монпелје – Kurir.mk

Симоне во Монпелје останува до 2026 година

Бошко Тасиќ — Tue, 19 Sep 2023 04:11:44 +0000

Легендата на аргентинскиот ракомет, Диего Симоне, потпиша нов договор со францускиот Монпелје. Тоа што беше најавено минатата недела, доби и официјализација, па средниот бек и францускиот тим открија дека е продолжена соработката до 2026 година. Симоне настапува во Монпелје од 2013 година и за тоа време одигра 204 натпревари и постигна 584 гола.

Сташ Скубе продолжува во Франција

Бошко Тасиќ — Wed, 20 Apr 2022 19:35:39 +0000

Иако се очекуваше на почетокот на новата сезона да го видиме во Келце, екс вардарецот Сташ Скубе ќе го носи дресот на француски Монпелје со кој потпиша тригодишен договор. Скубе претходно имаше договорено соработка со полскиот шампион каде што требаше да премине од Мешков Брест ова лето. Потоа се шпекулираше дека Бертус Сервас може да го испрати на позајмица во францускиот тим, меѓутоа договорено е Словенецот да стане играч на Монпелје.

Уапсени две лица по нередите на натпреварот Монпелје – Марсеј

Тале Кристо — Mon, 09 Aug 2021 07:35:59 +0000

Двајца навивачи беа уапсени по натпреварот од воведното коло на Францускиот фудбалски шампионат помеѓу Монпелје и Марсеј, пренесува „АФП“. За време на прославата на голот во Марсеј, навивачите фрлија шишиња на теренот и го погодија в лице гостинскиот играч Валентин Роние, кој беше резерва. Официјалниот спикер ги замоли фановите да се смират, но по пет минути, шишиња повторно полетаа на тревникот. Главниот судија Жереми Пињар мораше привремено да го прекине натпреварот. На крајот победата им припадна на гостите од Марсеј со 3:2.

Вардар брка победа против Монпелје во последниот меч од групната фаза на ЛШ

Ивана Ефремовски — Sat, 02 Mar 2019 08:53:28 +0000

Екипата на Вардар вечерва брка победа против актуелниот европски шампион Монпелје денеска во Скопје во последниот меч од групната фаза на ракометната Лига на шампиони. „Црвено-црните“ со победа против францускиот тим ќе остане во игра за второто место на табелата, но за да се оствари целта, Киелце треба да го совлада унгарски Веспрем на домашен терен. На првиот меч сезонава во Франција триумфираше Вардар. Тренерот на вардарци, Роберто Парондо на пресот пред дуелот изјви дека тимот е фокусиран на натпреварот и сакаат да покажет дека можат да го совладаат Монпелје. – Сепак, што и како ќе се случи ќе видиме потоа откако ќе ги знаеме другите резултати. Ние мораме да победиме за да можеме потоа да имаме одредени калкулации околу пласманот. Имаме 5-6 ракометари кои се жалат на повреди. Не можам со сигурност да кажам дали ќе играат или ќе одмораат. Ќе видиме од ден за ден колку ќе бидат подготвени и кои ќе можат да дадат 100 проценти на терен. Имаме план А, Б, Ц и Д и тоа на сите позиции. Сепак, можеме да имаме само 16 играчи во ростер, но мораме да размислуваме на тоа кои играчи можат да играат и напад и одбрана, изјави Шпанецот. Средбата Вардар – Монпелје почнува во 17,30 часот во СЦ „Јане Сандански”. (МИА)

Вардар не признава шампиони: Црвено- црните со голема победа на гостувањето кај европскиот првак ја отворија сезоната во ЛШ

Матеја Петровски — Sat, 15 Sep 2018 17:13:46 +0000

Со голема победа од гостувањето во Монпелје се враќа Вардар. 27:24 е конечниот резултат со кој европскиот шампион од пред две години го победи европскиот шампион Монпелје од ланската сезона и тоа на гостински терен. Вардар во своите редови го имаше расположениот голман Владан Милосављев на чии крилја летна до големата победа на стартот, младиот српски голман собра 15 интервенции на овој меч. Во тимот на Вардар расположени играчи имаше на секоја позиција, одличен меч одиграа Скубе, Борозан, Карачиќ, Чупиќ, Дибиров, Рожерио Мораеш... Нашиот првак на полувремето замина со резултат 12:11 и предност од еден гол, додека на крајот таа предност ја зголеми за плус два и конечна победа од 24:27.

Вардар новата сезона од ЛШ ќе ја започне со Монпеље

Ивона Петрова — Thu, 02 Aug 2018 16:13:18 +0000

Македонскиот ракометен првак Вардар новата сезона од Лигата на шампионите ќе ја започне со натпревар на гостински терен кај актуелниот европски првак Монпеље на 15 септември, додека првиот дел од групната фаза ќе го заврши на први декември во Скопје кога се среќава со Кjелце. Европската ракометна федерација во соработка со клубовите домаќини и телевизиските куќи што ги имаат правата за пренесување на натпреварите од Лигата на шампионите во сезоната 2018/19 година ги одредија термините на натпреварите од првите десет кола што се играат во оваа календарска година. Единствено за натпреварот во Барселона во периодот од 14 до 18 ноември се уште не е утврден терминот. Вардар преостанатите четири натпревари од групната фаза ќе ги игра по завршувањето на Светското првенство, што се одржува во јануари 2019 година. Вардар е во група со екипите на Монпеље, Кристијанштад, Веспрем, Рајн Некар, Мешков, Барселона и Кјелце. Првиот од групата директно ќе се пласира во четвртфиналето, а оние од второ до шесто место ќе играат прво во осминафинале со екипите од другата група. Распоред на натпревари: 1. коло - 15.09.2018 Монпеље - Вардар (17:30 часот) 2. коло - 22.09.2018 Вардар - Кристијанштад (17:30 ч. СЦ „Јане Сандански“) 3. коло - 29.09.2018 Веспрем - Вардар (17:30 ч.) 4. коло - 06.10.2018 Вардар - Рајн Некар (17:30 ч. СЦ „Јане Сандански“) 5. коло - 14.10.2018 Кјелце - Вардар (17 ч.) 6. коло - 03.11.2018 Вардар - Мешков (17:30 ч. СЦ „Јане Сандански“) 7. коло - 10.11.2018 Вардар - Барселона (17:30 ч. СЦ „Јане Сандански") 8. коло - 14/18.11. 2018 Барселона - Вардар 9. коло - 24.11.2018 Мешков - Вардар (19 ч.) 10. коло - 01.12.2018 Вардар - Кјелце (17:30 ч. СЦ „Јане Сандански")

Монпелје е новиот ракометен шампион на Европа

Даниел Василев — Sun, 27 May 2018 18:43:40 +0000

Екипата на Монпелје е нов европски ракометен шампион, откако во финалето го победи Нант со 32:26 (16:13). Францускиот тим на патот до трофејот ги елиминираше Барселона, Фленсбург, ланскиот шампион Вардар и Нант и сосема заслужено се радуваа на успехoт. Монпелје ја освојува европската титула првпат по 2003 година. Нашиот Кире Лазаров беше најефикасен во Нант со шест постигнати голови, но сепак не успеа да го доведе својот тим до ново изненадување и да стигне до својата втора европска круна во кариерата. За него ова беше четврто финале во Лигата на шампионите и трет пораз. Со денешните погодоци, капитенот на Mакедонија сега има вкупно 65 на Ф4 турнирите, со што е убедливо прв на таа листа. Во победничкиот тим Симонет реализира шест пати и беше прогласен за МВП на Ф4, додека Жерар запиша 11 одбрани на голот. МИА

Вардарци во солзи, Европа ќе добие нов шампион

Ивона Петрова — Sat, 26 May 2018 17:47:33 +0000

Македонскиот ракометен првак Вардар не успеа да го повтори минатогодишниот успех во Лигата на шампионите. Бранителите на европскиот трон загуби од Монпелје во полуфиналето на Ф4 турнирот со 28:27 и со овој резултат дозволија утре француско финале. Таму Македонија ќе има претставник со настапот на Кире Лазаров кој со Нант ќе се обиде да го совлада тимот кој денес го победи Вардар. Повредата на Штербик на стартот од второто полувреме претставуваше клучен проблем за црвено-црните кои не најдоа решение за најефикасниот на натпреварот Порт кој имаше 8 погодоци.