модна линија – Kurir.mk

Сека станува бизнисменка: Пејачката подготвува нешто секси, жените ќе бидат воодушевени

Ивана Ефремовски — Thu, 03 Nov 2022 07:02:18 +0000

Познатата пејачка Сека Алексиќ во последно време е полна со нови идеи. Една од нејзините желби долго време беше да има своја модна линија, а тоа ќе го постигне во наредниот период. Пејачката решила да започне нов моден бизнис со помош на нејзиниот уметнички директор, а како што дознаваат српските медиуми, станува збор за модна колекција за жени. Нејзината линија ќе се вика „555 Second skin by Seka“, што значи „втора кожа“. Во првата колекција за нејзиниот бренд, Алексиќ ќе ја истакне гардеробата од латекс, која ќе биде многу слична на она што таа го преферира кога е во прашање сценската гардероба. Инаку, Сека неодамна почна да тренира и да се грижи за својот изглед кој го доведе до совршенство. Многумина веруваат дека никогаш не изгледала подобро и помладо, додека нејзиниот стил може да се спореди со стилот на големите светски ѕвезди.

„Прада“ модна линија со едноставна хартиена основа

Ивона Петрова — Fri, 23 Sep 2022 06:43:28 +0000

Вториот ден од Mодната недела во Милано беше одбележан со ревија на италијанскиот луксузен бренд „Прада“. Нивната колекција пролет/лето 2023 се одликува со едноставност, но и контрасти, а „непотребните компликации“ се отстранети, посочуваат познавачите. Моделите носеа проѕирна горна облека и здолништа, фустани без ракави направени од хартиена основа, кошули со зашилени јаки, тенки панталони и комбинезони. Во нивната најнова колекција женска облека, дизајнерите Мијуча Прада и Раф Симонс работеа на замислата на едноставност. Дизајнерите, кои работеа со филмскиот режисер Николас Виндинг Рефн, се задржаа на минималистичката палета бои – сива, бела, црна со примеси на лимета, портокалова и црвена. – Нема сложена структура или нешто непотребно. Сакавме да направиме нешто со наједноставниот, најскромниот материјал – хартијата. Потоа користевме систем на намалување и едноставност како средство за создавање на убавината, изјави Миуча Прада. Миланската Модна недела беше отворена завчера и ќе трае до 26 септември. Петдневниот календар на настани се врати на нивоата пред Ковид-19 пандемијата, со 68 писти, 104 презентации и 30 настани. си/

Меган Маркл покрена моднa линијa вo хуманитарни цели

Ивона Петрова — Thu, 01 Aug 2019 07:12:12 +0000

Војвотката од Сасекс, Меган Маркл покрена своја модна линија заради подршка на хуманитарната организација Смарт воркс, којашто им помага на невработените жени кои бараат работа. Маркл, за таа цел, отпочна соработка со дизајнерката и нејзина пријателка Миша Нона и британските компании „Маркс енд Спенсер“, „Џон Луис енд партнерс“ и „Џигсо“. Се работи за колекција работна облека. Како што пишува септемвриското издание на британски „Вог“, војвотката од Сасекс навестува дека таа колекција ќе се продава по принцип „еден за еден модел”, односно за секое купено парче, друго ќе биде донирано во хуманитарни цели. Смарт воркс, како организација обезбедува опрема, облека и обука за разговори за работа на жени кои бараат вработување. Досега, на овој начин помогнато им е на над 11.000 Британки.