мобилни – Kurir.mk

Поголема видливост на вашиот бренд и од промоција на фејсбук? Добредојде, Моби Промо!

Super Admin — Wed, 29 Jul 2020 08:06:54 +0000

Сигурно сте слушнале дека денес, најголем дел од потрошувачите (околу 80%) бараат информации он-лајн, преку нивните смарт телефони? Но дали сте слушнале и дека потрошувачите очекуваат и бараат брендовите да комуницираат со нив како во вообичаени услови, така и во време на криза? Анализите покажаа дека токму континуираната комункација, ќе биде од исклучителна важност за купување по завршување на кризата „Односите на потрошувачите ќе бидат посилни со брендовите кои комуницирале со нив за време на кризата“ (http://polaris-see.com/reports/polaris-covid-19-recovery-plan/). Зошто е потребна поефикасна, широка, но таргетирана промоција? Бидејќи ПРОДАВА! Во времето на дигиталниот маркетинг, потрошувачите се изложени на околу 3.000-10.000 промотивни пораки на ден, поради што ги игнорираат и забораваат голем дел од нив, а ги паметат само пораките кои им делуваат попознато или поважно. Брендовите, поради ова, се соочуваат со голем проблем кој директно влијае на продажбата – неможност да се најдат на врвот во умот на потрошувачот и да бидат потенцијален прв избор при купување. Всушност, бизниси кои најбрзо умираат се оние кои немаат креирано доволна висока свесност кај целната група и немаат доволна побарувачка за своите производи. Сепак, добрата вест е дека ова е процес на кој значително можеме да влијаеме, преку таргетирано и континуирано повторување на пораката за брендот, со Моби Промо. Затоа, секој бизнис неминовно е соочен со неколку клучни прашања: Дали сака свесноста за неговиот бренд да расте и да биде меѓу првите во умот на потрошувачите при одлука за купување? Дали сака потрошувачите да купуваат почесто и повеќе кај него, отколку кај неговите конкуренти? Дали е насочен кон креирање на вредност за потрошувачите преку правилна комуникација со нив? Дали знае како размислуваат на истиве теми неговите конкуренти и дали преземаат нешто околу тоа? Доколку, одговорите на овие прашања се НЕ, тогаш бизнисот нема потреба од натамошната содржина на овој текст, НО доколку барем еден од одговорите е ДА, тогаш во продолжение е претставено решението за наведените проблеми. Моби Промо е иновативна и уникатка промотивна алатка/платформа со која за брзо време се зголемува свесноста за брендот и можноста за стекнување на нови потрошувачи и продажби. Моби Промо овозможува таргетирана, автоматизирана комуникација преку креирање на реклама која може да биде пласирана едновремено на повеќе од 40 најпосетувани и релевантни интернет портали во земјата (на македонски и албански јазик), во повеќе различни категории: информативни, бизнис, спортски и забавни портали (Сакам да кажам; Фокус; Кафе пауза; Нова Македонија; Бизнис инфо; Лејди.мк; Утрински весник; Слободен печат; АлсатМ; Алба спорт и други), со преку 15 милиони прегледи на месец од мобилен уред, од страна на потрошувачите кои се носители на потрошувачката: генерација Х (36-54 год.), генерација Милениумци/Y (25-35 год.) и генерација Z (под 25 год.). НО, покрај лесно видлива и повторувана порака, многу е важно и резултатот од истата да може да се МЕРИ! Со нашата алатка дилемата на бизнисменот John Wanamaker и проблем на традиционалниот маркетинг (ТВ, радио, списанија, билборди, плакати, флаери, брошури...) дека „половина од парите за реклама се потрошени/фрлени, само не се знае која половина“, е успешно решена:

Се добива детална аналитика за увид во резултатите од кампањата (број на прегледи, број на уникатни корисници, број на кликови, фрекфенција, ефикасност, трошење на буџет)
Истовремено, според ефективноста на кампањите, може да се вршат промени на тековна кампања во реално време.

Моби Промо функционира на основа на едноставен и лесно пристапен софтвер во 3 едноставни чекори:

Креирате доживотно бесплатен профил за бизнисот на нашата платформа, за само 2-3 минути;
Ја креирате рекламата во форма на банер која сакате да биде прикажана на избраните интернет портали и видена од целната група на нивните смарт телефони (промотивни акции, нов производ/услуга, нов начин на плаќање, нова он-лајн продавница...) и ја активирате за време и буџет по ваша желба и потреба;
Следите аналитика и сведочите раст на видливоста и свесноста за брендот и производите на бизнисот!

Најдобиот дел е тоа што го добивате како наш НОВ клиент/огласувач:

Водич за користење на платформата и за дизајнирање содржина на ефективен банер,
10 бесплатни преддизајнирани урнеци на банери,
Бесплатна експертиза и помош при изработката на првата маркетинг кампања,
Значителна заштеда на време и енергија преку избегнување на договори со голем број на поединечни интернет медиуми;
За проба на софтверот и прва уплата на реклама - попуст и заштеда од 20%,
Голема видливост и зголемена свесност за брендот на домашниот пазар.

Ефикасноста и уникатноста на Моби Промо веќе привлече значителен број на клиенти, кои ни ја дадоа својата доверба и се наши лојални соработници: Витаминка (Чоко Стоби флипс, Брилијант), А1, DM, PharmaS (Центравит), Неотел, Cashback World, Рефан, USA Shops, Ресторан Зинг... „Откако го користиме Моби Промо, нашата реклама е значително повидлива, а брендот подостапен до потрошувачите. Youtube видео спотот за Чоко Стоби флипс од 1.000 прегледи стигна на 10.500 прегледи за кампања од само 1 месец. Ова не можевме толку брзо да го постигнеме без Моби Промо.“ - Влатко Трпаноски, комерцијален директор во Витаминка „Откако лансиравме кампања преку Моби Промо, свесноста за нашиот бренд Центравит е зголемена, а со тоа нашата цел остварена.“ - Филип Ачкоски, регионален директор на компанијата PharmaS Вербата во нашиот производ ни дозволува квалитетот на услугата да го гарантираме и со ВРАЌАЊЕ НА УПЛАТЕНИТЕ ПАРИ, иако досега НИКОЈ не побарал да ги вратиме парите, пред се, затоа што ИСПОРАЧУВАМЕ РЕЗУЛТАТИ. За дополнителни информации за Моби Промо и регистрација, погледнете следниот линк (https://bit.ly/2ZsFH4s) Проектот е кофинансиран од страна на ФИТР.

Телефоните со 5G технологија ќе бидат 200 до 300 долари поскапи од останатите

Ристе Здравков — Sat, 08 Dec 2018 19:02:45 +0000

Со најавата за првиот 5G телефон на компанијата Samsung се очекува дека многу од останатите производители ќе „скокнат“ на трендот и ќе произведуваат смартфони со оваа технологија. Она што нема да ги израдува потрошувачите е цената на овие телефони, која изгледа дека ќе биде многу повисока отколку што првично се очекуваше. OnePlus изгради репутација како компанија која на пазарот нуди телефони од премиум сегментот но со многу поевтина цена од конкурентите. Како што самите го нарекоа нивниот OnePlus 6T – „најевтиниот флегшип кој можете да го имате“. Првиот 5G телефон на оваа компанија беше претставен утрово на технолошкиот саем во Мауи. Извршниот директор на OnePlus, Пит Ло, најави дека неговата компанија работи на неколку нови телефони од кои како најскап го издвои токму оној кој користи 5G технологија. „Тешко е да ја одредиме цената на сите телефони уште сега, но знајте дека телефоните со 5G технологија ќе бидат значително поскапи од оние останатите. Не би можел да кажам конкретна сума, но според моите проценки тие би требало да бидат околу 200-300 долари поскапи“, рече Пит Ло. Веднаш потоа Ло појасни дека ова не мора да е случајот со смартфоните од сите компании. Според него, цената ќе варира во однос на тоа колку компанијата сака да заработи од новата технологија. Ло очекува дека некои компании ќе наплаќаат и многу повеќе за телефоните со 5G технологија, но вели дека тоа нема да влијае на уредите од гамата на OnePlus.

„Музика, не мобилни!“ – кампања на Македонската филхармонија

Ристе Здравков — Tue, 25 Sep 2018 11:40:13 +0000

„Музика, не мобилни - исклучи го телефонот, вклучи ги сетилата!“ е новата кампања на Македонската филхармонија која ќе почне в четврток, со првиот симфониски концерт во новата сезона и настапот на солистот Лука Дебарг и диригентот Јерухам Шаровски. Целта е да се подигне свеста кај посетителите да не користат телефони за време на музичките настани. Според директорот Виктор Илиески, невкусно е кога за време на концертите на класична музика, кога, како што вели, имаме мир и благосостојба, кога се одмораме од секојдневието и кога сме силно сконцентрирани на она што како естетика, филозофија и музика ни се нуди, тоа да се нарушува со звуците или блицевите на телефонот. - Употребата на телефонските апарати им пречи и на оние коишто се на сцената, затоа што постои можност за деконцентрација, одвлекување на вниманието, а со тоа и за несоодветно претставување на делото што го изведуваат. Класичната музика е специфична и бара силна посветеност, огромна жртва и континуирана работа. Сето тоа може да исчезне во само еден миг ако заѕвони нечиј телефон, на пример. И со оваа кампања, покрај, се разбира, програмската политика на куќата, Македонската филхармонија тежнее да биде во чекор со европските стандарди, истакнува Илиески.

Белата куќа ќе воведе забрана за користење лични мобилни телефони во Западното крило

Александар Михаилов — Thu, 04 Jan 2018 16:37:19 +0000

Белата куќа од следната недела ќе воведе забрана за користење на личните мобилни телефони на вработените и посетителите во Западното крило, соопшти портпаролката на Белата куќа Сара Хакаби Сендерс. Таа појасни дека одлуката е донесена заради безбедност, а не поради загриженост во врска со протекување информации. - Сите вработени ќе мора да ги извршуваат своите работни задачи на телефоните што им ги дава Владата на САД, изјави Сендерс. На влезот на Западното крило на Белата куќа ќе биде поставена остава за личните мобилни телефони.