молитвен појадок – Kurir.mk

МУЦУНСКИ НА МОЛИТВЕН ПОЈАДОК Го продлабочуваме партнерството со САД

Ристе Здравков — Sun, 05 Feb 2023 11:05:37 +0000

Потпретседателот на ВМРО-ДПМНЕ, Тимчо Муцунски присуствуваше на годинешниот молитвен појадок кој се одржа во Вашингтон. Молитвениот појадок е настан кој на едно место ги собира меѓународните претставници од различни националности, вери и религии заедно со членовите на Американскиот Конгрес и претставниците на Администрацијата на САД. Оваа година на настанот се обратија Претседателот на САД, Џо Бајден и Кралот на Јордан, Абдула II. Обединувањето, соработката и меѓусебната поддршка беа во фокусот на пораките кои оваа година беа испратени во рамки на овој настан. „ВМРО-ДПМНЕ е политичка партија која гради и негува цврсти односи и пријателства со своите меѓународни партнери“, напиша Муцунски на својата фејсбук страна и додаде дека за него вистинско задоволство е учеството на Националниот молитвен појадок. Муцунски потенцираше дека присуството на овој настан е уште една потврда за одличните односи со нашите партнери од САД, можност за промоција на стратешките интереси на Македонија и градење на нови мостови на меѓународно ниво кои се засноваат на меѓусебна почит, соработка и разбирање. „Овој настан и останатите средби кој ги остварив рамки на посетата на Соединетите Американски Држави се одлична основа за продлабочување на меѓусебното партнерство и соработка“, заклучи тој во својата фејсбук објава.

Николоски, Милошоски и Ѓорчев го следеа 70-от Молитвен појадок онлајн, обраќање на Бајден

Тале Кристо — Sat, 05 Feb 2022 09:06:35 +0000

Пратениците Александар Николоски и Антонио Милошоски, како и членот на ИК на ВМРО-ДПМНЕ Влатко Ѓорчев го следеа онлајн Молитвениот појадок во Вашингтон кој се одржа во скратено издание поради ковид пандемијата. Претседателот на САД Џо Бајден во своето обраќање истакна дека САД и целиот свет поминаа низ тежок период за време на ковид пандемијата, а дека многу луѓе ги загубиле своите најблиски. Бајден истакна дека тој ден е роденденот на неговиот покоен син Бо Бајден, кој почина од рак на мозокот на 46 години. -Секој некогаш поминува низ тешки моменти, додаде Бајден, потсетувајќи се на смртта на неговата ќерка и неговата прва сопруга во сообраќајна несреќа. Бајден нагласи дека треба да се намалат поделбите во општеството и повика на единство околу некои базични прашања за општо добро. Тој самиот помина 36 години во Сенатот на САД, додавајќи дека Републиканците и Демократите треба повеќе да соработуваат, без разлика кој е на власт или во опозиција, без разлика на секојдневните политички разлики. Молитвениот појадок оваа година се одржа без меѓународни гости и во скратено издание поради ковид пандемијата. Настанот го водеа повеќе сенатори и конгресмени од двете најголеми партии.

Николоски, Милошоски и Ѓорчев го следеа онлајн 69-от молитвен појадок во Вашингтон

Тале Кристо — Tue, 09 Feb 2021 12:26:35 +0000

Пратениците Александар Николоски и Антонио Милошоски, како и меѓународниот секретар на ВМРО-ДПМНЕ, Владимир Ѓорчев го следеа онлајн 69-от молитвен појадок во Вашингтон. Оваа година за прв пат молитвениот појадок се одржа виртуелно, преку онлајн обраќања поради ковид пандемијата. Главни говорници беа претседателот на САД Џо Бајден и спикерот на Конгресот Ненси Пелоси. Во своето обраќање претседателот Бајден нагласи дека овој традиционален настан ги собира и обединува луѓето од различни земји, култури, партии и убедувања. Претседателот Бајден повика на дух на обединување и надминување на разликите. Претседателката на Конгресот на САД Ненси Пелоси особено се задржа на ковид кризата, која изминатава година ги зафати САД и светот. Пелоси нагласи дека треба да сеќаваме на бројните жртви, како и да им се помогне на тие кои што сеупте страдаат од ковид кризата. Воедно, за време на Молитвениот појадок имаше поголем број на обраќања на сенатори и конгресмени од редовите на Демократите и Републиканците. За време на онлајн собирот на учесниците од Европа свои обраќања имаа Милошоски и Ѓорчев, нагласувајќи дека се работи за одличен настан кој што ги обединува и зближува луѓето.

Во Вашингтон се одржа традиционалниот молитвен појадок

Предраг Кукиќ — Thu, 07 Feb 2019 16:13:38 +0000

Во Вашингтон денеска се одржа традиционалниот молитвен појадок, во организација на американскиот претседател Доналд Трамп. Овој настан се организира секоја година и ги собира членовите на претседателскиот Кабинет и Конгресот, како и многубројни гости од странство. Молитвениот појадок се одржува првиот четврток од февруари секоја година во Вашингтон, а вообичаено присуствуваат околу 3.500 гости.