момин поток – Kurir.mk

Без вода Батинци, Љубош, Момин поток и Криви дол

Тале Кристо — Mon, 20 Feb 2023 07:02:24 +0000

Поради дефект на водоводната мрежа, денеска од 9 часот без вода се корисниците од Батинци и Љубош. Во истиот период вода ќе немаат и корисниците од Момин поток и Криви дол Водоснабдувањето ќе биде прекинато до санација на дефектите, информира ЈП Водовод и канализација - Скопје.

Хуманитарни пакети со облека и храна во Пунктот за бездомници во Момин Поток

Ивона Петрова — Thu, 30 Dec 2021 06:42:04 +0000

Во пресрет на празниците, во Пунктот за бездомници на Црвен крст на Град Скопје во Момин Поток денеска ќе биде организиран традиционалниот предновогодишен ручек. На 150 бездомни лица кои редовно го посетуваат Пунктот ќе им бидат поделени хуманитарни пакети со топла облека и храна. Пунктот за бездомници функционира 13 години и нуди повеќе услуги за лицата кои немаат свој дом. Целта е да овозможи тие да ги остварат основните човекови права и да се реинтегрираат во општеството. Финансиски е поддржан од Градот Скопје и од повеќе компании и граѓани. Во базата на Црвениот крст на Град Скопје се регистрирани околу 250 бездомни лица, а 150 од нив неделно ги користат услугите на Пунктот. – Поради студениот бран, Пунктот по потреба ќе стане прифатилиште за преноќување на бездомните лица. Доколку граѓаните забележат бездомно лице на кое му е потреба помош, може да се јават на телефонскиот број 071/ 733-171, информира Црвен крст на Град Скопје. Од јануари до ноември 2021 година, како што информира Црвениот крст, во Пунктот за бездомници во Момин Поток биле поделени вкупно 7450 оброци, 21 548 парчиња облека, 6526 лекови, имало 1918 медицински интервенции.

Светски ден на бездомништвото, облека и хигиенски артикли за бездомниците во пунктот во Момин Поток

Ивона Петрова — Thu, 10 Oct 2019 07:00:19 +0000

Пакети со облека и хигиенски артикли денеска ќе им бидат доделени на бездомниците во пунктот на Црвениот крст на Град Скопје во Момин Поток во рамки на одбележувањето на 10 Октомври – Светскиот ден на бездомништвото. Од Црвениот крст информираат дека ќе бидат доделени и благодарници на компании кои го поддржуваат работењето на пунктот во делот на обезбедување на храна во изминатиот период. Пунктот за бездомници функционира повеќе од 10 години и нуди повеќе услуги за лицата кои немаат свој дом и има за цел да овозможи тие да ги остварат основните човекови права и да се реинтегрираат во општеството. Во базата на Црвениот крст регистрирани се повеќе од 150 бездомни лица. Работењето на пунктот за бездомници финансиски е поддржано од Градот Скопје и повеќе компании и граѓани.

Две лица повредени во сообраќајката кај Момин Поток

Ивона Петрова — Mon, 17 Dec 2018 14:12:48 +0000

Две лица се здобиле со повреди во сообраќајната несреќа која се случи кај Момин Поток, потврдуваат од МВР за Курир. Едното лице било пренесено во ГОБ „8 Септември“, а второто во ГОБ „Св. Наум Охридски“. Засега други детали не се познати, а повеќе информации се очекуваат по завршување на полицискиот увид кој е во тек. Според првичните информации од МВР, во несреќата која се случила на крстосница со улиците „Скупи“ и „Јадранска магистрала“, учествувале две возила.

ФОТО: Сообраќајка во Момин Поток, возете внимателно

Ивона Петрова — Mon, 17 Dec 2018 14:04:27 +0000

Три возила учествувале во сообраќајна несреќа која се случила пред малку во Момин Поток. Поради несреќата сообраќајот се одвива отежнато, возете внимателно. Повеќе информации за несреќата наскоро очекуваме од Министерството за внатрешни работи.