модели – Kurir.mk

Доаѓаат два нови модели на „Tesla“

Ристе Здравков — Fri, 19 May 2023 12:32:32 +0000

Годишното собрание на акционери на „Tesla“ во 2023-та година вклучи важно соопштение за идните производи, иако со ограничени детали. Накратко, Илон Маск најави две нови електрични возила за кои предвидува дека заедно би можеле да продадат повеќе од 5 милиони единици годишно. Извршниот директор на „Tesla“ беше таинствен за деталите за двете неименувани електрични возила, бидејќи би сакал да ги открие кога ќе дојде време, односно кога ќе се организира официјалната презентација. „Сакам само да нагласам дека всушност правиме нов производ, всушност дизајнираме сосема нов производ“, рече Маск, додавајќи дека „има два нови производи кои ќе предизвикаат многу возбуда“. Извршниот директор на „Tesla“ даде некои смели тврдења, велејќи дека „и дизајнот на производи и техниките на производство се далеку пред конкуренцијата во индустријата“, создавајќи високи очекувања за акционерите. Тој, исто така, предвиде дека само двете нови возила ќе донесат комбинирана продажба од „над 5 милиони единици годишно“, иако тој го огради тоа беше само негова претпоставка и на шега додаде дека „не го тужат“ ако тоа не се случи. Маск не појасни дали тие „производи“ би можеле да бидат претходно најавени редизајн за „Model 3“ (Project Highland) и „Model Y“ (Project Juniper), кои се очекува да влезат во производство во есента 2023-та и крајот на 2024-та година, соодветно. Тоа го поткрепува и фактот што при неговото претставување на екранот се појави затемнет „тизер“ на силуета на возило што е многу слична на моделот „Y“ на „Tesla“, што ја намалува веројатноста дека се работи за сосема нов, помал електричен автомобил.

Три најпопуларни модели на чанти кои ќе се носат во 2023 година

Ивона Петрова — Wed, 25 Jan 2023 15:58:13 +0000

Благодарение на колекциите прикажани на модните писти, се предвидуваат трендови за одреден период. Така, според виденото на ревиите за пролет/лето 2023 година, модните експерти ги издвоија моделите на чанти кои ќе се носат во годината што претстои. „Работно од 9 до 5“ Еден од најпопуларните модели оваа година ќе бидат големите чанти со прави агли, во стил на актовка, кои се целосно прилагодени на деловниот дрес код. Но, тоа не значи дека изгледаат досадно. Всушност, тие можат да внесат допир на шик и елеганција во деловните комбинации. Супер големи чанти Чантите XXL веќе неколку сезони се незаменлив дел од многу женски гардероби, а нивната популарност нема да заврши ниту во 2023 година. Ќе се носат неутрални, едноставни чанти, благодарение на кои секоја комбинација ќе изгледа поскапа. Чанти украсени со токи И конечно, последниот модел создаден за одење на работа ќе им се допадне на дамите кои сакаат чанти украсени со детали кои ги прават посебни. Во 2023 година, тој детал ќе бидат токите. Моделите украсени со токи доаѓаат во различни големини, па дури и дамите кои во никој случај не се љубители на големи чанти, ќе си најдат своја.

ФОТО: Дали е ова најубавото семејство на светот? Сите се модели, дури и кучето им е манекен

Ивана Ефремовски — Tue, 06 Feb 2018 17:40:31 +0000

Секој член од ова семејство е професионален модел. Кога велиме “секој“, освен на родителите и децата, мислиме и на нивното куче. Семејството Прајс од Велика Британија е заштитно лице на многу познати брендови, а нивните лица красат илјадници билборди. Семејството во кое сите се модели, често е нарекувано најубавото семејство на светот. Станува збор за мајката Ема Прајс (34), нејзиниот сопруг Кристофер и трите деца: Мили (6), Оскар (5) и Мејси (2). Рекламни агенции го бараат и нивното куче, кое често позира заедно со нив. Ја носеле на кастинг и нивната мачка, но таа одбивала да позира и правела лудории на сет.