Монти Вилијамс – Kurir.mk

НБА: Вилијамс нов тренер на Детроит

Дарко Андоновски — Thu, 01 Jun 2023 16:49:56 +0000

Американскиот кошаркарски тренер Монти Вилијамс ќе седне на клупата на НБА лигашот Детроит, откако неодамна доби отказ во Феникс по елиминацијата во разигрувањето за шампионската титула, објавија денеска локалните медиуми. Вилијамс, според истите извори, се согласил на договор вреден 78.5 милиони долари, што воедно е рекорден износ во историјата на НБА лигата. Изминатите четири сезони, 51-годишниот Вилијамс седеше на клупата на Феникс и го предводеше тимот од Аризона во големото финале во 2021 година во кое загуби од Милвоки. Сменет од должноста во Феникс беше на 13 мај оваа година по елиминацијата од Денвер (2-4) во полуфиналето на Западната конференција во НБА лигата. Вилијамс лани беше прогласен за најдобар тренер во најсилната кошаркарска лига во светот.

Феникс го отпушти тренерот Вилијамс

Бошко Тасиќ — Sun, 14 May 2023 09:23:05 +0000

Според инсајдерот на „ESPN“, Адријан Војнаровски, „итна одлука“ донел новиот сопственик Мат Ишбија веднаш по поразот од Денвер во натпреварот 6 од 2. коло од плеј-офот. Ишбија, наводно, ја презел целосната контрола врз кошаркарските операции на организацијата, вклучително и преговорите за февруарскиот трејд на Кевин Дурант и сега отпуштањето на Вилијамс. Сè уште нема јасен кандидат за замена. Вилијамс имаше уште три години од договорот. Се очекува тој да стане баран на пазарот. За неговите услуги е заинтересиран Торонто. Во 2021 година, под водство на Вилијамс, Санс стигнаа до финалето на НБА, губејќи од Милвоки во шест средби. Во 309 натпревари од регуларната сезона, Вилијамс победи на 194 од нив – 63%. Резултатот на Феникс во четири сезони пред доаѓањето на тренерот е 87-241. „ Сонцата“ минатата година заврши на првото место на Западот (64-18), а Вилијамс ја доби наградата за најдобар тренер на годината во НБА-лигата.

Монти Вилијамс и Феникс ја продолжија соработката

Бошко Тасиќ — Sun, 24 Jul 2022 07:39:47 +0000

НБА тимот на Феникс објави дека е потпишан нов договор со тренерот на оваа екипа, Монти Вилијамс, кој и во наредните пет сезони ќе седи на клупата на „сонцата“. Вилијамс имаше уште две години од актуелниот договор, но одличните резултати што овој стратег к ги имаше во изминатиот период беа причина клубот да му понуди значително зголемување на платата за уште подолго да го задржи на кормилото. Вилијамс е актуелен добитник на признанието за „тренер на годината“, награда што овој стратег ја доби во претходните две сезони од најсилната кошаркарска лига во светот. Тој го предводеше Феникс до големото финале во 2021 година, додека сезонава стигна до мајсторка во плејоф серијата со Далас, дуел што „сонцата“ неочекувано го загубија на домашен терен.

Монти Вилијамс прогласен за тренер на годината во НБА

Тале Кристо — Tue, 10 May 2022 09:04:19 +0000

Тренерот на Феникс Санс, Монти Вилијамс, е прогласен за најдобар тренер на сезоната 2021/2022 година во НБА-лигата. Тој ги предводеше Санс до првото место во Западната конференција во регуларниот дел од сезоната, со рекордни 64 победи и 18 порази. Во гласањето Вилијамс е убедливо прв со 458 поени. На второто место се наоѓа Тејлор Џенкинс од Мемфис со 270, а трет е Ерик Сполстра од Мајами кој доби 72 поени. Вилијамс ги водеше Санс од почетокот на сезоната 2019/2020. Тие останаа непоразени во балонот од Орландо пред да стигнат до финалето на НБА минатата сезона.

Вилијамс ќе го води тимот на Леброн на НБА Ол-стар мечот

Бошко Тасиќ — Mon, 31 Jan 2022 20:30:20 +0000

Тренерот на Феникс Санс, Монти Вилијамс ќе биде предводникт на Тимот Леброн на Ол-стар натпреварот кој годинава ќе се одржи во Кливленд. „Сонцата“ имаат најдобар учинок на Западот во оваа сезона, а по триумфот над Сан Антонио Санс стана јасно дека никој не може да ги помине до 6 февруари во оваа конференција, па поради тоа Вилијамс ќе биде на клупата на Тимот Леброн во кој освен Џејмс во стартната петорка се уште Никола Јокиќ, Џа Морант, Стеф Кари и Ендрју Вигинс.

Монти Вилијамс е избран за тренер на годината во НБА Монти

Бошко Тасиќ — Tue, 18 May 2021 18:45:21 +0000

Тренерот на НБА тимот Феникс Санс, Монти Вилијамс е избран за тренер на годината, открива ЕСПН. 49-годишниот Вилијамс доби највеќе гласови од своите колеги тренери (во гласањето учествуваат сите 30 тренери во НБА) и е добитник на престижната награда која го носи името по Мајкл Голдберг, долгогодишниот директор на тренерската асоцијација (НБЦА).