Модерна – Kurir.mk

Швајцарија ќе уништи 10,3 милиони вакцини против Ковид-19 на Модерна

Ивона Петрова — Sun, 25 Sep 2022 09:12:44 +0000

Швајцарија е принудена да уништи 10,3 милиони дози од вакцината против коронавирусот на Модерна, бидејќи им истече рокот, соопшти швајцарското Министерство за здравство. Вредноста на вакцините што треба да се уништат е околу 280 милиони швајцарски франци (294 милиони евра). Според швајцарското Министерство за здравство, 2,5 милиони дози од вакцината сè уште се чуваат во воената логистичка база, а 7,8 милиони се чуваат во магацин во Белгија. Стратегијата на Швајцарија за снабдување со вакцини од почетокот на пандемијата беше да се нарачаат повеќе дози отколку што е потребно за 8,7 милиони жители на Швајцарија. Швајцарија нарача вакцини против Ковид-19 од различни производители. Во јуни швајцарските медиуми објавија дека земјата има вишок од 38 милиони дози на различни вакцини против коронавирусот, чии рокови ќе истечат пред крајот на годината. Во Швајцарија од почетокот на пандемијата починаа 13.556 луѓе, а речиси 70 отсто од населението е вакцинирано.

Модерна ги тужи Фајзер и Бионтек за копирање на патент за вакцина против ковид

Ристе Здравков — Fri, 26 Aug 2022 13:20:22 +0000

Фармацевтската компанија „Модерна“ ги тужеше „Фајзер“ и нејзиниот германски партнер „Бионтек“ за прекршување на патент во развојот на првата вакцина против ковид-19 во САД, тврдејќи дека тие ја копирале технологијата развиена од „Модерна“ години пред пандемијата. Тужбата, со која се бара неодредена парична отштета, е поднесена во Окружниот суд на САД во Масачусетс и Регионалниот суд во Дизелдорф, Германија, соопшти денеска „Модерна“. „Ги поднесуваме овие тужби за да ја заштитиме иновативната технолошка платформа mRNA која првпат ја развивме, инвестиравме милијарди долари во создавањето и патентирањето во текот на деценијата која ѝ претходеше на пандемијата на ковид-19“, рече извршниот директор на „Модерна“, Стив Банселс, пренесе „Ројтерс“.

Модерна ги тужи Фајзер и Бионтек за вакцината мРНА

Магдалена Андонова — Fri, 26 Aug 2022 12:53:34 +0000

Фармацевтската компанија Модерна ги тужи Фајзер и нејзиниот германски партнер Бионтек за кршење на патент во развојот на првата вакцина против Ковид-19 во САД, тврдејќи дека тие ја копирале технологијата што Модерна ја развила повеќе години пред пандемијата. Тужбата, со која се бара неодредена парична отштета, е поднесена во американскиот Окружен суд во Масачусетс и Регионалниот суд во Дизелдорф, Германија, соопшти денеска Модерна. – Ги поднесуваме овие тужби за да ја заштитиме иновативната мРНА технолошка платформа што први ја развивме, инвестиравме милијарди долари во создавањето и ја патентиравме во текот на деценијата што претходеше на пандемијата на Ковид-19, рече извршниот директор на Модерна, Стив Банселс во изјавата.

ЕМА разгледува вакцинација на деца под петгодишна возраст

Магдалена Андонова — Thu, 05 May 2022 14:22:13 +0000

Фармацевтската компанија Модерна побарала од Европската агенција за лекови, ЕМА, да ја разгледа можност за употреба на нејзината вакцина кај деца под петгодишна возраст против Ковид-19. Ова денеска го соопшти Марко Кавалери, задолжен за стратешка вакцинација во Агенцијата. -Започнавме со проценката на барањето на Модерна да се прошири употребата на Спајквакс кај деца меѓу шест месеци и пет години и ова е прво барања за оваа возрасна група, изјави тој. ЕМА одобри употреба на вакцините на Модерна кај деца од шест годишна возраст, сега за прв пат ќе се испитува употребата кај бебиња и мали деца. Децата обично го прележуваат вирусот полесно од возрасните, но можат повеќе да го пренесуваат. (МИА)

Извршните директори на Pfizer, BioNTech и Moderna станаа милијардери

Тале Кристо — Tue, 05 Apr 2022 14:03:42 +0000

Извршните директори на Pfizer, BioNTech и Moderna споделија повеќе од 100 милијарди долари заработка за време на пандемијата, што го одразува комерцијалниот успех на вакцините mRNA развиени од овие фармацевтски компании. Алберт Бурла од Pfizer, Угур Шахин од BioNTech и Стефан Бансел од Модерна значително го зголемија своето богатство во последните две години благодарение на зголемувањето на вредноста на акциите поттикнати од ентузијастичките инвестиции во фармацевтските компании, кои работеа на развој на лекови и вакцини против вирусот Ковид-19, пишува Фајненшл Тајмс. Цените на акциите на Pfizer се зголемија за 60 отсто во последните две години. Вредноста на BioNTech е зголемена три пати, а Moderna пет пати. Извршните директори Бенсел и Шахин на хартија станаа милијардери благодарение на акциите што ги поседуваат во компаниите Moderna и BioNTech. Бенсел има 7,8 отсто од акциите во Модерна. Шахин поседува 17,1 отсто од BioNTech, во вредност од 7,8 милијарди долари. Вакцините развиени од BioNTech и Pfizer им донесоа на компаниите приход од 37,5 милијарди долари минатата година, додека Moderna оствари приход од околу 17 милијарди долари, според компанијата за обработка на податоци Airfinity. Анализата на бонусите за производителите на вакцини mRNA во 2020 и 2021 година покажува дека извршниот директор на Pfizer, Алберт Бурла, имал најголема добивка за време на пандемијата. Тој во овој период заработил 45,3 милиони долари бонуси, што е значително зголемување во однос на 27,7 што ги добил во периодот 2018-2019 година, кога дошол на позицијата извршен директор. Шахин заработи бонус од 30,8 милиони долари во двете години од пандемијата, додека во 2018-2019 година неговата заработка била 8,5 милиони долари. Бонусот на Бензел падна од 67,5 милиони долари на 31,1 милиони во 2020-2021 година, пред се поради котација на компанијата Модерна на берзата, која на овој извршен директор му донесе приход од акции од 58,6 милиони долари. Вкупниот износ на бонуси за сите три компании во периодот 2020-2021 година достигна 107,2 милиони долари, од 103,7 милиони долари две години порано.

ФДА одобри четврта доза на Фајзер или Модерна за постари од 50 години

Ивана Ефремовски — Tue, 29 Mar 2022 17:28:59 +0000

Американската Агенција за храна и лекови (ФДА) одобри уште една засилувачка доза на Ковид-19 од вакцините Фајзер или Модерна за луѓе на возраст од 50 години и постари. Тоа значи дека лицата од оваа возрасна група ќе можат да примат вакцина најмалку четири месеци од нивното ревакцинирање со треттата доза. Досега, ФДА ја дозволуваше четвртата доза само за луѓе од 12 години и постари кои имаат сериозно ослабен имунолошки систем. Агенцијата соопшти дека оваа особено кревка група може да добие и дополнителен засилувач, петта доза. (МИА)

Модерна тестира вакцина против омикрон

Ивона Петрова — Fri, 18 Mar 2022 07:42:06 +0000

Американската фармацевтска компанија Модерна соопшти дека во САД почна втората фаза од тестирање вакцина, што ја вклучува нивната против Ковид-19, но и потенцијална за заштита од варијантата омикрон. Новата двовалентна вакцина веќе ја прими едно лице, а се очекува да се вклучат околу 375 лица на 20 тестирачки места во САД, информираше Модерна, јави Хина. Извршниот директор Стефан Бансел тврди дека нивната платформа, базирана на технологијата mRNA, овозможува брзина и флексибилност во развивање вакцина, прилагодена на новите варијанти на вирусот. Од Модерна очекуваат вакцината да биде достапна веќе идната сезона за вакцинирање. Вакцината е наменета за лица постари од 18 години, кои се примарно вакцинирани и примиле бустер доза пред повеќе од три месец

ЕМА: „Модеренa“ одобрена за деца од 6 до 11 години, бустер дозата на Фајзер за 12 и постари

Магдалена Андонова — Thu, 03 Mar 2022 15:45:15 +0000

Европската агенција за лекови (ЕМА) денеска соопшти дека одобрила примена на вакцината „Модерна“ против коронавирус за деца на возраст од 6 до 11 години и препорачала засилена доза на вакцината „Фајзер“ за деца на возраст од 12 и повеќе години. „Модерна“ е втора вакцина против коронавирусот по „Фајзер“, која е одобрена во ЕУ за деца и под 18 години. ЕМА наведува дека „Модерна“ на деца на возраст од шест до 11 години ќе им се дава половина од дозата во однос на возрасните, со оценка дека е докажано дека децата на таа возраст имаат имунолошки одговор кој може да се спореди со оној кај постарата популација. За време на редовната прес-конференција, ЕМА соопшти дека податоците од повеќе од 400.000 вакцинирани деца, вклучително и Израел и САД, покажале дека третата доза на Фајзер била „ефикасна и безбедна“ кај луѓе на возраст од 12 години и постари. Се нагласува дека случаите на воспаление на срцето и други несакани ефекти од вакцината кај оние меѓу 12 и 18 години биле „многу ретки“ и дека децата обично се изложени на многу помал ризик од тешка болест, но сепак се ранливи на високи нивоа на пренос..

„Модерна“ во фаза на клинички испитувања на засилувачка доза вакцина, насочена против омикрон

Ивона Петрова — Thu, 27 Jan 2022 09:31:29 +0000

Американската компанија Модерна синоќа објави дека започнала клинички испитувања на засилувачка доза на вакцина дизајнирана специјално за борба против варијантата на коронавирусот Омикрон. Во истражувањето учествуваат вкупно 600 возрасни лица, од кои повеќето примиле две дози од вакцината Модерна пред шест месеци. Но, има и такви ревакцинирани пред три месеци. Така, новата вакцина ќе се тестира и како трета и четврта доза. Компанијата, исто така, ги објави резултатите од ефикасноста против Омикрон на бустер вакцината што се користеше досега. Шест месеци по ревакцинацијата, нивоата на неутрализирачки антитела против Омикрон се намаличе шест пати од врвот забележан 29 дена по инјектирањето, но сепак биле присутни кај сите имунизирани пациенти. Тие податоци се добиени од тест на крвта на 20 луѓе кои примиле засилувачка доза. На 25 јануари Фајзер и нејзиниот германски партнер Бионтек почнаа клинички испитувања на новата верзија на нивната вакцина против Ковид-19, која е конкретно против варијантата Омикрон.

ЦДЦ ги препорачува вакцините на Модерна и Фајзер наместо Џонсон и Џонсон

Катерина Бојаџиева — Fri, 17 Dec 2021 08:37:23 +0000

Американскиот центар за контрола и превенција на болести (ЦДЦ) во четвртокот им препорача на Американците да изберат една од двете други овластени вакцини против Ковид-19 наместо „Џонсон и Џонсон“, поради ретки, но понекогаш фатални случаи на згрутчување на крвта. Потегот на ЦДЦ следеше откако неговиот советодавен одбор за имунизација едногласно ја изгласа препораката за вакцините „Модерна“ и „Фајзер/Бионтек“ наспроти „Џонсон и Џонсон“. Од повеќе од 200 милиони целосно вакцинирани луѓе во Соединетите Американски Држави, околу 16 милиони ја примиле вакцината „Џонсон и Џонсон“. Компанијата соопшти дека безбедноста на оние кои ја користат вакцината „Џонсон и Џонсон“ е нивниот главен приоритет. Случаи на тромбоза со синдром на тромбоцитопенија, кој вклучува згрутчување на крвта придружено со низок број тромбоцити, претходно биле пријавени кај приматели на вакцината „Џонсон и Џонсон“. Највисоки стапки се пријавени кај жени под 50 години. ЦДЦ соопшти дека стапката на вакви инциденти е повисока од претходно проценетата, и кај жените и кај мажите. Агенцијата идентификуваше повеќе од 50 такви случаи во САД, околу 3,83 случаи на милион примени дози на „Џонсон и Џонсон“. Членовите на Комитетот, исто така, рекоа дека вакцината на „Џонсон и Џонсон“ е помалку ефикасна во спречувањето на Ковид-19 од другите две одобрени вакцини.