мохамед џавад зариф – Kurir.mk

Иранскиот министер за надворешни го откажа учеството на конференцијата во Давос

Ивона Петрова — Mon, 20 Jan 2020 10:53:59 +0000

Иранскиот министер за надворешни работи Мохамад Џавад Зариф го откажа учеството на Меѓународниот економски форум во Давос, соопшти денеска иранското Министерство за надворешни работи. Форумот во Давос се одржува од 21 до 24 јануари, односно непосредно откако Иран урна украински патнички авион во кој загинаа 176 лица претходно овој месец, и во време на криза со Вашингтон и спорови со Европа околу нуклеарните потези на Техеран. Тензиите, исто така, останаа високи во односите меѓу Иран и САД по убиството со дрон на генералот на иранската Револуционерна гарда Касим Сулејмани во Багдад. Зариф доби покана и беа направени планови да присуствува на годишниот собир во Давос, изјави портпаролот на иранското Министерство за надворешни работи, Абас Мусави. Според него, официјалните лица на форумот ги смениле плановите за Зариф, што го натерало да го откаже своето патување, пренесува државната иранска агенција Ирна.

САД нема да му дадат виза на иранскиот министер за надворешни за да учествува на седница на СБ на ОН

Ивона Петрова — Wed, 08 Jan 2020 07:11:18 +0000

САД нема да му дадат виза на иранскиот министер за надворешни работи Мохамед Џaвад Зариф, кој планираше во ОН со функционери од светот да разговара за убиството на иранскиот генерал Касим Сулејмани. САД ја образложија својата одлука со недостиг на време за обработка на барањето за виза за Зариф. Зариф, како одговор на одлуката на Вашингтон, ги обвини САД за кршење на договорот што го имаат со Обединетите нации. Тој потврди дека нема да добие виза за да одржи говор во ОН. – Она што го знаеме е дека државниот секретар на САД, Мајкл Помпео, ко контактирал генералниот секретар на ОН Антонио Гутереш и му рекол: „Немаме време да му издадеме виза на Мохамед Џaвад Зариф и нема да му издадеме виза, рече Зариф. Тој додаде дека Гутереш му рекол на Помпео оти „Иран има право да учествува на седница“ на Обединетите нации.

Зариф: Санкциите на САД кон Иран ќе имаат тешки последици за светскиот поредок

Ивона Петрова — Tue, 30 Oct 2018 16:50:16 +0000

Американските санкции кон Иран ќе имаат „тешки последици” по светскиот поредок, изјави денеска во Истанбул иранскиот министер за надворешни работи, Мохамед Џавад Зариф, само неколку дена пред стапувањето во сила на новите санкции на САД за извоз на иранска нафта. Вашингтон повторно воведе санкции кон иранскиот финансиски, машинскиот и автомобилски сектор, откако се повлече од Меѓународниот нуклеарен договор со Техеран. Новата серија санкции за иранскиот банкарски сектор и енергетска индустрија треба да стапат во сила на 5 ноември. Американскиот претседател Доналд Трамп се закани дека ќе ги сведе на нула набавките на иранска нафта во светот. – За жал, една земја прекршител сака да казни друга држава која ги почитува законите. Тој пристап ќе има тешки последици по светскиот поредок. Американците не можат да ги постигнат своите цели со воведување незаконски санкции против Иран, истакна Зариф. МИА

Зариф: Разговорите на ЕУ и Иран за нуклеарната програма се на вистинскиот пат

Матеја Петровски — Tue, 15 May 2018 13:49:47 +0000

Разговорите на Иран со европските земји за спас на нуклеарниот договор и покрај повлекувањето на САД од него, се на вистинскиот пат, изјави иранскиот министер за надворешни работи Мохамад Џавад Зариф по денешната средба во Брисел со шефот на европската дипломатија Федерика Могерини. Тој истакна дека средбата била добра и конструктивна, а работите се движат во вистинска насока. - Какво и да биде решението, тоа треба да ги почитува и гарантира правата на Иран. Нашите разговори со европската тројка (Германија, Франција и Велика Британија) ќе продолжат во следните две недели, изјави Зариф во Брисел. Во меѓувреме, иранскиот претседател Хасан Рохани побара од ЕУ да се спротивстави на „нелегалните и нелогични" потези на САД и додаде дека по повлекувањето на Вашингтон од договорот, Техеран може да остане во него само ако тоа му носи корист. (Миа)