Гласањето во Мокриево се продолжува за три часа

Ивана Ефремовски — Sun, 17 Oct 2021 17:15:41 +0000

Гласањето во Мокриево се продолжува за три часа. Во едно од двете избирачки места коишто се наоѓаат во училиштето во село Мокриево гласањето ќе трае до 21:55 минути. Проблемот настанал утрото уште на самото отворање на гласачкото место. Терминалите за идентификација не успеале да профункционираат. ИТ службата на ДИК донела втор терминал, но и тој не работел. По повеќе обиди, одлучено е гласањето да почне како и досега, со УВ ламба. Проблеми имало и во соседното избирачко место, кое се наоѓа неколку училници подоле, меѓутоа таму гласањето се одвива со помош на терминалите, а оние граѓани коишто нема да се идентификуваат и по повеќе обиди, продолжуваат со гласањето со помош на ув ламба.

Се одржаа традиционалните „Странчинарски игри“ во Мокриево

Матеја Петровски — Sun, 14 Jan 2018 13:42:26 +0000

Во селото Мокриево, во општина Ново Село, се одржаа традиционалните „Странчинарски игри“. Почетокот беше означен со палењето на големите маалски огнови, кои го симболизираат новото сонце што треба да изгрее и да ги осветлува луѓето во новата година. На местото каде што се палат огновите доаѓаат и странчинарите. Тие со тропањето на нивните ѕвонци и страшните маски треба да ги истераат лошите сили, а потоа тргнуваат во меѓусебна борба со таканаречените кал’чки за поделба на селото, по што почнуваат со просење по куќите. Древниот обичај налагал да ја посетат секоја куќа, а собраните подароци и храна ги делеле на сиромашните. Во денешно време сета храна што странчинарите ја собираат низ селото на крај се собира на едно место и од неа се подготвува голема гозба со качамак и колбаси за сите учесници и присутни гости. На годинашниве игри учествуваат карневалски групи од Петрич (Бугарија), од селото Ратево (Берово) и локални групи. Тие денес продефилираа во центарот на селото.

мокриево – Kurir.mk

Гласањето во Мокриево се продолжува за три часа

Се одржаа традиционалните „Странчинарски игри“ во Мокриево