Научници предлагаат молчење во метро и јавен превоз поради ширење на коронавирусот

Ивона Петрова — Mon, 02 Nov 2020 07:37:22 +0000

Научниците вработени во Шпанскиот национален совет за истражување (ЦСИК) препорачуваат луѓето да молчат во метро и јавниот превоз за да се спречи ширењето на коронавирусот. Тие го објаснија ова мислење со фактот дека податоците укажуваат оти оваа мерка значително ќе го намали ризикот од зараза. Со месеци експертите за епидемиологија и аеросоли ширум светот повикуваат на поостри мерки за спречување на ширење на коронавирусот низ воздухот, а покрај одржување растојание, хигиена и носење заштитни маски, се препорачува проветрување како една од клучните мерки за спречување на ширење на вирусот. Истражувачката на ЦСИЦ, Марија Круз Мунгијон, ја истакна важноста на проветрувањето, но исто така рече дека треба да се почитува друга мерка – молчење во јавниот превоз. – Би било идеално ако метрото иницира „постојана тишина“. Молчењето и добра соодветна маска го намалуваат ризикот. Ако зборувам на телефон или зборувам гласно затоа што е бучно во метрото, се емитуваат 50 пати повеќе аеросоли, истакна таа. Таа објасни дека оваа мерка е многу важна, бидејќи во метро нема вентилација и оти ако некој има вирус и се вози со метро, важно е воздухот да биде што помалку загаден. Исто така, истакнува дека оваа мерка треба да важи и за други видови јавен превоз.

Ден на жалост утре во Кина, земјата ќе им оддаде почит на жртвите од коронавирусот

Ивона Петрова — Fri, 03 Apr 2020 06:22:02 +0000

Кина го прогласи 4 април за Ден на жалост во земјата и со триминутно молчење ќе им оддаде почит на жртвите од новиот коронавирус. Државниот совет на Кина одлучи 4 април да го прогласи за Ден на национална жалост за жртвите кои починаа како последица на пандемијата на Ковид-19, и за здравствените работници, кои го жртвуваа својот живот за да ги спасат луѓето, објави кинеската национална телевизија. Според одлуката, утре во земјата сите знамиња ќе бидат спуштени на половина копје, како и во кинеските амбасади и конзулати во странство. Ќе бидат откажани сите јавни активности и настани. Во 10 часот по локално време со триминутно молчење, Кина ќе им оддаде почит на жртвите на коронавирусот. Бројот на заразени лица со коронавирус во Кина од декември 2019 година досега изнесува 81.620, а починаа 3.322.

молчење – Kurir.mk

Научници предлагаат молчење во метро и јавен превоз поради ширење на коронавирусот

Ден на жалост утре во Кина, земјата ќе им оддаде почит на жртвите од коронавирусот