могадишу – Kurir.mk

Шест лица загинаа во експлозија на автомобил-бомба во близина на воена база во Могадишу

Ивана Ефремовски — Sat, 21 Oct 2023 17:29:20 +0000

Во експлозија на автомобил-бомба во близина на воената база во главниот град на Сомалија, Могадишу, загинаа шест лица, меѓу кои четворица војници, соопшти денеска полицијата. Портпаролот на полицијата Садик Додише изјави дека во експлозијата во воениот објект се ранети уште девет лица, од кои петмина војници. Исламската екстремистичка организација Ал Шабаб ја презеде одговорноста за нападот. Сомалиската федерална влада со години се бори против припадниците на Ал Шабаб, а безбедносните сили ги засилија нападите врз групата во последните месеци во обид да ја разбијат нејзината пропагандна мрежа. Сомалискиот министер за информации Дауд Авејс изјави за новинарите дека властите затвориле четири радио станици поврзани со групата и убиле речиси 3.800 нејзини борци за време на неодамнешната воена офанзива. (МИА)

Претставник на СЗО меѓу загинатите во напад на хотел во Могадишу

Тале Кристо — Sun, 11 Jun 2023 09:36:33 +0000

Вработен во Светската здравствена организација е убиен во напад на радикалните исламисти Шебаб врз хотел во главниот град на Сомалија, Могадишу, изјави денеска генералниот директор на организацијата Тедрос Аданом Гебрејесус. Шест цивили загинаа, а десет се ранети во нападот на група од седум исламистички борци врз хотелот Перл Бич на брегот на Могадишу ноќта во саботата. Загинаа и тројца припадници на безбедносните сили. „Срцето ми е скршено по загубата на работник на СЗО во неодамнешниот напад во Могадишу“, напиша Тедрос во пораката на Твитер, додавајќи дека СЗО ги осудува сите напади врз цивили и хуманитарни работници. Групата Шебаб, која ја презеде одговорноста за нападот, рече дека цел на нападот било место посетувано од владини претставници. Околу 15 години групата води бунт против федералната влада поддржана од меѓународната заедница и често ги напаѓа хотелите во кои престојуваат високи сомалиски функционери и странци. Групата, која беше протерана од градовите во 2011-2012 година, има упоришта во големи делови од руралните области. Сомалискиот претседател Хасан Шеик Мохамуд објави „тотална војна“ против групата и во септември минатата година започна воена офанзива поддржана од американски воздушни напади.

БОМБАШКИ НАПАД ВО МОГАДИШУ: Најмалку 100 загинати и 300 повредени

Магдалена Андонова — Sun, 30 Oct 2022 08:28:46 +0000

Најмалку 100 лица загинаа, а 300 се повредени во две експлозии на автомобил-бомба што синоќа го потресоа главниот град на Сомалија, Могадишу, изјави рано утринава претседателот Хасан Шеик Мохамуд. -Нашите луѓе се масакрирани… вклучително и мајки со деца во рацете, татковци кои имаа здравствени проблеми, студенти кои беа испратени да студираат, бизнисмени кои се бореа за опстанокот на своите семејства, рече претседателот Мохамуд по посетата на местото на експлозијата. Засега никој се уште не ја презеде одговорноста за нападот, иако претседателот ја обвини исламистичката група Ал Ш абаб. Оваа група вобичаено избегнува да преземе одговорност за нападите кои резултираат со голем број жртви. Првата експлозија се случи во близина на крстосница кај Министерството за образование, а втората следела кога пристигнала брзата помош и луѓето се собрале да им помогнат на настраданите. Британските медиуми јавуваат дека ударниот бран од експлозиите ги искршил прозорците на блиските згради, а крв го прекри асфалтот пред местото на нападот. Нападот се случи на истото место како и во најголемиот бомбашки напад во Сомалија во 2017 година кога загинаа над 500 лица. Претседателот Мохамуд додаде дека е можно бројот на жртви да се зголеми. (МИА)

Најмалку 17 загинати во нападот во Могадишу

Тале Кристо — Mon, 17 Aug 2020 07:43:59 +0000

Најмалку 17 лица загинаа, а десетици беа повредени во напад на екстремисти од Ел Шабаб на хотел во Могадишу, а полицијата ја заврши драмата по четиричасовна престрелка, кога беа убиени сите напаѓачи. Ал Џезира јави дека во нападот загинале најмалку 17 лица, додека Си-Ен-Ен јави дека загинале десет лица. „Сомалиските специјални сили ја завршија четиричасовната опсада на хотел во Могадишу, откако ги убија сите напаѓачи“, објави владиниот портпарол на Твитер. Меѓу жртвите се напаѓачи, двајца владини службеници, еден војник, тројца членови на хотелското обезбедување, четворица цивили … Десетици луѓе се повредени, според извори од болницата.

Најмалку петмина загинати и десет ранети во нападот во луксузен хотел во Могадишу

Тале Кристо — Sun, 16 Aug 2020 20:05:57 +0000

Најмалку пет луѓе загинаа и 10 се ранети во нападот во луксузен хотел во главниот град на Сомалија, Могадишу. Според полициски извори, се уште се водат рпестрелки со напаѓачите кои држат заложници. Полицијата во Сомалија соопшти дека експлодирал автомобил-бомба во близина на луксузниот хотел „Елит“ на плажа во Могадишу и дека потоа имало размена на оган. Во новоизградениот хотел „Елит“, доаѓаат млади луѓе од елитните кругови на главниот град на Сомалија. Тој напад го прекина повеќемесечното примирје. Екстремисти од сомалиските муслимани, бунтовници на ал-Шабаб, поврзани со Ал Каеда, најчесто организираат такви напади во Могадишу.

Експлозија пред луксузен хотел во Могадишу

Тале Кристо — Sun, 16 Aug 2020 16:41:42 +0000

Полицијата во Сомалија соопшти дека експлодирал автомобил-бомба во близина на луксузниот хотел „Елит“ на плажа во Могадишу и дека потоа имало размена на оган. Во новоизградениот хотел „Елит“, доаѓаат млади луѓе од елитните кругови на главниот град на Сомалија. Засега нема информации за бројот на жртвите од тој напад, што го прекина повеќемесечното примирје. Екстремисти од сомалиските муслимани, бунтовници на ал-Шабаб, поврзани со Ал Каеда, најчесто организираат такви напади во Могадишу.

Петмина мртви во напад на Ал Шабаб во хотел во Могадишу

Ивона Петрова — Wed, 11 Dec 2019 07:31:29 +0000

Најмалку пет лица се убиени кога вооружени бунтовници на екстремистичката група Ал Шабаб денеска нападнале хотел во непосредна близина на претседателската палата во сомалиската престолнина Могадишу, соопшти полицијата. Полицијата наведува дека во нападот погинале пет лица, меѓу кои и еден од напаѓачите, пренесоа британските медиуми. -Мислевме дека се тоа полицајци, но тогаш почнаа да испукуваат гранати и да пукаат врз нас, изјави еден очевидец. Ал Шабаб, групата која некогаш контролираше поголем дел од земјата, од 2011 година е истисната од главниот град, и оттогаш има изгубено многу свои упоришта низ земјата.

Најмалку десетмина убиени во самоубиствен напад со автомобил-бомба во Могадишу

Дарко Андоновски — Sat, 22 Dec 2018 09:48:41 +0000

Најмалку десет лица се убиени, а неколкумина се ранети во самоубиствен напад со автомобил-бомба во близина на претседателската палата во Могадишу, соопшти полицијата. Меѓу убиените има и војници и цивили. Полицијата соопшти дека целта на бомбашот бил воен контролен пункт во близина на задниот влез на палатата. По првата експлозија, во близина се слушнала и втора, а чуст чад се ширел над престолнината на Сомалија. Причината за втората експлозија допрва треба да се утврдува. Засега никој не презеде одговорност за нападот. Инаку, екстремистичката група Ал-Шабаб, која е поврзана со Ал-Каеда, често го напаѓа Могадишу.

Во бомбашките напади во Могадишу загинаа 53 лица, 100 се повредени

Дарко Андоновски — Sun, 11 Nov 2018 08:17:36 +0000

Бројот на жртви во бомбашките напади пред хотел во Могадишу се зголеми на 53, додека 100 луѓе се повредени, соопштија болнички и полициски извори. Полицискиот претставник Мохамед Хусеин изјави дека многумина се тешко повредени, што предизвикува стравување дека бројот на жртвите ќе се зголеми. Пред хотелот во Могадишу во петокот експлодираа четири автомобили-бомби. Три експлозии одекнаа пред хотелот, а четвртата ги погоди лекарските екипи кои се обидуваа да ги спасат повредените. Одговорноста за нападот ја презеде исламската екстремистичка група ел-Шабаб.

Најмалку осум жртви во самоубиствениот напад во Могадишу

Матеја Петровски — Sun, 02 Sep 2018 09:22:56 +0000

Најмалку осум лица биле убиени во денешниот терористички напад во сомалискиот главен град Могадишу. Цел на нападот била административна зграда во областа Холвадаг. Училиште, џамија и повеќе куќи биле оштетени во нападот. Најголем дел од жртвите се цивили. Се претпоставува дека нападот бил организиран од страна на исламистичката група Ал Шабаб, која со години се бори против сомалиските власти и нивните западни поддржувачи.(миа)