Мохамед бин Салман – Kurir.mk

На Бали средба на Ердоган со саудискиот престолонаследник

Ивона Петрова — Tue, 15 Nov 2022 08:46:55 +0000

Турскиот претседател Реџеп Таип Ердоган и саудискиот престолонаследник Мохамед бин Салман разговараа на маргините на средбата на Г-20 во Бали, Индонезија, јавува Анадолија. Средбата се одржа зад затворени врати. Агенцијата пренесува дека средбата била посветена на билатералните односи, но не се дадени дополнителни информации. На средбата, освен Ердоган, од турска страна учествуваа и министерот за надворешни работи Мевлут Чавушоглу, министерот за финансии и финансии Нуредин Небати, министерот за земјоделство и шумарство Вахит Киришчи, директорот за комуникации на турското претседателство Фахретин Алтун и портпаролот на претседателот Ибрахим Калан.

Саудискиот престолонаследник Мохамед бин Салман именуван за премиер

Катерина Бојаџиева — Wed, 28 Sep 2022 06:12:25 +0000

Според кралскиот декрет што вчера беше објавен преку официјалната агенција СПА, саудискиот престолонаследник, Мохамед бин Салман, е именуван за нов премиер на земјата, функција што традиционално ја извршува кралот. Според указот на кралот Салман, престолонаследникот Мохамед „ќе биде претседавач на Советот на министри“. Во Саудиска Арабија, кралот е шеф на државата и претседава со Советот на министри.

Саудискиот престолонаследник во прва посета на земји од ЕУ по убиството на новинарот Кашоги во 2018 година

Ристе Здравков — Wed, 27 Jul 2022 05:53:00 +0000

Саудискиот престолонаследник Мохамед бин Салман денеска од Ријад замина во посета на Грција и Франција, што е прва посета на членки на Европската унија по убиството на саудискиот новинар Џамал Кашоги пред речиси четири години. Реалниот владетел со Саудиска Арабија беше во голема мера избегнуван од Западот по убиството на Кашоги, колумнист на „Вашингтон пост“ кој го критикуваше кралството. Тој беше убиен во саудискиот конзулат во Истанбул во 2018 година. Престолонаследникот Мохамед ќе се сретне со лидерите на Грција и Франција за да разговараат за билатералните односи и начините за нивно подобрување во повеќе области и прашања од заеднички интерес, се наведува во соопштението на саудиската новинска агенција. Неговата посета почнува десет дена откако американскиот претседател Џо Бајден ја посети Саудиска Арабија и се сретна со Мохамед. Посетата на Бајден беше дочекана со критики во САД и беше осудена од меѓународните групи за човекови права. Американските разузнавачки служби тврдат дека Мохамед бин Салман го наредил убиството на Кашоги, но Ријад го отфрла ова тврдење. Саудискиот престолонаследник минатата година посети неколку арапски земји, а во јуни беше во Турција. Двете земји се обидуваат да ги нормализираат односите што се влошија по убиството на Кашоги. И францускиот претседател Емануел Макрон и грчкиот премиер Киријакос Мицотакис минатата година ја посетија Саудиска Арабија.

Саудијците од Њукасл го купуваат и Олимпик Марсеј?

Ристе Здравков — Thu, 30 Dec 2021 12:26:19 +0000

Саудискиот престолонаследник Мохамед бин Салман сериозно навлегува во светскиот клупски фудбал. Тој го купи англискиот премиерлигаш Њукасл, во преговори е за да го купи италијанскиот првак Интер, а намерите му се многу поголеми. Тој планира да се прошири и во Франција и да го купи Олимпик Марсеј, за да влезе во трка за Насер Ал Келаифи. Ова е веста на денот во француските медиуми. ПСЖ во моментов е неприкосновен во францускиот фудбал, но ако Мохамед бин Салман го купи Олимпик Марсеј тогаш ќе се разгори повторно ривалството што долги години го тресе фудбалот во оваа земја. Планот на саудискиот инвестициски фонд ПИМ е да купи и тим од Бразил.

Шеикот од Саудиска Арабија го купува Интер за милијарда долари!

Ристе Здравков — Wed, 29 Dec 2021 08:56:09 +0000

Шеикот Мохамед Бин Салман од Саудиска Арабија, кој неодамна стана сопственик на англискиот премиерлигаш Њукасл, е во напредни преговори за купување на италијанскиот првак Интер. Трансакцијата треба да изнесува една милијарда долари. „Интернешенл Бизнис Тајмс“, еден од највлијателните весници за економија во светот објави дека неговиот инвестицики фонд е многу блиску до купопродажен договор со кинеската компанија „Сунинг“, коај е актуелен сопственик на Интер. Според изворот, Интер во првите месеци од 2022 година ќе добие супер моќен сопственик, а потоа ќе добие и буџет за да купи неколку големи засилувања. Интер изминатото лето мораше да продава дел од најдобрите фудбалери. Мораа да си заминат Ромелу Лукаку и Ашраф Хакими, а и покрај тоа Интер обезбеди достојни замени и се наоѓа на првото место на табелата во Серија А.

Само за оваа уметничка слика платил во кеш 400 милиони евра, саудискиот принц е сопственик на најлуксузниот дом во светот (видео)

Ристе Здравков — Mon, 11 Oct 2021 09:53:39 +0000

Принцот Мохамед бин Салман од Саудиска Арабија го купи англискиот клуб Њукасл за 350.000.000 евра и со тоа стана најмоќната личност во светскиот фудбал. Младиот богат саудиски принц, откако неговиот татко, кралот Салман, го постави за наследник на престолот во јуни 2017 година, заменувајќи го неговиот 26-годишен братучед, стана, по кралот, најмоќната фигура во неговата земја. Покрај фудбалскиот клуб Њукасл, тој го поседува и најлуксузниот и најскапиот дом на планетата.

How rich are Newcastle's new owners? Mohamed bin Salman net worth and Saudi PIF wealthhttps://t.co/WXlQLgvJm4 pic.twitter.com/Q6MmY5JZZr
— Daily Star Sport (@DailyStar_Sport) October 7, 2021

Имено, во 2015 година, тој платил 270 милиони евра за величествениот замок на францускиот крал Луј XIV. Интересно е што оваа вртоглава бројка е близу до парите што ги даде за купување на Њукасл. Но, со оглед дека богатството на Мохамед бин Салман се проценува на 377 милијарди евра, тие трошоци се вистинска ситница за него. Замокот на Луј XIV, завршен во 2011 година, бил изграден во стилот на француските замоци од 17 век, а целиот имот се протега на речиси 5.000 квадратни метри. Има винарски визби, базени внатре и надвор, и еден посебен со големи риби, потоа ноќен клуб, соба за медитација и одмор, кино, терен за сквош, соба во аквариум. Дали е тоа малку? Замокот е полн со скапоцени уметнички дела, а се издвојува сликата на Леонардо Да Винчи „Salvator Mundi“ вредна 400 милиони евра, која ја плати повеќе од англискиот клуб.

A glimpse into the transfer market next summer :

Mohamed Bin Salman bought this Leonardo Da Vinci painting for $450M When it was on auction.

I think that’s all you guys need to know pic.twitter.com/pK57jY20vp
— TheTrickyReds🔰 (@TheTrickyReds20) October 7, 2021

Исто така, замокот има десет луксузно дизајнирани спални соби, насликана купола, библиотека и винарска визба со повеќе од 3.000 шишиња, огромна сала за балови и други свечености. Покрај овој раскошен и луксузен замок, Салман поседува и јахта долга 130 метри, која чини 530 милиони евра.

Фудбалски потрес: Премиер лигата дозволи влез на човекот кој е 50 пати побогат од Ал Келаифи!

Ристе Здравков — Thu, 07 Oct 2021 12:52:47 +0000

Англиските медиуми ова попладне на големо пишуваат за фудбалскиот потресе кој ќе настане во Премиер лигата и воопшто во Европа, откако водечките луѓе на најсилната англиска фудаблска елита дале зелено светло за комплетирање на зделката за која се преговара веќе цели 18 месеци. Сите угледни англиски медиуми тврдат дека Њукасл за неколку часа ќе стане клубот кој ќе го има убедливо најбогатиот човек во светскиот фудбал, бидејќи Принцот Мохамед Бин Салман тежи 50 пати повеќе од првиот човек на ПСЖ, Насер Ал Келаифи. Премиер лигата го закочи преземањето на саудискиот конзорциум пред точно 18 години откако не беше издадена гаранција за управување на еден човек, но сега овој проблем и дефинитивно е надминат, па се очекува во наредните неколку часа да пристигне официјално соопштение за милионското преземање од страна на арапските милијардери. Откако било утврдено дека Њукасл ќе го води конзорциум, а не цела држава, Премиер лигата се согласила за комплетирање на продажбата, според која Мајк Ешли заминува во историјата како претседател на клубот, операција од која ќе заработи 300 милиони фунти. Саудискиот конзорциум ќе обезбеди 80 проценти од правата на клубот и вети загарантиран влог од 100-тици милиони на трансфери уште на самиот старт, а пред да излезе официјалното соопштение на арапските газди, медиумите од Островот велат дека покрај претседателот Ешли, продажбата значи крај и за Стив Брус како менаџер на првиот тим.

Договорот за продажба на Њукасл пред неуспех

Ивона Петрова — Fri, 15 May 2020 06:48:13 +0000

Навивачите на Њукасл наскоро ќе доживеат ново разочарување откако договорот да се продаде клубот на саудиски инвеститори е на работ на неуспех, информира „Мирор“. За „црно-белите“ е заинтересиран престолонаследникот на Саудиска Арабија, Мохамед бин Салман, а вредноста на клубот беше проценета на 300 милиони фунти. Документите за договорот беа доставени на одобрување до раководството на Премиер лигата пред повеќе од пет месеци, по што, сепак, имаше затишје заради големото јавно незадоволство. Саудиска Арабија е обвинета за злоупотреба на човековите права. Клубовите исто така не се ентузијасти за појава на ново лице на фудбалскиот пазар. Според публикацијата, ситуацијата е на пат да ја искористи италијанска Серија „А“, а особено тимот на Рома. За претседателот на „волците“, Џејмс Палота се шпекулира дека контактирал со Саудијците за да им го понуди тимот. За таа цел, Американецот ги искористил услугите на инвестициската банка „Голдман Сакс“, каде се свесни за тешкотиите на принцот на Островот и му понудиле опција со Рома.

Саудискиот принц го хакирал Џеф Безос, одземени огромен број податоци

Ивона Петрова — Wed, 22 Jan 2020 07:55:07 +0000

Сопственикот на „Амазон“ Џеф Безос, бил цел на хакери, пет месеци пред убиството во 2018 година на саудискиот новинар Џамал Кашоги. Според „Гардијан“, телефонот на Безос бил хакиран откако добил порака преку „WhatsApp“, испратена од личниот број на принцот престолонаследник на Саудиска Арабија, Мохамед бин Салман. Според резултатите од форензичката анализа, пораката била шифрирана и содржела заразени податоци. Безос, кој е и сопственик на „Вашингтон пост“, до 1 мај 2018 година разменувал пријателска преписка, сè додека на телефонот не му стигнала датотека што не ја побарал од саудискиот принц, дознава „Гардијан“. Од телефонот на Безос за неколку часа била преземени голема количина на податоци, но не се знае какви податоци биле преземени. Новите информации можат да доведат до повторно отворање на истрага за активностите на Мухамед бин Салман и неговите блиски соработници пред убиството на Џамал Кашоги, кој беше новинар во „Вашингтон Пост“

Салман: Одговорен сум за убиството на Кашоги, но не го нарачав

Ивона Петрова — Mon, 30 Sep 2019 06:55:07 +0000

Саудискиот престолонаследник Мохамед бин Салман повтори дека „презема целосна одговорност“ за убиството на саудискиот новинар Џамал Кашоги, но ги отфрли тврдењата дека го нарачал. – Тоа е гнасно злосторство. Како лидер на Саудиска Арабија преземам целосна одговорност, особено што тоа злосторство го извршиле лица кои работат за саудиската Влада, изјави принцот во емисијата „60 минути“ на американската телевизија Си-Би-Ес. На прашањето дали го нарачал убиството на Кашоги, кој го критикуваше во колумна во Вашингтон пост, принцот Мохамед одговори: „Апсолутно не“. Тој додаде дека убиството на новинарот било „грешка“. Кашоги беше убие во саудискиот конзулат во Истанбул 2018 година. За убиството се обвинети 11 лица, но досега се одржани само неколку рочишта.