монте карло – Kurir.mk

Андреј Рубљов го освои Мастерсот во Монте Карло

Бошко Тасиќ — Sun, 16 Apr 2023 15:49:03 +0000

Рускиот тенисер Андреј Рубљов го освои трофејот во Монте Карло, откако беше подобар со 2-1 во сетови, односно 5-7, 6-2 и 7-5 од Холгер Руне. Норвежанецот направи брејк во шестиот гем за водство од 4-2, по што Рубљов во следниот гем врати со иста мера и потоа израмни на 4-4. Сепак, Руне беше подобар во 12. гем кога ја искористи првата брејк топка и го доби сетот со 7-5. Рубљов играше поагресивно во вториот сет и со дури три брејка стигна до 6-2 со што израмни на 1-1 во сетови, по што победникот мораше да се решава во трет сет. Руне имаше подобар почеток и со брејк стигна до водство од 3-0, но како минуваше времето, така Русинот се будеше и најпрво израмни на 4-4, по што со уште еден брејк направи пресврт за триумф од 7-5.

Руне против Рубљов во финалето на Мастерсот во Монте Карло

Бошко Тасиќ — Sun, 16 Apr 2023 06:41:50 +0000

Данскиот тенисер Холгер Руне е вториот финалист на АТП мастерс 1000 турнирот во Монте Карло, откако во крајно интересен натпревар славеше над Италијанецот, Јаник Синер со 2-1 по сетови 1-6, 7-5 и 7-5. Италијанецот фуриозно го отвори натпреварот и брзо го освои првиот сет со 6-1. Сепак, Данецот заигра многу подобро во вториот сет кој го освои со 7-5 и израмни на 1-1. По голема борба во одлучувачкиот трет сет со истиот резултат успеа да стигне до конечен триумф и пласман во своето прво финале во Кнежевството. Таму за противник ќе го има Андреј Рубљов кој во првото полуфинале беше подобар од Тејлор Фриц од САД.

Циципас: Монте Карло е уникатно место и мило ми е што повторно играме на овие терени

Тале Кристо — Wed, 12 Apr 2023 08:15:19 +0000

Грчкиот тенисер Стефанос Циципас го коментираше првиот меч сезонава на земјена подлога. Во второто коло на турнирот во Монте Карло, Циципас забележа победа, откако неговиот ривал Бенџамин Бонзи се повлече поради повреда при водство на Гркот со 4:1. - Почнав одлично. Водењето 3:0 е секогаш добро. Генерално, мило ми е што се вратив на тлото на Монте Карло. Тоа е уникатно место на турнејата и мило ми е што повторно играме на овие терени. Враќа многу пријатни спомени. Жално е што ова му се случи на мојот противник. Му посакувам се најдобро, изјави Циципас за „АТП“. Во следниот натпревар Гркот ќе игра со победникот од мечот Николас Хари (Чиле) - Алексеј Попирин (Австралија). Гркот е актуелен шампион на Мастерсот во Монте Карло.

Надал: Не можам да потврдам дека ќе играм во Монте Карло

Тале Кристо — Tue, 28 Mar 2023 06:19:40 +0000

Дваесет и двократниот грен слем шампион Рафаел Надал изјави дека не знае кога ќе се врати на теренот по повредата на колкот. Претходно беше објавено дека ќе игра во Монте Карло. - Не знам кој добил таква информација, но доколку е вистина, би потврдил. За жал, не можам да го направам ова. Продолжувам да се движам по мојот пат и не знам кога ќе играм повторно. Ова е вистина. Сега сум во фаза на зголемување на интензитетот на вежби. Да го знаев датумот на враќање, ќе го именував. Не можам да потврдам дека ќе играм во Монте Карло. Секојдневно ја проценуваме мојата состојба. И повеќе сакам да кажам нешто кога ќе бидам сигурен, изјави Надал за „Марка“. Шпанскиот тенисер нема играно од 18 јануари, кога поради повреда загуби од Американецот Мекензи Мекдоналд во второто коло на Австралија опен (4:6, 4:6, 5:7). Мастерсот во Монте Карло ќе се одржи од 9 до 16 април. Фото: ЕПА

Циципас ја одбрани титулата во Монте Карло

Бошко Тасиќ — Sun, 17 Apr 2022 14:56:16 +0000

Откако го елиминираше Новак Ѓоковиќ, Алехандро Давидович Фокина доби огромна самодоверба и стигна до последниот меч во Монте Карло, но денеска таму имаше прерасположен ривал во Стефанос Циципас. Гркот го диктираше темпото од самиот старт и го доби првиот сет со 6:3, додека во вториот имаше далеку поголема борба и истиот беше решен во тајбрејкот. Во истиот, Стефанос славеше со 7:3 и ја завери победата во финалето, со што стигна до одбрана на титулата која ја освои минатата година. На тој начин, Циципас стана само шестиот тенисер во историјата кој ја одбранил титулата на Мастерсот во Монте Карло, по легендарните Настасе, Борг, Мустер, Фереро и Надал.

Ѓоковиќ елиминиран во второто коло на турнирот во Монте Карло

Магдалена Андонова — Tue, 12 Apr 2022 17:31:36 +0000

Српскиот тенисер и прв светски рекет Новак Ѓоковиќ е поразен од Шпанецот Алехандро Давидович-Фокина (46. на АТП листата) во мечот од второто коло на турнирот од серијата Мастерс во Монте Карло (Монако). Средбата траеше 2 часа и 56 минути и заврши со резултат 3:6, 7:6 (7:5) и 1:6. Шпанскиот тенисер го одигра својот 14.натпревар со противници од топ-10 и ја забележа втората победа. Првата беше исто така во Монте Карло, минатата година против Матео Беретини. Давидович-Фокина во осминафиналето на турнирот ќе се сретне со победникот од мечот меѓу Дејвид Гофин од Белгија и Даниел Еванс од Велика Британија. Наградниот фонд на Мастерс турнирот во Монте Карло изнесува 5,4 милиони евра. (МИА)

Рубљов и Циципас во финалето на АТП турнирот во Монте Карло

Бошко Тасиќ — Sun, 18 Apr 2021 08:18:12 +0000

Андреј Рубљов и Стефанос Циципас ќе се сретнат во финалето на АТП Мастерсот во Монте Карло.

Русинот и Гркот ги потврдија улогите на фаворити во полуфиналните мечеви и во меѓусебна пресметка ќе одлучат кој е шампион на овој турнир за оваа година.
Рубљов беше подобар од Каспер Руд со 2-0 во сетови (6-3, 7-5 ). Ова за Андреј е прво финале на Мастерсите од серијата 1000 и истото со нетрпение го очекува. Претходно Циципас беше убедливи против Даниел Еванс со 6-2, 6-1.

Лепа Брена има стан на улицата спроти светската поп-sвезда: Како фолк sвездата и Мадона станаа сосетки

Магдалена Андонова — Mon, 29 Mar 2021 14:51:22 +0000

Пејачката Лепа Брена, која со години поседува стан во Монте Карло, има сосед кој е светски познат, ни помалку ни повеќе од „кралицата на попот“ Мадона. Имено, нивните луксузни својства се толку блиски, што нивните тераси „се гледаат едни со други“. Српската фолкерка и американската sвезда немаат стан во иста зграда, но нивните тераси се спроти едни на други, па гледаат едни на други низ прозорецот. - Брена и Боба Живојиновиќ со години поседуваат имот во Монте Карло, каде се наоѓаат во моментов. Кога избувна пандемијата, тие скоро се преселија таму затоа што нивните денови беа поубави и поисполнувачки. Тие познаваат многу луѓе и се чувствуваат како вистински домаќини. Многу познати имиња од светот на бизнисот купиле недвижен имот во Монте Карло, а Мадона е меѓу последните. Купи стан до зградата каде што е Брена. Нивните станови се дури со иста големина и имаат ист распоред - открива извор близок до Брена. Додека не купи стан во Монте Карло, Мадона редовно одеше таму на одмор, па дури и во интервјуата велеше дека тоа е нејзиното омилено место за одмор и забава. Пред шест години, Лепа Брена имаше можност да ја запознае во градот, каде што на почетокот не ја препозна. - Ја сретнав Мадона во Монте Карло во лифт и видов мала жена која ми личеше на неа. Беше со обезбедување, имаше очила, жената трчаше џогирање. Велам „погледни ја оваа жена, таа е истата Мадона“ и на крајот сфатив дека е таа - рече Брена еднаш.

Сопругот на Брена денеска слави роденден- кога ќе видите колку пари е јахтата на која се разбуди пејачката утрово ќе подзинете (ФОТО)

Дарко Андоновски — Thu, 23 Jul 2020 13:46:25 +0000

Поранешниот југословенски тенисер денеска го слави својот 57 роденден. Сопругот на пејачката Лепа Брена денеска во кругот на семејството го прославува својот роденден и тоа не било каде, туку во Монако каде неодамна отпатуваа. Пејачката веднаш утрово сподели како го поминуваат роденденот со својот сакан, па откри детали од јахтата на која се разбудиле двајцата ова утро.

View this post on Instagram

Happy birthday my love ?❤️?

A post shared by Lepa Brena (@lepabrenaa) on Jul 23, 2020 at 2:27am PDT

Инаку според српските медиуми истата чини околу 890 илјади евра, а во неа освен Брена и Боба им се придружиле и синовите Виктор со девојката Сандра Милјаковиќ како и Филип и пејачката Александра Пријовиќ.

Александра Пријовиќ како модна блогерка од Монте Карло: Еве како се забавува (ВИДЕО)

Магдалена Андонова — Thu, 23 Jul 2020 07:49:38 +0000

Александра Пријовиќ ги полни батериите во Монте Карло, од каде што ги поздрави своите следбеници со фотографија и видеоклипче кои посебно им се допаднаа на обожавателите на снаата на Лепа Брена. Имено, пејачката позира во комбинација која е апсолутен хит оваа сезона – модерно здолниште и бела маица, заврзана во јазол – а омилена им е и на трендсетерките, па токму затоа многумина ги потсети на познатите инфлуенсерки, кои во слични комбинации позираат за својот инста-ѕид.

View this post on Instagram

??

A post shared by Aleksandra Prijovic (@aleksandra__official) on Jul 21, 2020 at 3:28am PDT