Монсунски дождови – Kurir.mk

Најмалку 12 загинати во обилните монсунски дождови во Индија

Тале Кристо — Mon, 10 Jul 2023 06:41:53 +0000

Најмалку 12 лица загинаа во северна Индија во особено обилните монсунски дождови, откако врнежите предизвикаа уривање на нивните куќи или беа однесени од поплавите, јави индискиот телевизиски канал НДТВ. Во главниот град Њу Делхи за еден ден е забележан повеќе дожд отколку во кое било време во последните 40 години – вкупно 15,3 сантиметри. Индиската метеоролошка служба предвидува нови пороен дожд за наредните денови. Жителите треба да се справат и со поплавените патишта, сообраќајниот метеж и прекините во снабдувањето со електрична енергија.

Најмалку 50 загинати, меѓу кои и деца како последица на монсунските дождови во Пакистан

Ивона Петрова — Fri, 07 Jul 2023 10:01:22 +0000

Најмалку 50 лица, меѓу кои осум деца, загинаа во поплавите и одроните предизвикани од монсунските дождови што го зафатија Пакистан, соопштија властите. На северот на Пакистан осумте деца, кои биле на возраст меѓу 12 и 15 години, загинале во одрон додека играле крикет по монсунските дождови. Инцидентот се случил синоќа во областа Шангла. -Речиси 15 деца поставија терен за крикет во близина на карпата, која ги затрупа по дождот, изјави за британската агенција претставник на окружната единица за итни случаи Санаула Кан, додавајќи дека локалните спасувачки тимови на кои подоцна им се придружи пакистанската армија извлекоа осум тела по неколку часа. Едно дете е тешко повредено, додека другите се неповредени. Спасувачите се уште трагаат по други деца заробени во урнатините. Повеќето од смртните случаи се во источната провинција Пенџаб, најмногу поради струен удар и урнати згради, покажуваат официјалните податоци. Метеоролошкиот оддел предвиде нови обилни врнежи низ целата земја во наредните денови и предупреди на потенцијални поплави во главните речни сливови на Пенџаб. Провинцискиот менаџмент за катастрофи соопшти дека работи на преместување на луѓето кои живеат покрај водните патишта.

Во Непал и Индија 48 загинати во монсунските дождови

Ивана Ефремовски — Sun, 18 Sep 2022 14:43:29 +0000

Во Непал и Индија 48 лица загинаа во монсунските дождови и лизгање на земјиштето, соопштија денеска властите на двете земји. Во западен Непал, 22 лица загинаа во лизгање на земјиштето кое затрупа околу 100 куќи, соопшти локалната полиција, додавајќи дека 11 лица се повредени. Во соседна Индија 26 лица загинаа во монсунските дождови кои паѓаат од петокот. Меѓу жртвите има и девет работници затрупани од уривањето на градежен ѕид во градот Лакнау во индиската држава Утар Прадеш.Сезоната на монсуните, која трае од јуни до септември, е важна за наводнување на посевите и снабдување со вода во тој дел од Азија каде што живее една петтина од светската популација. Меѓутоа, во таа сезона голем број луѓе гинат во поплави и бури. (МИА)

Над 300 загинати во петнеделните монсунски дождови во Пакистан

Ивона Петрова — Sat, 23 Jul 2022 17:07:25 +0000

Како последица на петнеделните монсунски дождови во Пакистан досега загинале 304 лица, соопштија денеска локалните власти. Од средината на јуни поплавите од надојдените реки оштетија многу автопатишта и мостови, а околу 9.000 домови се целосно уништени. Нестабилната и сиромашна југозападна провинција Белучистан е особено тешко погодена од долготрајното невреме, каде 99 лица загинаа во вонредни случаи поврзани со дождот и поплавите, а 70 други се загинати во јужната провинција Синд. Водата однесе 61 живот и во северозападната провинција Хајбер Пахтунхва, која граничи со Авганистан, и 60 во источната провинција Пенџаб. Меѓу жртвите има жени и деца, а повредени се најмалку 284 лица. Секоја година, вообичаено од јули до септември, поголемиот дел од Пакистан се бори со монсунските дождови.

Најмалку 17 загинати во монсунските дождови во Пакистан

Ивана Ефремовски — Wed, 06 Jul 2022 14:52:08 +0000

Тридневните монсунски дождови усмртија најмалку 17 луѓе и оштетија десетици куќи ширум југозападен Пакистан, соопштија денеска властите. Во различни делови на Квета, главниот град на провинцијата Белуџистан, улици и куќи беа поплавени, а дождовите парализираа други области низ Пакистан, нарушувајќи го нормалниот живот. Шери Реман, пакистанската министерка за справување со климатски промени, истакна дека 77 лица загинале во инциденти поврзани со монсуните во нејзината земја од јуни, од кои 39 во Балучистан. Портпаролот на агенцијата за управување со катастрофи во областа, Насир Насар, изјави дека во тој период во неговата провинција биле повредени 50 лица. (МИА)

Монсунски дождови во Индија, најмалку 125 загинати

Тале Кристо — Sat, 24 Jul 2021 08:28:01 +0000

Спасувачките екипи во Индија се обидуваат да стигнат до десетици куќи уништени во поплавите предизвикани од монсунски дождови, кои предизвикаа лизгање на земјиштето и поплави, во кои загинаа 125 лица. Државата Махараштра е најтешко погодена од најновото невреме. Ова се најобилните дождови во јули во последните неколку децении, велат научниците. Тие траеја неколку дена и погодија стотици илјади луѓе, додека постои опасност големите реки да се излеат од нивните корита. Во Талије, на околу 180 километри југоисточно од финансискиот центар Мумбај, бројот на загинати се искачи на 42, а уште четири тела беа најдени откако повеќето куќи во селото исчезнаа при лизгање на земјиштето, изјави висок владин претставник на Махараштра. Тој рече дека се заробени уште околу 40 луѓе. Според него, „шансата да се спасат живи е мала, бидејќи се наоѓаат во калта повеќе од 36 часа “. „Околу 90.000 луѓе се спасени од поплавените подрачја“, се вели во соопштението на владата на Махараштра. Илјадници камиони беа заробени повеќе од 24 часа на автопатот што го поврзува Мумбај со јужниот технолошки центар Бангалор, а на некои места патиштата беа поплавени. Премиерот Наренда Моди рече дека е очаен поради настраданите. „Ситуацијата во Махараштра поради обилните дождови внимателно се следи и укажана им е помош на погодените“, напиша Моди на Твитер.