молови – Kurir.mk

ПАДНА ОДЛУКА – се укинуваат сертификатите за вакцинација во овие објекти!

Дарко Андоновски — Wed, 02 Mar 2022 14:29:05 +0000

Комисијата за заразни болести по одржаниот состанок одлучи да се укинат задолжителното поседување на сертификати за вакцинација, за влез во моловите. Сега, повторно ќе има нова кампања за да се поттикне вакцинацијата, но без оваа рестрикција. „Да се препорача укинување на задолжителните сертификати за во молови, односно онаму каде не е задолжително носење на маски. Ова е олеснување на рестриктивните мерки. Ќе бидеме внимателни“, рече Александар Петличковски, претседател на Комисијата. Портпаролот Злате Мехмедновиќ рече дека вакцинацијата е на ниско ниво. „Со потенцирање на вакцинацијата кај ризичните групи, ќе спречиме компликаиции кај оваа група на граѓани. 260 илјади граѓани се во таа група, 130 илјади не се целосно вакцинирани, а останатите нема бустер доза. На тоа ќе се фокусираме за да го подигнеме квалитетот на имунитетот и да биде основа за понатамошно олабавување на мерките“, кажа Мехмедовиќ.

Стравуваат ли македонските власти од терористички напади во Скопје?! Полиција „врие“ пред моловите, граѓаните зачудени

Ристе Здравков — Mon, 29 Nov 2021 11:02:56 +0000

Повеќе од една недела во главниот град може да се забележи зголемено присуство на полициски службеници. Ваква глетка забележана е пред и во трговските центри на метрополата. Граѓаните зачудени прашуваат на што се должи ваквото присуство на полицијата во овие објекти? Па оттука почнаа да кружат и разни шпекулации, а истите стигнаа и до тоа дека МВР има сознанија за можни терористички напади. Редакцијата на КУРИР испрати прашања до Министерството за внатрешни работи, а до овој момент немаме добиено одговор. -На што се должи големото присуство на полициски службеници во и надвор од трговските центри и дали се вистинити шпекулациите дека МВР има сознанија за планирани терористички напади во Скопје?, прашавме во МВР. Американската амбасада во Приштина добила известување од Стејт департментот дека „терористичките групи продолжуваат да планираат можни напади во балканскиот регион“. Амбасадата го добила известувањето на 22 ноември, а како што се наведува, можни се напади и на Косово и Метохија. Меѓународните институции во Косово ги предупредија своите вработени да избегнуваат гужви и големи трговски центри во Косово. Интересно е што ова предупредување се случи неколку дена пред вооружениот напад во Глоѓан, кога во петокот вечерта беа убиени тројца патници во локалниот автобус. На travel.state.gov. се споменуваат и неколку локации каде што е потребна претпазливост. „Терористичките групи продолжуваат да планираат можни напади во регионот на Балканот, вклучително и Косово. Терористите можат да нападнат без предупредување, гаѓајќи ги туристичките места, сообраќајните центри, пазарите / трговските центри, структурите на локалната власт, хотелите, клубовите, рестораните, местата за богослужба, парковите, големи спортски и културни настани, образовни институции, аеродроми и други јавни површини“, наведува американската амбасада на Косово. Мисијата на ОБСЕ на Косово и Метохија ги повика вработените да бидат внимателни и препорачаа големите трговски центри да не се посетуваат до 30 ноември. Некои меѓународни организации ги советуваат своите вработени за можен напад на големите трговски центри како „Алби Мол“ и други во Урошевац. Па оттука се поставува прашањето дали македонските власти стравуваат од можни терористички напади во главниот град?

Анализа новите мерки, нов удар за економијата – моловите и дуќаните празни

Дарко Андоновски — Fri, 27 Aug 2021 13:46:02 +0000

Силен удар врз стопанските субјекти и влез во подлабока економска криза до крајот на годината е очекуваниот ефект од новите владини мерки кои се донесоа како заштита поради влошената епидемиолошка состојба. Додека и епидемиолозите се сомневаат дали на ваков начин ќе се спречи навремено ширењето на коронавирусот, поголем дел од мерките кои се за ограничувања само за невакцинираните граѓани ги испразнија трговските центри во кои работат доста економски субјекти, а каде носењето на маски е задолжително покрај сите дополнителни мерки во нив. До сега сме сведоци дека од почетокот на пандемијата, трговските центри секогаш беа голема поддршка во борбата против КОВИД-19. Додека немаше рестрикции за невакцинираните посетители, бројот на заболени беше дури под 5 луѓе во некои периоди. Иако, трговските центри и дуќаните претрпеа големи загуби во последната 1,5 година од почетокот на пандемијата и сеуште не се опоравени, сите безбедноси протоколи беа имплементирани со најголеми заложби. Ова е показател дека трговските центри не се места каде што се шири вирусот. Носењето маски е задолжително во трговските центри, има ограничувања на бројот на посетители во продавниците, постојат сигнализации за одржување на растојание, во секој агол постојат средства за дезинфекција, има распоред за дезинфекција на сите места со кои посетителите стапуваат во контакт, сите системи за вентилација се чистат и дезинфицираат редовно. Додека трговските центри и трговците се опоравуваат од големиот удар, оваа одлука целосно ќе го уништи секторот. Според новите правила за влез во моловите и угостителските објекти потребен е сертификат за вакцина или потврда за прележан вирус во последните 45 дена, но во мерките не спомнува негативен ПЦР тест. Дел од јавноста останува збунета. Со новите мерки веќе има намалување на прометите и посетеноста на сите продавници вклучувајќи ги и супермаркетите кои се наоѓаат во склоп на трговските центри поради неможност на потрошувачите да влезат во моловите дури до 40 %со тоа што повторно се соочуваме со економски пад, изјавија од Рамстор и Капитол Мол. Нискиот процент на вакцинирани граѓани меѓу наслението од 18 до 50 години години кој официјално не е соопштен но е под 30 отсто најверојатно ќе значи сериозен пад на работата на многу компании кои работат во малопродажбата, во угостителската и услужната дејност. Деновиве, а по стапувањето на сила на новите правила и протоколи секојдневно осамнуваат празни ресторани и кафулиња, речиси комплетно празни се трговските центри. Во моловите, особено во поголемите, на удар се супермаркетите како и трговските објекти за продажба на облека, книжарници, дуќани за бела техника, но и угостителските објекти, а стануава збор за неколку стотици такви во главниот град. Се уште нема точна пресметка за падот на продажбата и прометот, но се тврди дека загубите се значајни и тоа за само неколку дена. За лошиот ефект на мерките реагираше и Сојузот на стопански комори (ССК), вчера. Тврдат дека се неприменливи, имаат многу нејаснотии, но уште поголем е ударот за компаниите. „Дополнително, ваквата селективност и некоординираност во постапувањето со носење на неспроведливи и дискриминаторски мерки го отежнува економскиот тек и ја влошува и онака тешката финансиска состојба на претпријатијата и влијае на зачувување на работните места. Сојузот на стопански комори на Македонија е за воспоставување систем на заштита, но со мерки кои се логични и недискриминаторски, со кои не само про-форма, туку навистина ќе се постигне заштита на сите граѓани“, велат од ССК.

Пановски: За викенд треба да се затворат сите молови и кафулиња

Тале Кристо — Mon, 22 Mar 2021 13:33:07 +0000

Полицискиот час кој е на сила од 22 до 5 наутро, не влијае негативно врз економијата, но многу е важно дали младите останатото време го користат за да излегуваат на отворено, или пак се собираат на затворено, изјави за „Слободен печат“ микробиологот проф.д-р Никола Пановски. - Доколку се мешаат и влегуваат во молови и кафулиња, тоа е катастрофално. Надвор вирусот не се шири. Освен полицискиот час, други мерки според мене што треба да се донесат е тоа да се затворат сите молови и кафулиња за викенд и да се мотивираат сите да излегуваат на отворено и да не се собираат на затворено. Значи, не да се ограничува слободата на движење, туку да се ограничува каде населението ќе го поминува времето. Треба да се надвор, да шетаат. Мислам дека бројот на заразени ќе се намали тогаш кога ќе се појави страв поради голем број починати, 25 до 30 дневно. Се создава некој вид на имунитет секој ден има по 1.000 нови заразени, тоа се 30 илјади месечно. Има трипати повеќе што не се откриени. Меѓутоа, ова го плаќаме со голем број на жртви. Најсовршено би било да се затворат сите несуштествени дејности, ама тоа економски е неможно, рече професорот Пановски.

Данска и Словачка за време на божикните празници ќе ги затворат продавниците и моловите

Магдалена Андонова — Wed, 16 Dec 2020 19:00:57 +0000

Данска и Словачка ќе ги затворат трговските центри и продавници во пресрет на Божик за да спречат ширење на коронавирусот. Данската Влада ќе го стори тоа од утре, а другите продавници ќе бидат затворени од Божик па натаму, објави весникот Екстра Бладет, без да наведува извори. Супермаркетите и другите продавници за храна ќе останат отворени, пренесува Хина. Словачка, пак, ќе го ограничи движењето на луѓето од сабота наутро до 10 јануари, освен во неизбежни ситуации, за работа и престој во природа. Повеќето продавници, исто така, ќе бидат затворени. – Ситуацијата е посериозна од кога било, предупреди министерот за здравство Марек Крајчи. Владата го повика населението за време на празниците да се дружат со само уште едно семејство. (МИА)

Кипар: Се затвораат моловите, угостителските објекти, црквите, универзитетите и дел од средните училишта

Тале Кристо — Wed, 09 Dec 2020 13:04:12 +0000

Поради влошената епидемиолошка слика, кипарската Влада, наместо олабавување на постоечки, одлучи да воведе построги мерки и да ги затвори моловите, угостителските објекти, црквите, дел од средните училишта и универзитетите, јави дописничката на МИА од Атина. Министерот за здравство на Кипар Константинос Јоану, соопштувајќи ги новите рестрикции, рече во изминатите денови „влошени се епидемиолошките индикатори и се најлоши од почетокот на пандемијата“. – Новите случаи се зголемуваат, а на многу наши сограѓани им е потребно лекување. За жал, некои од нив ја загубија битката за живот. Постои стабилизација во однос на хоспитализираните пациенти, но не можеме да бидеме смирени. Загрижени сме за континуираното зголемување на „позитивноста“ што се регистрира со брзите антигени тестови низ Кипар. Резултатите покажуваат дека вирусот е насекаде, во сите градови, села, области, рече Јоану и додаде дека намерата е да се запре „дополнителното ширење на вирусот пред да биде доцна“ и затоа е донесена одлуката за прекин на работата на објектите на затворено, истакна Јоану. Од петок до 31 декември 2020 година, ќе бидат затворени сите молови, кафулиња, барови, таверни, ресторани, пабови итн. Литургиите во црквите ќе бидат зад затворени врати, без присуство на верници, додека пак на венчавките, крштенките и погребите дозволени се најмногу десет лица. Од понеделник, за дел од приватните и државните средни училишта (за ученици од 15 до 18 години) и за Универзитетите се воведува онлајн настава и предавања, а градинките, основните и остатокот од средните училишта ќе работата нормално со физичко присуство на учениците. Дополнително, продолжуваат да важат и мерките воведени пред 12 дена, меѓу кои и полицискиот час од 21 до пет часот наутро. Јоану на денешната прес-конференција објасни дека на 27 ноември 2020 година, при соопштувањето на мерките беше оставена отворена можност за олабавување на одредени рестрикции во пресрет на божиќните и новогодишните празници, но под услов да се подобри епидемиолошката слика. – Исто така предупредивме и за веројатноста да се вратат построги мерки, ако има влошување на податоците. Податоците што ги имаме пред нас, не ни оставаат многу опции, објасни министерот за здравство на Кипар. Тој рече дека земјата се подготвува за програмата за вакцинација на населението, а набргу ќе биде соопштен и процесот и повтори дека за сите граѓани кои ќе сакаат да се вакцинираат, вакцината ќе биде бесплатна. На Кипар вчера беа соопштени 419 нови случаи од 4.208 ПЦР тестови, што е рекорден број новозаразени на дневно ниво, а починаа пет лица. Од 6.702 брзи тестови, позитивни биле резултатите на 218, меѓутоа не се вклучени во дневната статистика, бидејќи праксата на Кипар е резултатот од рапид тестовите, да се провери со ПЦР тест. Во кипарските болници, хоспитализирани се 115 лица, од кои 21 се во сериозна состојба. Од почетокот на епидемијата, регистрирани се 68 смртни случаи и 13.286 заболени.

Народот „навали“ во моловите како да е бесплатно- од оваа редица пред познатата продавница во Скопје ќе ви се слоши (ФОТО)

Дарко Андоновски — Sun, 17 May 2020 17:29:48 +0000

Откако Владата со одлука на Комисијата за заразни болести одлучи да ги отвори моловите ширум земјава, се случи тоа што го гледавме во регионот во изминатиов период. И додека многумина се смееја на соседна Србија кога луѓето чекаа редици пред познатата продавница, истото се случи во Скопје. Овие денови кружат безброј фотографии од моловите во земјава каде народот буквално „навали“, погледнете.

Ќе се затвараат моловите низ државата поради коронавирусот

Тале Кристо — Sat, 14 Mar 2020 12:30:54 +0000

Министерството за здравство и Комисијата за заштита од спречување на заразните болести ќе предложат до владата затворање на затворените трговски центри, односно моловите, рече на денешната прес конференција министерот за здравство, Венко Филипче. Филипче упати порака и до пекарниците, доколку е изводливо да организираат шалтерски систем на работа, односно да се ограничи влезот на потрошувачи внатре во просториите.

Утре ќе се дискутира да се затворат моловите!

Дарко Андоновски — Fri, 13 Mar 2020 18:16:10 +0000

Доколку се утврди дека е место каде се собираат голем број луѓе, тогаш ќе размислиме да се затворат моловите, рече министерот за здравство Венко Филипче во гостувањето на ТВ Нова. -Доколку локалите и кафеаните не ја почитуваат оваа мерка, спремни сме на порадикална мерка целосно затворање- рече Филипче.