Мојсес Касеидо – Kurir.mk

Каиседо го оствари сонот,Челзи плати рекордни 133 милиони евра за Еквадорецот

Бошко Тасиќ — Tue, 15 Aug 2023 03:59:10 +0000

Челзи по неколку месеци наддавање конечно се согласи да му плати на Брајтон околу 133 милиони евра за слободата на Мојсес Каиседо, кој потпиша осумгодишен договор со сините од Лондон, со можност за продолжување на уште една сезона. Момчето кој како најмал од десетте браќа и сестри сонувал дека еден ден ќе го издржува семејството од фудбалот, конечно ќе го исполни тој сон. Како момче, тој мораше да позајмува патики за да постигнува голови на правлив терен каде што со стативите играа два камења. Сега ќе може на целото семејство да му обезбеди се што ќе посака. Тој беше откриен од локалниот тренер Иван Гуера, го однесе низ разни клубови пред да има проба што ја организираше еден од неговите браќа во Идепедиенте Дела Вале, клуб во предградијата на Кито, главниот град на Еквадор. Индепедиенте од трансферот на Каиседо ќе заработи рекордни 27 милиони евра, откако при продажбата во Брајтон (пет милиони) вметнаа клаузула дека од следниот трансфер на Мојсес ќе добијат 20 отсто од вкупната бројка на следниот трансфер. Сепак, ниту почетокот на европската авантура на Каиседо не беше како сон. Првите неколку месеци играше за У20 тимот на Брајтон, пред да се пресели на позајмица во Бершот на последниот ден од летниот преоден рок во 2021 година. Иако клубот испадна од елитните редови на Белгија, Каиседо покажа знаци дека е сериозен играч. Тоа го потврди со враќањето во Брајтон каде доби посериозна минутажа. Челзи имаше намера да го доведе во зима, но Брајтон упорно ги одбиваше понудите додека не ја добијат сумата што ја посакуваат. Иако во еден момент Ливерпул се вклучи во целата приказна, Каиседо беше експлицитен и го сакаше само Челзи. Желбата му се исполни, сега останува да го продолжи метеорскиот подем и да оправда уште една баснословна цифра платена од касата на „Стемфорд Бриџ“.

Пресврт: Каиседо сака само во Челзи!

Ристе Здравков — Fri, 11 Aug 2023 12:48:16 +0000

Иако беше речиси сигурно дека Мојсес Каиседо ќе се пресели во Ливерпул, напаѓачот на Брајтон сепак сака само во Челзи! Понудата на Ливерпул очигледно нема да биде прифатена, па сега на потег е клубот од Стемфорд Бриџ. Каиседо ги известил челниците на Брајтон дека сака да го одржи зборот што му го дал на Челзи уште во мај и дека се согласува само на трансфер во „сините“. Брајтон за еквадорскиот играч за врска бара над 100 милиони евра, а сега останува да се види дали Челзи ќе ја израмни понудата на Ливерпул која изнесуваше цели 127 милиони.

„Бомба“ од Англија: Ливерпул го урна рекордот и го победи Челси!

Ристе Здравков — Fri, 11 Aug 2023 07:43:53 +0000

Мојсес Каиседо и дефинитивно заминува од Брајтон ова лето, но не во Челси како што се планираше, туку во Ливерпул кој испрати поголема понуда. Ливерпул испратил понуда од 110 милиони фунти и така ја доби трката со Челси за талентираниот фудбалер на Брајтон. Екипата на Јирген Клоп со ова ќе го урне британскиот трансфер-рекорд кој го постави Деклан Рајс со трансферот во Арсенал. Челси останува со празни раце по преговорите кои ги водеше со недели, но сега планира да се насочи кон друг играч, а тоа е Ромео Лавиа од Саутемптон, кој ќе чини околу 50 милиони евра.

BREAKING: Liverpool have now agreed a British transfer record fee of £110M for Brighton's Midfielder Moisés Caicedo 🔴pic.twitter.com/OLvC4rhLTg
— Sky Sports Premier League (@SkySportsPL) August 11, 2023

Брајтон го одби Челзи за Каиседо

Бошко Тасиќ — Fri, 28 Jul 2023 04:16:43 +0000

Англискиот фудбалски клуб Брајтон уште еднаш го одбил Челзи за трансфер на Мојсес Каиседо. Како што објавија предмалку неколку англиски медиуми, Челзи денеска понудил 93 милиони евра за фудбалерот за врска, но Брајтон веднаш ја одбил понудата затоа што смета дека Каиседо вреди повеќе. Фабрицио Романо тврди дека преговорите меѓу двата клуба не се затворени, но прашање е дали Челзи ќе оди со понуда над 100 милиони евра. Некои медиуми веќе објавија дека Брајтон поставил фиксна цена од 100 милиони фунти за Каиседо и ниту една која ќе биде под таа бројка нема да се разгледува.