали вие можете да го пронајдете телефонот?

Ивана Ефремовски — Sat, 03 Oct 2020 11:52:13 +0000

Проверете го вашиот вид, како и способноста за брзо забележување на малите детали. Внимателно погледнете ја горната фотографија и обидете се да го пронајдете сокриениот телефон на истата. Дали успеавте? Одговорот е во продолжение, но не го барајте пред да се обидете сами!

Не наседнувајте на оваа нова измама: Ако во било кој случај ваков телефонски повик, еве што треба да направите

Матеја Петровски — Wed, 04 Jul 2018 07:38:36 +0000

Хрватските медиуми пренесуваат дека денеска дубровачката полиција предупредува на нова телефонска измама. Имено, преку телефон непозната личност се претставува како работник во амбасада на некоја држава, бара помош за член на семејството на жртвата која ја контактирал, барајќи секако пари. Ако во било кој случај примите ваков повик, пред уплатувањето на парите, прво стапите во контакт со личноста која наводно и треба помош или со некој од нејзе блиските личности, како би ја провериле вистинитоста и не би станале жртва на измама. Во Хрватска веќе се забележани неколку жртви на овој начин на измама.

Внимавајте: Овие апликации во вашиот телефон се вистинска мамка за вируси

Матеја Петровски — Sat, 19 May 2018 07:15:55 +0000

Со оглед на огромниот број на апликации кои секојдневно се појавуваат, дури и Google не може сите да ги следи и да провери колку истите се безбедни. Затоа, безбедноста на уредот зависи првенствено од вас и поради тоа треба добро да размислите пред да одлучите да инсталирате некоја од овие апликации: Апликации за временска прогноза Овие апликации се многу популарни, но голем број од нив содржат вируси. Неодамна излезе вест за апликација во која се наоѓал вирус кој собирал податоци од телефоните и ги испраќал до хакерите кои биле заинтересирани за кредитните картички на корисниците. Апликации кои го „оптимизираат” телефонот Овие апликации ветуваат дека ќе го исчистат “кешот” од телефонот, ќе ги избришат непотребните програми и ќе го забрзаат уредот. Меѓутоа, бројни паметни телефони веќе доаѓаат со овие функции па затоа апликациите од ваков тип се непотребни. Притоа, тие ја трошат батеријата, не го забрзуваат системот и како бонус доаѓаат со реклами. Апликации кои ја зголемуваат количината на RAM Доколку ова ви звучи премногу добро за да биде вистинито – не грешите. Во прашање се оптимизатори кои привремено можат да избришат “кеш” фајлови, а тоа вашиот телефон може да го направи и сам. Работата е во тоа што не можете да ја зголемите количината на RAM која телефонот веќе ја поседува, а врв на сето тоа е што овие апликации многу лесно можат да ги украдат податоците на корисникот. Апликации за дефрагментација Овие апликации станаа популарни бидејќи нивните креатори успеаја да ги убедат луѓето дека тие го прават истото што го прават и компјутерските програми. Но, на паметните телефони не постојат хард дискови кои би требало да бидат дефрагментирани. Затоа овие апликации можат само да анализираат колку одредени апликации заземаат простор. Притоа, тие ги трошат ресурсите на телефонот и можат да ги украдат вашите лични податоци.

Внимавајте: Ова го правите секоја ноќ, а многу е опасно и предизвикува рак

Ивана Ефремовски — Sat, 03 Feb 2018 12:53:00 +0000

Повеќето од нас ја правиме истата грешка – спиеме со мобилните телефони близу нас. На сите ни е позната штетноста од нивното зрачење и дека тоа е опасно по нашето здравје, а и дека во краен случај предизвикува рак.

Затоа, барем додека спиеме можеме телефоните да ги одалечуваме од нас. Ерин Нелсон од Нов Зеланд заспала со својот мобилен телефон, а утрината се разбудила со опекотини од втор степен на нозете. Сличен случај пријавила жена која рекла дека нејзиниот мобилен се запалил додека го носела во џеб. Неговото експлодирање можело да биде уште пострашно доколку телефонот бил близу до главата. Затоа, потрудете се да бидат подалеку од вас кога не ви се потребни и да не ги оставате на полнач преку ноќ. Многу несреќни случаи ширум светот се забележани поради експлодирање на телефон кој бил оставен да се полни цела вечер, па експлодирал од силен електричен напон. Истото важи и за останатите уреди како лаптопите и таблет уредите.

Бидете внимателни: Тетовец нарачал мобилен телефон преку интернет, па од картичката му украле над 90.000 денари

Ивана Ефремовски — Tue, 26 Dec 2017 14:39:00 +0000

30-годишниот Б.А. од село Пирок- тетовско пријавил злоупотреба на неговата платежна картичка од страна на непознати сторители. На 07.11.2017 година, преку социјална мрежа нарачал мобилен телефон и ги внел личните податоци и бројот на платежната картичка, издадена од една од банките во Тетово. Кога по извесно време ја проверил состојбата на сметката, констатирал дека во периодот од 20.11.-27.11.2017, во девет наврати од истата му биле подигнати 90.218 денари. Се работи на целосно расчистување на настанот и пронаоѓање на сторителите.