мобилни телефони – Kurir.mk

Настава без мобилни телефони во училиштата во Гази Баба

Ивана Ефремовски — Fri, 13 Oct 2023 10:19:42 +0000

Наставата без мобилни телефони ќе придонесе да се зголеми квалитетот на образовниот процес. За таа цел од денес во сите општински основни училишта на територија на општина Гази Баба се воспоставува настава без мобилни телефони, истакнува градоначалникот Бобан Стефковски. „Сите основни училишта извршија набавка на специјално изработени џебови кои се поставени во секоја училница. Секој ученик на почеток на секој час го остава својот мобилен телефон во џебот на кој е испишан бројот на ученикот од дневникот“ - посочи тој.

Психолози им ги одзеле телефоните на деца на осум часа, па се шокирале од нивното однесување

Ивана Ефремовски — Tue, 09 May 2023 06:46:27 +0000

Индекс Психологот за деца од Санкт Петербург, Екатерина Мурашова и нејзините колеги во 2013 година спровеле интересен експеримент. Таа побарала од 68 тинејџери на возраст од 12 до 18 години да се откажат од сите свои електронски уреди, односно да ги исклучат мобилните телефони, компјутерите, телевизорите, таблетите и конзолите за игри, во траење од осум часа и за тоа време да не комуницираат со никого. Она што им било дозволено во тие осум часа е - да пишуваат, цртаат, читаат, пеат, шетаат и да се занимаваат со слични активности. Авторката на експериментот сакала да докаже дека современите тинејџери не можат да се преокупираат со такви работи и дека се целосно несвесни за својата состојба. Според правилата на експериментот на децата им било советувано да го прекинат експериментот доколку почувствуваат прекумерна вознемиреност, непријатност или напнатост и да го забележат времето и причината за прекинот. Резултатите биле шокантни, а треба да се земе предвид и дека експериментот е спроведен пред десет години, кога технологијата беше далеку помалку распространета отколку денес. Од 68 испитаници, само тројца го завршиле експериментот - едно девојче и две момчиња. Тинејџерка осум часа ги запишувала своите чувства во дневник. Едно од момчињата правело макета на едрилица, со пауза за ручек и шетање на кучето. Вториот прво ги сортирал и преуредувал своите колекции, а потоа се занимавал со пресадување цвеќиња. Ниту еден од нив немал негативни емоции за време на експериментот и не забележал појава на „чудни“ мисли. Тројца учесници во експериментот изјавиле дека „имале самоубиствени мисли“, а петмина доживеале напади на паника. Кај 27 тинејџери се забележани симптоми како гадење, потење, вртоглавица, бранови на жештина или болки во стомакот. Речиси секој од нив пријавил чувство на страв и вознемиреност. Интересот и возбудата за новонастанатата состојба и за соочувањето со себеси стивнаа кај речиси сите учесници на почетокот на вториот или до третиот час. Десет тинејџери кои го прекинале експериментот се чувствувале вознемирени по три или повеќе часа осаменост. Што правеле тинејџерите за време на експериментот? Јаделе; Читале или се обидувале да читаат; Пишувале домашни задачи или учеле; Гледале низ прозорецот или се шетале низ станот; Излегле во продавница или кафуле, без да комуницираат со други, освен со продавачите; Наоѓале загатки и ределе „Лего“ коцки; Цртале; Си играле со куче или мачка; Се капеле; Си ја средувале собата или станот; Се занимавале со физичка вежба; Ги запишувале своите чувства и мисли; Свиреле на пијано, гитара или флејта; Пишувале поезија или проза; Едно момче патувало низ градот пет часа, менувајќи автобуси и тролејбуси; Едно момче отишло во забавен парк, но по три часа почнало да повраќа; Едно момче шетало низ градот; Едно момче отишло во зоолошката градина; Една девојка отишла во музејот. Што правеле по експериментот? Речиси секој учесник се обидел да заспие во одреден миг, но никој не успеал поради мислите што им се вртеле низ главата. По завршувањето на експериментот, 14 тинејџери веднаш пристапиле до социјалните мрежи, 20 контактирале со своите пријатели, тројца со родителите, а петмина отишле да посетат свои другари. Останатите ги вклучиле телевизорите или почнале да играат видеоигри. Покрај тоа, речиси сите веднаш си пуштиле музика или ставиле слушалки на ушите. Сите стравови и симптоми исчезнале веднаш по завршувањето на експериментот. Интересно е што 63 тинејџери го препознале експериментот како корисен и интересен за самоспознавање. Шест учесници сами го повториле експериментот и тврдат дека успеале по неколку обиди. Кога тинејџерите анализирале што им се случило за време на експериментот, 51 лице користеле изрази како „зависност“, „доза“, „повлекување“, „излегува дека не можам да живеам без...“, „Постојано ми треба...“ Сите тие рекоа дека биле страшно изненадени од мислите што им се случиле за време на експериментот, но не можеле да се справат со нив поради влошување на општата состојба. (МИА)

Дали знаевте дека мобилните телефони негативно влијаат на убавината на вашата кожа?

Ристе Здравков — Thu, 13 Apr 2023 20:05:36 +0000

Зголемете ја осветленоста на екранот и големината на фонтот на буквите така што да не морате да „мижите“ додека читате. Двапати дневно направете лесна масажа на подрачјето околу очите со хранлива крема. Поткожно воспаление на образите и брадата Често бришете го екранот со антисептичко марамче за да ги отстраните микробите и обидете се да го избегнете разговорот на телефон додека го држите на лице. Во секојдневната нега додадете производи од цинк, тој го намалува осипот и го нормализира лекувањето на кожата. Темни кругови под очите Не ставајте го гаџетот во спалната соба, подобро е да го извадите од собата навечер – тоа ќе го подобри квалитетот на сонот. Наутро нанесете оладени фластери на проблематичните подрачја на 10 минути. Нездрав сивкаст тен Сино светло кое го емитува уредот придонесува на создавање на слободни радикали. Кожата изгледа уморно и побрзо старее. Моќните агенси против стареење ќе помогнат во борбата против тоа.

Овие телефони се мета на хакери, дали и вашиот е меѓу нив?

Дарко Андоновски — Tue, 28 Mar 2023 19:59:06 +0000

Неодамнешното откритие на истражувачите во одделот „Project Zero“ на „Google“ покажа дека некои телефони имаат сериозен баг што не бара интеракција со корисникот за да се хакира уредот. Името за овој феномен е „хак без клик“ (no-click hack) и се што му треба на хакерот е телефонски број. „Google“ го започна проектот за пронаоѓање на пропусти во оперативниот систем „Android“, „Chrome“ и други апликации. Како дел од проектот, откриена е ранливост во модемите „Exynos“ произведени од „Samsung“. Четири ранливости се сметаат за најсериозни. Тие му дозволуваат на напаѓачот од далечина да го компромитира телефонот без интеракција со корисникот и само бараат од напаѓачот да го знае телефонскиот број на жртвата. Ова се следниве уреди: – Телефони од сериите „Samsung S22“, „M33“, „M13“, „M12“, „A71“, „A53“, „A33“, „A21“, „A13“, „A12“ и „A04“; – Телефони од сериите „Vivo S16“, „S15“, „S6“, „X70“, „X60“ и „X30“; – Серии на „Google Pixel 6“ и „Pixel 7“; – сите преносливи уреди кои користат чипсет „Exynos W920“; – сите возила кои користат чипсет „Exynos Auto T5123“. Со цел да се заштитат, на корисниците им се препорачува да ги исклучат повиците преку Wi-Fi и услугата VoLTE во поставките на уредот за да ја намалат ранливоста и да го елиминираат ризикот. Корисниците на телефонот „Google Pixel“ мора да го ажурираат својот уред до најновата верзија, објавена претходно овој месец, така што ќе го заштитат.

Притвор за осомничен за кражби на мобилни телефони во Скопје

Ивана Ефремовски — Fri, 24 Mar 2023 18:25:07 +0000

Основното јавно обвинителство Скопје поведе постапка против 43-годишен скопјанец за кого постои основано сомнение дека сторил три кривични дела – Тешка кражба по член 236 став 1 точка 3 од Кривичниот законик. Во текот на претходната постапка беа обезбедени докази дека осомничениот на 20 и 26 октомври 2022, во продавница за облека во Градскиот трговски центар во Скопје, искористил невнимание на две жени и им ги одзел мобилните телефони, од кои едниот во вредност од 20.000, а другиот вреден 77.000 денари. На 23 март годинава, осомничениот искористил што градски автобус кој се движел по булеварот „Митрополит Теодосиј Гологанов” бил преполн, па од џебот на еден патник одзел мобилен телефон вреден 20.000 денари. Оценувајќи дека постои опасност од бегство на осомничениот, надлежниот јавен обвинител до Основниот кривичен суд Скопје достави предлог за определување мерка притвор. Судот го прифати предлогот и определи притвор во траење од 8 дена.

Oбид за внесување мобилни телефони во штипскиот затвор

Ивона Петрова — Wed, 04 Jan 2023 14:26:03 +0000

Директорот на Затвор Штип, Мики Тодоров денеска информира дека при претрес на ноќна смена од страна на командирот, кај виш надзорник на влезот во затворот се пронајдени три мобилни телфони. -Вчеравчер на ноќна смена командирот направил претрес и кај еден од вработените на влезот во затворот се пронајдени три мобилни телефони. Направен е записник од негова страна, а со допис случајот е пријавен во полицска станица Штип. Вработениот тврди дека телефоните се на негов роднина, кај кој бил на посета непосредно пред да дојде на работа. Чекаме од полицијата да утврдат чии се телефоните и дали се можеби од друго кривично дело и согласно на тоа ќе се постапува во иднина, вели Тодоров. Настанот го потврдуваат и од СВР Штип. Од таму велат дека пријава има и дека во тек е предистражна постапка, и повеќе информации ќе има по незјино завршување.

Владата во Италија ги забрани мобилните телефони на часови

Катерина Бојаџиева — Wed, 21 Dec 2022 07:03:52 +0000

Владата на италијанската премиерка Џорџа Мелони објави писмо потпишано од министерот за образование Џузепе Валдитара со кое се забранува употреба на мобилни телефони за време на часовите. Во текстот се наведува дека употребата на мобилни телефони претставува „елемент на одвраќање“ и чин на „непочитување кон наставниците“. Главниот приоритет наведен во писмото е враќање на авторитетот на наставниците. Исто така се наведува дека употребата на мобилни телефони и други електронски уреди сепак ќе биде дозволена доколку е за едукативни цели.

Над пет милијарди телефони ќе се најдат во отпад годинава

Магдалена Андонова — Mon, 17 Oct 2022 10:13:13 +0000

Повеќе од пет милијарди од проценетите вкупно 16 милијарди мобилни телефони во светот ќе бидат фрлени во отпад оваа година, говорат стручните проценки. Некои бараат сиот тој материјал да се рециклира. Сѐ тоа е само дел од речиси 45 милиони тони електронски отпад во светот, што не се рециклира. Иако содржат злато, бакар, сребро, паладиум и други компоненти коишто можат да се рециклираат, речиси сите овие несакани уреди се исфрлени или изгорени, што предизвикува значителна штета на животната средина и здравјето. – Мобилните телефони се меѓу електронските производи што најмногу не загрижуваат. Ако не ги рециклираме ретките материјали што ги содржат, ќе мораме да ги ископуваме во земји како Кина и Конго, рече Паскал Лерој, извршен директор на „ВЕЕЕ“ – непрофитна алијанса на организации за управување со електронски отпад. Многу од петте милијарди мобилни телефони кои годинава ќе бидат вон оптек, ќе останат заборавени во фиоки, плакари и гаражи – што исто така, е штетно. (МИА)

Како да знаете дали некој Ви го прислушкува телефонот: Експерти откриваат сигурносни знаци дека некој Ве следи

Ристе Здравков — Wed, 27 Jul 2022 08:38:44 +0000

Сигурно барем еднаш во животот сте помислиле дека некој ви го следи телефонот. Технологијата измина долг пат, но затоа следењето и прислушувањето никогаш не било полесно, особено на мобилен телефон. Хакерите можат да дознаат апсолутно сè за вашиот живот! Со следење на GPS сигналите, тие можат да знаат каде одите на шопинг и други локации што редовно ги посетувате. Откако ќе соберат доволно информации, можат да ги продадат на Dark Web или да ги користат за кражба на идентитет, што не е невообичаено овие денови. За тоа сведочат бројни случаи ширум светот. Затоа, важно е да ги препознаете сигналите што ги испраќа мобилниот телефон во случај некој да ве следи: Телефонот сам се ресетира – Доколку мобилниот почне сам да се рестартира, тоа може да биде знак дека е хакиран – објаснуваат експертите за безбедност на уредите поврзани на интернет. Додаваат дека злонамерната програма вметната на каков било начин најчесто доаѓа во „конфликт“ со други апликации, па телефонот се „расипува“. Телефонот драстично забави Вашиот уред одеднаш забави и ве нервира? Вистина е дека секој телефон, iOS или Android, со текот на времето губи брзина и капацитет, но ако тоа се случи во комбинација со други „симптоми“ од оваа листа, секако не е добро. Слушате необични звуци Ако слушнете ехо, статични звуци или кликање, тоа може да биде знак дека некој ги слуша вашите повици. Експертите објаснуваат дека тоа ретко се случува, бидејќи хакерите усовршиле бројни техники, но внимавајте на квалитетот на звукот за време на разговорите кога сте во мирна средина или сами. Уредот е тајно вкоренет Станува збор за рачно отстранување на ограничувањата на производителот, за да може да се пристапи до заштитените делови на уредот и да се инсталира програма за шпионирање. „Не можете сами да го забележите ова. Побарајте Cydia за iOS или SuperUser за Android. Може да се случи и сами да се појават на вашиот екран“, велат експертите. На телефонот му треба премногу време за да се исклучи Обрнете внимание ако на телефонот му треба подолго време за исклучување од вообичаено. „Кога ќе го притиснете копчето за исклучување, уредот мора да ги заврши сите задачи што ги започнал. Ова значи и испраќање податоци на трета страна, односно хакер, што значително го зголемува времето на исклучување“, открива Readers Digest. Мобилниот често се прегреева Дали забележавте дека уредот е „жежок“ во последно време? Ова може да биде знак дека е хакиран. Злонамерна програма што работи континуирано, без да сфатите, доведува до прегревање. Секако, има и други причини поради кои телефонот се прегрева, а причина за тоа би можела да биде батеријата. Уште две причини за кои треба да се грижите и кои би можеле да бидат знак дека телефонот ви е хакнат се брзото празнење на батеријата и постојаното „пржење“ на интернетот, т.е. пакет на податоци. Што можете да направите? Првото нешто што треба да направите е да го ресетирате телефонот. „Звучи неверојатно, но некои апликации и софтвер за следење се потпираат на тоа што никогаш не го рестартирате телефонот. Со овој едноставен потег ќе ги запрете хакерите“, рекол споменатиот извор. Антивирусните апликации можат да помогнат, но ако ги имате не значи дека сте заштитени. – Исклучете ги GPS-от и локацијата кога не ви требаат, бидејќи тоа спречува трето лице да ја знае вашата локација. Исто така, важно е редовно да го ажурирате телефонот и да ги бришете апликациите со кои не сте запознаени – се заклучува во написот. Ако ништо од ова не помогне, тогаш ресетирањето е во ред, но ресетирањето на хардверот и чувањето само на најосновните копии на податоци – фотографии, видеа, пораки, содржината на апликацијата Notes и други работи што не се од системска природа – велат сајбер-експертите.

Во светот регистриран пад на продажбата на мобилни телефони

Ивона Петрова — Sat, 23 Jul 2022 13:51:32 +0000

Во светот во вториот квартал од годината продадени се 316 милиони паметни телефони или девет проценти помалку во споредба со истиот период од 2021 година. Падот на продажбата се должи на инфлацијата и другите економски препреки, се наведува во извештајот на аналитичката компанија Каналис (Canalys). И покрај вкупниот пад, продажбата на паметни телефони на Епл (Apple) и на Самсунг (Samsung) и понатаму се на првите две места по продажба, како и меѓу првите пет, кои единствени го зголемиле пазарниот удел. Самсунг сè уште е број еден во светот и по вториот квартал од 2022 година има најголем пазарен удел во однос на испораките на паметни телефони, со 21 отсто, што е зголемување од 18 проценти во споредба со истото тримесечје од 2021 година, додека втор е Епл со пазарен удел од 17 отсто, исто така зголемен, од минатогодишните 14 проценти. Меѓу првите пет добавувачи кои бележат пад од три до еден отсто на продажбата се Шаоми (Xiaomi), Опо (Oppo) и Виво (Vivo). Шаоми минатата година имаше 17 отсто удел на пазарот, а годинава 14, додека Опо од 11 падна на 10, а Виво од 10 на девет проценти. Според аналитичарите на Каналис, прекумерната понуда на телефони од средна класа и цена, доведува до трупање на резерви поради тоа што купувачите поради инфлацијата купуваат телефони со пониски цени и се очекува продавачите да ги засилат промоциите и специјалните понуди во наредните месеци за да ја поттикнат продажба и пред периодот на празници кон крајот на годината.