Молотов коктел – Kurir.mk

Приведено лицето што фрли молотов коктел кон Собранието на протестите против францускиот предлог

Ристе Здравков — Thu, 07 Jul 2022 08:53:46 +0000

Полицијата во текот на вчерашниот ден го лиши од слобода лицето кое на 5 јули за време на протестот против францускиот предлог фрли молотов коктел кон зградата на Собранието. Од Министерството за внатрешни работи информираат дека станува збор за Ј.С. (18) од Скопје, кој беше идентификуван од снимката и го призна делото. По документирање на случајот и против него ќе следува соодветна пријава.

Украинците создадоа дрон што фрла молотови коктели

Ивона Петрова — Fri, 11 Mar 2022 07:17:25 +0000

Украинската армија разви беспилотно летало што фрла Молотови коктели кон непријателот, па едно шише пиво е денес оружје, пишува денеска Њујорк пост. Станува збор за мал дрон, развиен од единица на украинската армија. Во средината на конзолата е направено место каде Молотовиот коктел е поставен хоризонтално, пред далечински да биде фрлен врз непријателот, што беше направено во една област во Киев. Украинците секојдневно користат Молотови коктели во борба против руската армија.

Украинка од автомобил во движење фрла Молотов коктел на руски тенк | ВИДЕО

Ристе Здравков — Tue, 01 Mar 2022 13:35:46 +0000

На социјалните мрежи се појави видео на кое се гледа како цивили учествуваат во одбрана на Украина. На видеото се гледа како жена фрла молотов коктел врз руски тенк од автомобил кој е во движење. Новинарот Илија Помономаренко го сподели ова видео на својот Твитер профил и напиша „Руси, дали сте сигурни дека сакате војна со оваа нација?“ На видеото се гледа дека пламенот ја зафаќа гасеницата на тенкот како но и косата на жената која го фрла молотовиот коктел.

Holy shit, this is cool 🔥🔥🔥
You russkies sure you want to have a war with this nation? pic.twitter.com/aQnZDFBTDi
— Illia Ponomarenko (@IAPonomarenko) February 28, 2022

Запалива материја фрлена на тераса во скопски Чаир

Ристе Здравков — Sat, 08 Jan 2022 15:08:10 +0000

На 08.01.2022 во 00,30 часот Џ.Љ.(63) од Скопје пријавил дека на подрачјето на Чаир до терасата на неговата куќа била фрлена запалива течност, при што бил оштетен мал дел од фасадата и ролетна. Извршен бил увид на местото на настанот од увидна екипа од СВР Скопје. Се работи на расчистување на случајот.

Кубанската амбасада во Париз нападната со молотови коктели

Ивона Петрова — Tue, 27 Jul 2021 05:57:33 +0000

Амбасадата на Куба во Париз беше нападната со молотови коктели, соопшти синоќа министерот за надворешни работи на таа земја Бруно Родригез. Во објавата на Твитер, тој не понуди повеќе детали за инцидентот, но го обвини Вашингтон за ширење на насилството. „Ја сметам за одговорна Владата на САД поради нејзините континуирани кампањи против нашата земја кои го охрабруваат ваквото однесување и за нејзините повици на насилство, кои неказниво се упатуваат од нејзината територија“, напиша тој. Прес службата на Министерството за надворешни работи на Куба подоцна соопшти дека нападот се случил околу полноќ, кога биле фрлени три молотови коктели, од кои два паднале во просторот на амбасадата и предизвикале пожар. Кубанските дипломати го изгаснале пожарот, а на местото на инцидентот веднаш пристигнале француските пожарникари и полицајци. Повеќе кубански амбасади беа нападнати во последниот период во антивладините протести поради недостигот на храна и високата инфлација, до кои дојде во услови на корона-кризата. Од почетокот на демонстрациите уапсени се голем број новинари и активисти, а најмалку едно лице загина.

Молотов коктел фрлен во прилепско

Ристе Здравков — Wed, 15 Jul 2020 15:52:59 +0000

Вчера во 01.30 часот било пријавено дека во село Дебреште, прилепско, во двор од куќа сопственост на С.М.(53), од страна на непознат сторител било фрлено стаклено шише со запалива течност, при што било оштетено предното ветробранско стакло од патничко возило „фолксваген голф“, со прилепски регистарски ознаки, паркирано во дворот, а опожарени биле и огревни дрва во непосредна близина. „Пламенот го забележале С.М. и неговиот брат, кои го изгаснале огнот. Извршен бил увид на местото на настанот од увидна екипа на полициската станица Прилеп. Се преземаат мерки за целосно расчистување на случајот“, информираат од МВР.

Фрлен молотов коктел врз куќа во Скопје во 3 часот утрово

Матеја Петровски — Sat, 18 Aug 2018 08:48:45 +0000

Синоќа околу 03:00 часот во Скопје на улица „Зендел Џемаил“ непознато лице фрлило молотов коктел кон куќа сопственост на М.Б.(29), при што е опожарен само комарник од влезната врата. Од МВР информираат дека од страна на екипа од Противпожарна единица пожарот е изгаснат, а повредени лица нема. Од страна на полицијата увид ќе се врши во текот на денешниот ден.

Молотов коктел фрлен врз автомобил во Скопје

Даниел Василев — Wed, 11 Jul 2018 13:42:46 +0000

Две непознати лица кои биле на мотор вчера фрлиле молотов коктел кон патничко моторно возило „Пасат“ со словачки национални ознаки, кое било превезувано со шлеп служба. Како што соопшти МВР, молотовиот коктел бил фрлен на булеварот „Александар Македонски“, додека возилото се превезувало на вештачење кон Министерството за внатрешни работи. Двете непознати лица потоа го напуштиле местото на настанот, а возилото е делумно оштетено. Полицијата презема мерки за целосно расчистување на случајот.