Моника Ристеска – Kurir.mk

Повторно уапсена Моника Ристеска

Катерина Бојаџиева — Sat, 11 May 2019 09:53:27 +0000

Околу 18 часот синоќа на улица во Куманово, лишена од слобода е Моника Ристеска, по што е извршен претрес во нејзиното престојувалиште во Куманово и се пронајдени околу пет грама канабис. Во овој момент се чека вештачење од МВР по што Јавен Обвинител од ОЈО Куманово бара одредување мерка притвор, пренесува „Јанаки Знае“.

Продожен и е притворот на Моника Ристеска и е поднесен обвинителен акт против неа

Ристе Здравков — Thu, 01 Nov 2018 11:59:55 +0000

Основното јавно обвинителство Скопје до Основниот суд Скопје 1 Скопје достави Обвинителен акт против едно лице за сторено кривично дело – Неовластено производство и пуштање во промет наркотични дроги, психотропни супстанции и прекурсори од чл.215 ст.1 во врска со чл.45 од Кривичниот законик. Осомничената се товари дека во текот на 2017 и 2018 година, со умисла извршила временски поврзани дејствија кои претставуваат повеќекратно остварување на исто дело. Притоа, искористувајќи ист траен однос, исти прилики и околности, неовластено кај себе држела, преработувала и продавала наркотична дрога марихуана и хашиш смола.

„Сведок“: Владата бранејќи ги уживателите на наркотици го урна македонското судство – се вмеша во притворот

Ивона Петрова — Wed, 10 Oct 2018 16:13:53 +0000

Владата на директен начин денеска грубо се вмеша во работата на судството, коментирајќи дека мерката притвор определена за лице кај кое била пронајдена дрога и која препродавала на зависници во Скопје, е „престрога мерка“, пишува порталот Сведок. Владиниот портпарол Миле Бошњаковски на денешната прес-конференција соопшти дека одлуката за притвор од 30 дена за Моника Ристевска за Владата делува престрого во однос на стореното дело наместо да се огради од случајот и да каже дека Владата нема надлежност да се меша во судските постапки и посебно во одлуките на судиите. - Сакаме како Влада да укажеме дека мора да се почитуваат законските прописи и дека Македонија е држава која се темели на владеење на правото. Владата како за сите други прашања, така и за ова е отворена за дискусија со сите заинтересирани страни, рече Бошњаковски, пренесе Канал 5. Јавното обвинителство пак соопшти серија настани поврзани со притворената Ристеска, за тоа каде и кога кај неа биле пронајдени наркотични средства, како и обезбедени сведоци на кои таа им продавала. Целиот текст може да го прочитате на СВЕДОК

Владата против одлуката за притвор на активистката Моника, сметаат дека казната е престрога

Ивана Ефремовски — Wed, 10 Oct 2018 10:02:07 +0000

Владиниот портпарол Миле Бошњаковски на денешната прес-конференција соопшти дека одлуката за притвор од 30 дена за Моника Ристевска за Владата делува престрого во однос на стореното дело. - Сакаме како Влада да укажеме дека мора да се почитуваат законските прописи и дека Македонија е држава која се темели на владеење на правото. Владата како за сите други прашања, така и за ова е отворена за дискусија со сите заинтересирани страни, рече Бошњаковски.

Дрога, електричен парализатор: Што сè е пронајдено во домот на активистката Моника?

Ивана Ефремовски — Wed, 10 Oct 2018 09:02:13 +0000

На 09.10.2018 година, Секторот за внатрешни работи Скопје - Единица за недозволена трговија – Одделение за недозволена трговија со дрога, со кривична пријава до надлежното Основно јавно обвинителство - Скопје го предаде лицето М. Р. (30), поради постоење на основи на сомнение дека сторила кривично дело „Неовластено производство и пуштање во промет наркотични дроги, психотропни супстанции и прекурзори“ предвидено и казниво по член 215 од Кривичниот законик на РМ. На 08.10.2018 година на ул.Мите Богоевски во Скопје при извршен претрес кај М.Р. пронајдени и одземени се 39,7 мл хашиш-смола, 12 мл хашиш-масло, семки од канабис, околу 40 грама марихуана помешана со тутун, т.н. „тејзер“, односно тип на оружје кое спаѓа во групата на електрични парализатори, дигитални ваги, шприцеви и други предмети. За ова лице се водат и други кривични постапки за истото кривично дело.

Истражна постапка и 30 дена притвор за активистката Моника Ристеска

Катерина Бојаџиева — Wed, 10 Oct 2018 08:38:00 +0000

Основното јавно обвинителство Скопје донесе наредба за спроведување истражна постапка против активистката Моника Ристеска за „неовластено производство и пуштање во промет наркотични дроги, психотропни супстанции и прекурсори“ и ѝ определи 30-дневен притвор. -По предлог на надлежен јавен обвинител, судија на претходна постапка од Кривичниот суд во Скопје на осомниченото лице му определи мерка притвор во траење од 30 дена, како мерка за обезбедување на присуството во текот на кривичната постапка, соопшти Jавното обвинителство. Ристевска е осомничена дека во текот на 2017 и 2018 година, во повеќе наврати, искористувајќи исти прилики и ист траен однос, неовластено набавила наркотична дрога марихуана, од која што со понатамошна преработка добивала наркотична дрога хашиш и други опојни средства, кои потоа ги продавала на уживатели на територијата на Град Скопје. Како што се наведува во соопштението од Обвинителството, на 29 септември 2017 година во скопското село Ракотинци при извршен претрес од овластени службени лица на СВР Скопје, кај осомничената се пронајдени и одземени: една полиетиленска кесичка со нето 27.46 грама, два шприца со вкупен волумен од 9 мм и остатоци од шприцевите со наркотична дрога хашиш смола, една дигитална вага со остатоци од марихуана, две шишиња со вкупен волумен од 2060 мл етил алкохол органски растворувач. На 5 јули 2018 година во близина на Канцеларијата за врски на Грција во Скопје, од страна на полициски службеници било извршено легитимирање на осомничената и кај неа биле пронајдени два шприца со остатоци од наркотична дрога хашиш смола, а еден шприц со волумен од 2мл со наркотична дрога хашиш смола е пронајден кај сведок на кого што обвинетата му го продала за 3.000 денари. На 8 октомври годинава на ул. „Мите Богоевски“ во Скопје кај осомничената биле пронајдени: четири шприца со вкупен волумен од 39.7 мл наркотична дрога хашиш смола, темно кафеава масловидна материја со волумен од 12 мл наркотична дрога хашиш масло, семки во стаклен сад со нето маса од 0.42гр кои потекнуваат од растение кое припаѓа на растителниот род Cannabis – марихуана, растителен материјал во полиетиленски кесички со нето маса од 7.62 грама, полиетиленско пакување с остатоци од растителен материјал марихуана , пакувања со нето маса од 30.15 грама марихуана помешана со тутун, две дигитални ваги со остатоци од наркотична дрога, еден мал вентилатор, два електрични блендери со остатоци од наркотична дрога , едно грејно тело марка „ИЦМ“, еден топломер со остатоци од наркотична дрога, една тегла семки, 19 празни шприцови, две пластични чаши со црвено капаче во кои има кефава маст, две пластични проѕирни црева и една празна полиетиленска кеса со остатоци од непозната материја, три стаклени епрувети со држачи и една пластична туба со налепница „Етанол“ кои сите биле наменети за производство, а потоа и за продажба на наркотична дрога. Во Република Македонија, согласно чл.215 ст.1 од Кривичниот законик, казниво е неовластеното производство, преработка, продажба или нудење на продажба, како и заради продажба купување, држење, пренесување или посредување во продажба или купување или на друг начин неовластено пуштање во промет наркотични дроги, психотропни супстанции и прекурсори. Согласно чл. 20 од Законот за прекршоците против јавниот ред и мир, пропишана е прекршочна одговорност и казнување за уживањето во наркотични дроги, психтотропни суптанции и прекурсори. Во врска со овој случај претпладнево во МВР е закажана изјава за медиумите, а поддржувачи на Ристевски најавија протест пред Јавното обвинителство Скопје.

Утре протест пред Обвинителство: „И јас сум Моника, апсете ме“

Ивона Петрова — Tue, 09 Oct 2018 19:26:08 +0000

Група граѓани утре во 12 часот ќе протестираат пред Основното јавно обвинителство против, како што велат, прогонот на Моника Ристеска. Тие велат дека пристапот на судијата кој на активистката Ристеска ѝ одреди триесетдневен притвор е ригиден и неприфатлив. „Ги повикуваме сите слободоумни граѓани и оние кои се, но и оние кои не се уживатели на канабисот да дојдат на протест пред Основното јавно обвинителство – Скопје во 12:00 часот. Целта е да го изразиме нашето незадоволство и да ја искажеме нашата поддршка за неправедно затворената Моника“, пишува во најавата на социјалните мрежи што ја објави здружението „Билка“. Слоганот на протестот е „И јас сум Моника, апсете ме“. Активистката Моника Ристеска доби 30-дневен притвор, откако претходно беше изведена пред судија на претходна постапка. Таа е спроведена во затворот во Шуто Оризари. Судот ја прифати мерката за обезбедување присуство која ја побара Обвинителството. При вчерашниот претрес во нејзиниот дом полицијата пронашла 30 мл масло од канабис и 15 гр канабис.

Судот одреди 30 дена притвор за активистката Моника Ристеска

Ивона Петрова — Tue, 09 Oct 2018 16:56:54 +0000

Активистката Моника Ристеска доби 30-дневен притвор, откако претходно беше изведена пред судија на претходна постапка, јавува Фокус. Таа ќе биде спроведена во затворот Скопје каде ќе ја чека жалбената постапка пред кривичниот совет на Основен суд Скопје 1 Скопје. Моника Ристеска е еден од најактивните активисти за легализација на канабисот и негова широка употреба во медицината, вчера при претрес во нејзиниот дом полицијата пронајде 30 мл. масло од канабис и 15 гр. канабис.