мој општинар – Kurir.mk

Кавадарци: Една година „Мој општинар“

Ристе Здравков — Tue, 25 Dec 2018 14:06:43 +0000

Пред една година, по превземањето на градоначалничката функција, градоначалникот Митко Јанчев го стави во функција проектот „Мој општинар“. Станува збор за поблиска комуникација на граѓаните со локалната самоуправа во решавањето на нивните проблеми. Градоначалникот на денешната прес конференција нагласи дека е задоволен од работењето на службениците на терен и се осврна на досега сработеното. „ На наше задоволство постигнатите резултати ги надминаа и нашите очекувања а тоа покажува дека целосно е оправдана функцијата на овој проект. Општина Кавадарци прва имплементира проект од ваков тип. 8 општинари, носители на проектот, секојдневно се во функција на граѓаните. Преку секојдневното излегување на терен и утврдување на фактичката состојба, општинарите заедно со приватни фирми донатори ги исчистија речиси сите диви депонии во општината, а акцијата За убаво и чисто Кавадарци континуирано се реализира. Преку Мој општинар се изврши хортикултурно озеленување од над 30 000 метри квадратни. Речиси сите тротоари сега се во целосна функција на пешаците со тоа што се поставија метални столбчиња. Изминатата година сведочи за функционалсноста на проектот Мој општинар. Веќе една година жителите на Општина Кавадарци контактираат со општинарот за даден реон и на тој начин се поблиску до општината односно брзо пренесување на проблемот. Општинарите, проблемите ги доставуваат до службите или институциите и истите се решаваат со постојано надгледување од општинарите за времето и рокот во кој е решен проблемот. Овој круг функционира преку нов софтвер преку кој се следат сите пријави како и крајниот резултат. Мој општинар даде голем придонес и во целосно ажурирањена старите податоци од даночното одделение. Преку фотографии и собирање на нови податоци се направи нов систем за наплата на данок на имот. Мој општинар, според фактичката состојба на терен, заедно со службите, ги подготвија и програмите за комунална изградба за 2019 година како и програмите за јавна чистота и зеленило. Резултатот од имплементацијата на еден ваков проект е и повеќе од очигледен. Моја желба е во наредната 2019 година општинарите да имаат уште поголеми успеси а жителите на Општина Кавадарци да бидат уште позадоволни“ рече градоначалникот Јанчев. Извор: ktv.mk

Преку проектот „Мој Општинар“, Општина Кавадарци поблиску до граѓаните

Ивона Петрова — Fri, 20 Jul 2018 13:02:16 +0000

Проектот Мој Општинар во Општина Кавадарци, функционира веќе 8 месеци, преку 9 одделни реони каде секој реон има свој општинар кој континуирано последните 8 месеци е излезен на терен. Овој проект има за главна задача лично од граѓаните да ги прими забелешките за проблемите кои може да се решат, а се во надлежност на локалната самоуправа. Преку проектот Мој Општинар, Општина Кавадарци ја доближи општината поблиску до граѓаните. Хортикултурно се озелени над 30 000 м2, поставени се 1100 метални столбови за побезбедно движење на пешаците, 20 детски игралишта, се реновирани и поставени се детски реквизити на 5 нови локации, поставена е нова урбана опрема во сите реони во Општина Кавадарци, исчистени се над 20 диви депонии, со ангажирање на волонтери отстранети се над 300 бесправно поставени лимени гаражи и на истите локации извршено е хортикултурно уредување, поплочени се повеќе улици и реновирани се неколку објкети во селата на Општина Кавадарци. Овие изминати 8 месеци сведочат за функционалноста на проектот Мој Општинар које прв ваков проект во Р. Македонија. Преку проектот Мој Општинар континуирано се одвива акцијата за чисто и убаво Кавадарци.

Проектот „Мој општинар“ го подобри живеењето во општина Кавадарци (ВИДЕО)

Даниел Василев — Thu, 19 Jul 2018 17:15:21 +0000

Проектот „Мој општинар“ во општина Кавадарци има за цел да ги доближи граѓаните поблиску до општината. Преку проектот хорт и културно се озеленија на 30.000 метри квадратни, поставени се 1100 метални столбови за побезбедно движење на пешаците, реновинирани 25 детски игралишта, поставени се детски реквизити на 5 нови локации. Преку „Мој општинар“ поставена е нова урбана опрема во сите реиони во општина Кавадарци и исчистени се над 20 диви депонии. Континуирано се одвива акцијата „За чисто и убаво Кавадарци“ со ангажирање на волонтери. „Мој општинар“ постои веќе 8 месеци, а тие се сведок за функционалноста на овој проект.

Еден месец „Мој општинар“- граѓаните на општина Кавадарци позитивно реагираат на овој проект

Катерина Бојаџиева — Wed, 10 Jan 2018 10:00:44 +0000

Измина еден месец од почетокот на проектот „Мој општинар“. Овој проект е прв ваков проект во Македонија. Градоначалникот на општина Кавадарци Митко Јанчев, го презентираше во предизборната кампања и уште тогаш имаше позитивни коментари од граѓаните. За кратко време откако ја превзема градоначалничката функција успеа и да го реализира овој проект. По само еден месец како градоначалник, „Мој општинар“ од идеја премина во реализација. Првата недела општинарите ја искористија за запознавање на своите реони и запознавање со граѓаните, а веќе во наредниот период започнаа проект „За убаво Кавадарци“. „За убаво Кавадарци“ ќе биде еден долг процес во кој најголемо учество ќе имаат општинарите. Се чистат сите помали и поголеми диви депонии во градот. Секој општинар според потребите на својот реон организира акции со кои дивите депонии исчезнуваат. Освен депониите се чисти и целиот град. Се решаваат мали проблеми за кои треба малку работа, но до сега не биле решени. Најважно од се е што граѓаните на општина Кавадарци позитивно реагираат на овој проект, некои од нив и помагаат во решавањето на проблемите. Преку проектот „Мој општинар“ се надеваме дека ќе се подигне и свеста и одговорноста кај граѓаните. Сите напори и целиот труд кој се вложува треба да биде ценет пред се од граѓаните и тие безрезервно да се вклучат во создавањето на убаво Кавадарци. Опремата, односно униформите на општинарите и апаратите со кои работат се донации од кавадаречките фирми Екстра Бус, Метал Апостолов, Велком Трејд, Павер Трејд, Градба Промет, Кожувчанка и Ја-Ми. Во иднина очекуваме уште поголеми резултати и уште поголема комуникација помеѓу граѓаните и општинарите од проектот „Мој општинар“, како и реализација на поголеми проекти, велат од општина Кавадарци.