монтана – Kurir.mk

„Тик-ток“ ја тужи американската сојузна држава Монтана

Тале Кристо — Tue, 23 May 2023 10:14:20 +0000

Апликацијата „Тик-ток“ поднесе тужба против американската сојузна држава Монтана, каде што ќе стапи во сила забрана на платформата. Во новото обвинение се вели дека тој Закон за забрана на „Тик-ток“ и неговата работа во државата е неуставно кршење на правата на слободата на говорот и се заснова на „неосновани шпекулации“ дека кинеската влада има пристап до податоците на корисниците. Оваа тужба следи по тужбата поднесена од пет други креатори на содржини, кои ги даваат истите аргументи, вклучително и дека државата Монтана нема јурисдикција за прашањата за национална безбедност. И двете тужби се поднесени пред Федералниот суд во градот Мисула. „'Тик-ток' не споделува и нема да споделува податоци на американски корисници со кинеската Влада и презема мерки за заштита на приватноста и безбедноста на своите корисници, како што е чување на податоците на корисниците во САД“, се вели во документот. Гувернерот на Монтана, Грег Џанфорте во средата го потпиша Законот. Со тоа, Монтана стана првата американска сојузна држава што ја забрани популарната апликација за кратки видеа по потекло од Кина. Кинеските закони налагаат кинеските компании да споделуваат податоци со Владата од која било причина што се чини дека се поврзани со националната безбедност. „Тик-ток“ тврди дека ова никогаш не им се случило ним. Забраната ќе важи од 1 јануари 2024 година. „Тик-ток“ има над 150 милиони корисници во САД, но сѐ поголем број американски законодавци и владини претставници бараат забрана на апликацијата на национално ниво поради загриженоста за потенцијалното влијание на кинеската Влада врз платформата.

Која е првата американска држава што го забрани Тик Ток?

Ивана Ефремовски — Thu, 18 May 2023 05:47:37 +0000

Гувернерот на американската сојузна држава Монтана, Грег Џанфорте потпиша нацрт-закон за забрана на активностите на кинеската компанија „Тик Ток“ во државата. Со тоа, Монтана официјално стана првата американска држава што ја забрани популарната платформа за споделување кратки видеа. Монтана воведува законска забрана на Гугл и Епл да ја нудат апликацијата Тик Ток во државата. Рестриктивната мерка стапува во сила од 1 јануари следната година. - Го забранив Тик Ток за да ги заштитам личните податоци на жителите на Монтана од Кинеската комунистичка партија, рече гувернерот Џанфорте, кој е републиканец. Платформата Тик Ток, која има повеќе од 150 милиони корисници во САД, се повеќе е предмет на повици од американски конгресмени и државни претставници да ја забранат мобилната апликација на национално ниво во САД, наведувајќи ја загриженоста од можното влијание на кинеската држава преку социјалната мрежа. (МИА)

Митрашиновиќ продолжува во Монтана

Ивона Петрова — Wed, 10 Aug 2022 09:11:08 +0000

Анџелика Митрашиновиќ во наредната сезона ќе настапува за најдобрито клуб во Бугарија – Монтана. Нашата најдобра кошаркарка за 2021 година, и капитен на сениорската репрезентација играњето во Франција ќе го замени со еден од најдобрите тимови на Балканот. Искусната кошаркарка ќе се обиде да му донесе уште поголем резултат на клубот од Стара Загора кој е редовен учесник на завршните турнири од женското издание на Јадранската лига. Потписот со Монтана ќе биде само продолжение на интернационалната кариера на Митрашиновиќ, која во годините наназад настапуваше за Челик и Бановиќи (БиХ), Будуќност-Подгорица (Црна Гора), а во Бугарија, 177 сантиметри високата кошаркарка доаѓа како играч на францускиот Тарбес. Претходно, Митрашиновиќ беше дел и од најдобрите екипите во Македонија, Бадел 1862, Баскет Кам 2011 и вардар, како и Изградба Комерц (екс Младинец) од Скопје.

СТРАОТНА СООБРАЌАЈКА ВО САД: Загинаа шест лица, причина била песочна бура (ВИДЕО)

Магдалена Андонова — Sat, 16 Jul 2022 18:18:03 +0000

Шест лица загинале во тешка сообраќајна несреќа во американската сојузна држава Монтана, пренесува АП. Се судриле 21 возило, а од полицијата велат дека причина е песочна бура. - Дуваше силен ветер и предизвика песочна бура, а видливоста беше никаква, изјави полицискиот наредник Џеј Нелсон. Иако патролата на автопатот не ги изброила веднаш повредените, Нелсон рече дека морале да повикаат дополнителна брза помош од градот Билингс.

A dust storm led to a massive pileup on a Montana interstate. https://t.co/BKUKBYLeJl pic.twitter.com/Fl00rGS9sf
— USA TODAY (@USATODAY) July 16, 2022

Најмалку три лица загинаа во железничка несреќа во Монтана

Ивана Ефремовски — Sun, 26 Sep 2021 07:35:51 +0000

Најмалку три лица загинаа, а неколку патници се повредени кога патнички воз на американската железничка компанија „Амтрак“ вчера излета од шините во северната централна држава Монтана, соопшти денеска претставник на локалниот шериф. Службеникот изјави дека има повеќе повредени, но оти конечниот број сè уште не е познат. Причината за несреќата сè уште не е позната. Во возот кој сообраќал до Сиетл имало околу 146 патници и 16 членови на персонал, соопшти компанијата „Амтрак“. (МИА)

ВИДЕО: Вонредна состојба во Монтана поради снежните наноси

Ивона Петрова — Mon, 30 Sep 2019 10:59:41 +0000

Во американската држава Монтана е прогласена вонредна состојба откако голем дел од патиштата останаа блокирани поради снег со висина од 121 сантиметар. Околу 48 сантиметри снег падна во северозападниот дел на државата Вашингтон, а снег паѓа во делови на Калифорнија, Невада, Вајоминг, Орегон и Ајдахо. Во некои делови од земјата се очекува денеска да наврнат уште 2,5 до 5 сантиметри снег, додека во Монтана, на планините во северен Вашингтон и Ајдахо во сила се предупредувања за зимски бури. Температурите во западна Монтана и северен Ајдахо синоќа паднаа на минус 6,6 степени. Гувернерот на Монтана Стив Булок вели дека зимското невреме во септември е вистинско изненадување, но дека државата и локалните власти тесно соработуваат со цел заштита на здравјето и безбедноста на граѓаните. Метеоролозите посочуваат дека снежна бура не е забележана толку рано уште од 1930 година.

Everything is so heavy with snow and those drifts are impressive! Fairfield, MT#mtwx pic.twitter.com/ZS5Gb4lIst
— Cassie (@cassieglows) September 29, 2019

Поплави во Тексас и во Монтана, спасени 140 деца

Дарко Андоновски — Fri, 22 Jun 2018 10:02:40 +0000

Спасувачки екипи со хеликоптери во Тексас и во Монтана спасија стотици луѓе, меѓу кои 140 деца, кои поради поплави два дена беа заробени во еден планински камп. Во Монтана само што завршија пролетните поплави, пред три дена беше погодена од бура. Метеоролозите предвидуваат дека во следните денови централните и југоисточните делови на САД ќе бидат во опасност од снежни бури.