мобилна телефонија – Kurir.mk

Над два милиони претплатници во мобилната телефонија во земјава

Дарко Андоновски — Tue, 07 Feb 2023 11:49:37 +0000

Бројот на активни претплатници во мобилната телефонија заклучно со третиот квартал лани достигна 2.048.236 и бележи зголемување за 115 илјади во однос на претходното тримесечје кога беа регистрирани 1.932.608 претплатници. Тоа е продолжение и на претходниот раст на квартално ниво, кога во вториот во однос на првиот квартал, имаше зголемување за на бројот на претплатници за 20.000. Од вкупниот број претплатници во третиот квартал од 2022 година, 249.034 се деловни пост пеид, додека кај резиденцијалните 934.656 се пост пеид, а 864.546 при пеид, покажуваат најновите податоци за развојот на пазарот на електронски комуникации. Најголем удел во вкупниот број активни претплатници има „Македонски телеком“ со 48,3 проценти, пред „А1 Македонија“ со 47,46 проценти, „Лајка Мобајл“ 2,87 проценти, „Роби“ 1,17 и „Греен мобиле“ од 0,08 проценти. „Македонски телеком“ има и најголем удел во приходите од обезбедување мобилни комуникациски услуги (малопродажно ниво) со 51,86 проценти, по што следи „А1 Македонија“ со 46,49 проценти, „Роби“ со 0,84 проценти, „Лајка Мобиле“ со 0,70 проценти и „Греен мобиле“ со 0,11 проценти. Според податоците на Агенцијата за електронски комуникации во третото тримесечие од 2022 година имало 1.581.835 претплатници со пристап до интернет со широк и тесен опсег преку мобилна мрежа. Од нив на „Македонски телеком“ отпаѓаат 48,51 процент, „А1 Македонија“ 47, 67 проценти, „Лајка Мобајл“ 2,21, „Роби“ 1,51 и „Греен мобиле“ 0,10 проценти. Во однос на вториот квартал, претплатниците со пристап до интернет се зголемиле за 162 илјади. Во фиксната телефонија, во третиот квартал лани АЕК евидентира 436.182 линии од сите технологии и 24.545.561 минути сообраќај. И тука има зголемување на квартално ниво во однос на вториот квартал кога имало 432.086 линии. Во третиот квартал од 2022 година преку „Македонски телеком“ се 51,94 проценти од фиксните линии, „А1 Македонија“ има 41,32 проценти, „Роби“ 4,06 проценти, „Неотел“ 1,96 проценти и „Актон“ 0,72 проценти.

Во мобилната телефонија 1 941 352 претплатници, 425.646 фиксни линии

Ивона Петрова — Mon, 18 Apr 2022 05:45:57 +0000

Бројот на активни претплатници во мобилна телефонија во четвртиот квартал лани изнесувал 1.941.352. Од нив резиденцијални припејд претплатници се 780.098, а постпејд 912.660, додека деловни постпејд се 248.595, покажуваа најновите податоци на Агенцијата за електронски комуникации (АЕК). Пристап до интернет со широк и тесен опсег преку мобилна мрежа во четвртиот квартал лани имале 1.416.911 претплатници. Најголем удел во вкупниот број претплатници има Македонски телеком со 48, 2 проценти, по што следи А1 Македонија со 48,04, па Лајкамојал со 2,53 проценти, Роби со 1,21 процент и Грин мобиле со 0,02 проценти. Најголем удел од приходи, пак, има А1 Македонија со 49,37 проценти, пред Македонски телеком со 47,55 проценти. Според извештајот на АЕК, во последниот квартал лани се реализирани вкупно 1.485.329.432 минути сообраќај. Остварени се 4.400.712 минути сообраќај од претплатници на домашен оператор кои роамирале надвор од државата. Вкупниот број на фиксни линии (сите технологии) во последниот квартал лани изнесува 425.646, а остварени се 30.860.048 минути сообраќај. Најголем удел во бројот на претплатници има Македонски телеком со 52,62 проценти, по што следи А1 Македонија со 40,85 проценти, па Роби со 4,38 и Неотел со 2, 14 проценти.

Преку мобилен интернет користат 1 398 860 претплатници

Ивона Петрова — Sat, 02 Oct 2021 07:44:22 +0000

Бројот на активни претплатници во мобилна телефонија во вториот квартал годинава изнесува 1.867.694, а реализирани 1.523.126.310 минути разговор. Резиденцијални при пејд претплатници се 725.868, а пост пејд 892.456. Дел од вкупната бројка се и 249.370 деловни постпејд претплатници. Според податоците на Агенцијата за електронски комуникации, во второто тримесечие годинава бројот на претплатници на пристап до интернет со широк и тесен опсег преку мобилна телефонија изнесува 1 398 860. Најголем удел на пазарот според бројот на претплатници во мобилната телефонија има А1 Македонија, 49,78 проценти, пред Македонски Телеком (47,25 проценти), по што следат Лајка мобајл (1,76 проценти), Роби (1,19 проценти), како и Греенмобајл (0,02 проценти). И според остварените приходи најголем е уделот на А1 Македонија, (49,31 процент), Македонски Телеком има удел по тој основ од 49,25 проценти, Роби од 0,96 проценти, Лајка мобајл од 0,45 проценти, а Греен мобиле од 0,03 проценти. Најголем удел во вкупниот број на активни претплатници на пристап до интернет со широк и тесен опсег преку мобилна мрежа (2G/3G/4G) во вториот квартал годинава има А1 Македонија со 52,19 проценти, по Македонски Телеком има 45,27 проценти, а Роби 1,60 проценти… Извештајот на Агенцијата за електронски комуникации покажува дека бројот на фиксни линии според сите технологии во вториот квартал годинава достигна 420.908, а во анализираниот период се остварени 34.301.471 минути разговор. Кон мрежи во странски држави се остварени 522.177 минути разговор. Македонски телеком со 52,91 процент и натаму има најголем удел на пазарот според бројот на фиксни линии, пред А1 Македонија (39,73 проценти). Со 4,75 проценти е застапен операторот Роби, со 2,21 процент Неотел, со 0,53 Инфел Нет плус.