море – Kurir.mk

Забрането пливање на познатата хрватска плажа

Ивона Петрова — Sun, 27 Aug 2023 08:12:04 +0000

Поради загадувањето не се препорачува капење на плажата Марек во центарот на Задар до понатамошно известување. Препораката е издадена врз основа на извештај од Задарскиот институт за јавно здравје поради краткотрајно загадување на морето. -Градскиот институт ќе го следи квалитетот на морето и ќе ја информира јавноста за прекин на загадувањето на морето, стои во соопштението. Неофицијално се дознава дека загадувањето настанало поради излевање на фекалии од канализацијата.

Урнебесно видео: Голфот и морето – „Молете се да стигнеме“

Ивона Петрова — Mon, 14 Aug 2023 19:27:37 +0000

Турист од Србија ги насмеа патниците и корисниците на социјалните мрежи откако залепил натписот „Молете се да стигнеме до морето“ на стар голф. Заминал во Црна Гора со семејството, очигледно добро подготвен за плажа - гуми за пливање, детски гумени базени и останати реквизити. Како што пренесуваат дел од медиумите, успеале да стигнат до морето со голф, но таму автомобилот се расипал, па набрзо им помогнала влечна служба. Видеото брзо стана хит на социјалните мрежи.

View this post on Instagram

A post shared by SjeboMeKarburator (@sjebomekarburator)

Драма на Халкидики: Автомобил заврши во море на плажата во Неа Мудања (ВИДЕО)

Ристе Здравков — Thu, 10 Aug 2023 11:22:08 +0000

На плажата во популарното одморалиште Неа Мудања на Халкидики утрово се одвивала вистинска драма. Во морето бил најден потопен автомобил. Настанот се случил во вторникот на 8 август, по што интервенирала локалната шлеп служба. Според првичните сознанија, најверојатната причина поради која автомобилот завршил во морето, се претпоставува дека е откочување на рачната сопирачка. Во инцидентот нема повредени, бидејќи во возилото немало никој.

Туристите нервозни: На плажа во Хрватска им наплаќаат пари за капење во море

Ивана Ефремовски — Mon, 07 Aug 2023 09:48:25 +0000

Во делови од хрватскиот Јадран годинава наплаќаат и користење на плажа, односно капење во море, па така, на пример, „дневниот престој“ во кампот „Млашка“ на островот Хвар чини две евра, пишува денеска сплитска „Слободна Далмација“. -Ако сме корисници на кампот – во ред, нешто што е под концесија треба да се наплати, но колку што можам да видам на достапните веб-страници, тој камп воопшто нема концесија на плажа, а камоли за концесија која вклучува наплата за користење на морето, рекла една жена за сплитскиот весник. „Ми рекоа дека треба да платам три дневни билети за капење на плажа, за тројца возрасни“, додала таа. Појаснила дека не се работи за лежалка, чадор или паркинг, туку цена од две евра по човек за капење и користење на плажата. Жената обелоденила дека ова непријатно искуство го доживеала на источната страна на островот, а на сметката што ја добила, услугата е наведена како „дневен престој“, без дополнително објаснување.

Наједноставната морска активност која топи калории и гради мускули, а не е пливањето

Ристе Здравков — Wed, 20 Jul 2022 08:40:10 +0000

Престојот на море е идеална можност за воведување одредени промени во секојдневните активности. Меѓу другото, ако сакате да пешачите, сега е идеално време да ја замените вообичаената рутина со прошетки во море, кои дополнително ќе ја подобрат вашата кондиција. Оваа вежба со низок интензитет е идеална за оние денови кога можеби сте премногу уморни за да пливате, но би сакале да ги искористите предностите на морето и сè што има да понуди. Можете исто така да шетате во базен. Која опција и да ја изберете, ќе си обезбедите одличен кардио тренинг кој ќе ви помогне да согорите калории и во исто време благотворно ќе влијае на многу мускулни групи. Придобивките од одење во вода Водата е многу погуста од воздухот, така што вежбите во морето бараат повеќе напор отколку истите вежби на копно. Отпорот на одење во вода ви овозможува да ги предизвикате и зајакнете вашите мускули на начини на кои можеби нема да можете со копнена рутина. Исто така, шетањето во море помага да согорите повеќе калории, што може да ви помогне да изгубите тежина. Со оглед на тоа што се работи за вежбање со низок интензитет, одењето во вода е понежно за вашите коски и зглобови, па затоа е безбедна опција за луѓе со состојби како артритис или остеопороза. Поради тоа што не врши притисок врз телото, шетањето во море може да биде добра вежба за трудниците, закрепнуваните од повреди, постарите лица и за сите оние на кои физичката активност им е нешто ново во животот. Студија од 2015 година, исто така, покажа дека одењето во вода може да го зголеми отчукувањата на срцето повеќе отколку одење на копно, што може да биде добро за срцето и белите дробови. Друга студија покажа дека одењето во вода може да помогне во намалување на крвниот притисок, особено кај луѓето кои се нови за вежбање. На почетокот шетајте во вода која е приближно на нивото на вашата половина. Фокусирајте се на правилната форма, односно проверете дали грбот е исправен, рамената се назад, брадата е нагоре и гледате право напред. Додека одите, обидете се да го држите торзото исправено, без да се потпирате премногу на двете страни. Кога ќе се навикнете да одите во овие услови, можете да се движите на поголема длабочина и постепено да ја зголемувате брзината. Секако, сигурни сме дека различните стилови на пливање ќе бидат избор на повеќето луѓе, но пред да заминете од морето, секогаш можете да направите кратка прошетка и да направите дополнително добро дело за вашето тело и здравје. Прошетката може да биде и опција заедно со оние пријатни разговори што сите сакаме да ги водиме на плитко.

ОФКАТХ се огласи со нови информации за Мартин: Борбата продолжува

Ивона Петрова — Thu, 14 Jul 2022 10:01:40 +0000

Објавувајќи фотографија на Мартин на својата Фејсбук страна, од волонтерската спасувачка екипа ОФКАТХ велат дека и денеска се трага по исчезнатиот Македонец, последен од тројцата кои беа повлечени од струите на морето. -Ова е Мартин кој го бараме шест дена. Потрагата продолжува и денеска со чамци. Утре доаѓа неговиот брат од САД и ќе биде со мајката. Подготвуваме голема потрага за утре по пловен, воздушен и копнен пат, како и со дронови. Борбата продолжува, објавија од ОФКАТХ. Спасувачката акција и потрагата започнаа во саботата во попладневните часови, кога тројцата државјани на Македонија влегле во морето на плажата Мити во Посиди на првиот крак на Халкидики, а поради лошото време се нашле во беспомошна ситуација и се оддалечиле од брегот. Дел од присутните на плажата забележале дека капачите ги снемало и веднаш ја информирале крајбрежната служба, по што започна и акцијата. Еден од тројцата пријатели, 25-годишниот Васил беше спасен во саботата по поминати околу два часа во вода, додека пак во неделата, по околу 20 часа во морето беше пронајден и 30-годишниот Иван. Се трага по Мартин…

Паника на ова туристичко место каде одат и Македонци – најбрзата ајкула на светот забележана токму таму!

Дарко Андоновски — Wed, 13 Jul 2022 13:54:17 +0000

Во шпанските одморалишта владее паника, бидејќи во близина на плажите била забележана најбрзата ајкула на светот која може да се движи со брзина од 70 километри на час, пренесуваат медиумите во светот. Станува збор за мако ајкула која нуркачите ја забележале на околу 15 километри од брегот на Барселона, што е прво појавување во оваа област во последните 10 години. Според нуркачите, оваа ајкула може да биде долга и до пет метри. Во моментов, според написите е долга два и пол метри. Ајкулата сосема случајно ја забележале нуркачите во близина на селото Гараф за време на експедиција на здружението „Китови“. Инаку, ова здружение ги надгледува китовите, делфините и морињата поради длабочината на водите на овој простор. „Видовме како се движи голема црна сенка. Бевме малку збунети. Но наеднаш видовме дека нешто излегува од морето. Набрзо забележавме грбна перка”, изјавил фотографот за шпанскиот весник „El Pais“.

Неколку дена на море можат да направат чудо за вашето здравје

Ивана Ефремовски — Wed, 29 Jun 2022 08:55:47 +0000

Лековитоста на морето е одамна потврдена, но не само поради пливањето, туку и поради шетањето на песок, воздухот и сонцето. Британското здружение за дерматолози истакнува дека многу делотворно е и седењето покрај морето и гледањето на брановите. Воздухот и мирисот ослободуваат диметил-сулфид кој директно делува позитивно на дишните патишта. Тоа има одличен ефект кој се изразува преку добар сон и слободно движење на крвотокот. Негативните јони се борат и против слободните радикали, воспоставувајќи рамнотежа на хормонот на среќа и задоволството. Минувањето време покрај море го ублажува и дерматитисот, односно морската сол и калиум хлоридот го успоруваат зараснувањето на кожата, повлекувањето на егземите, а се препорачува и како лек за синуси, алергија и настинки. Благодарение на сонцето, организмот добива и неопходна количина витамин Д кој делува на коските, мускулите и имунитетот.

Закана за двата најголеми града во Нов Зеланд: Нивото на морето се зголемува двојно побрзо од очекуваното

Ивона Петрова — Mon, 02 May 2022 09:23:26 +0000

Нивото на морето во близина на Нов Зеланд во некои делови се зголемува двојно побрзо од очекуваното, што им се заканува на двата најголеми града во државата. Тоа се нагласува во студија чиии резултати се објавени денеска. Податоците собрани долж брегот на земјата покажаа дека некои области веќе тонат три до четири милиметри годишно. Проекциите се резултат на обемната петгодишна истражувачка програма наречена „NZ SeaRise“. Програмата е финансирана од владата и имплементирана од десетици новозеландски и меѓународни научници. Според експертите, властите имаат помалку време од оч екуваното да планираат како да се прилагодат на последиците од климатските промени, особено на преселувањето на жителите кои живеат покрај брегот.

ТРАГЕДИЈА ЈА ТРЕСЕ ГРЦИЈА: Од морето извлечено тело на 3-годишно дете

Магдалена Андонова — Mon, 10 Jan 2022 13:00:19 +0000

Тело на детето е извлечено од Егејското Море, две недели по несреќите што се случија во тој реон, а во кои учествуваа бродови со мигранти. Телото е пронајдено во близина на островот Наксос. Властите доцна синоќа процениле дека жртвата имала три години, пренесе „АП“. Телото ќе биде пренесено во Пиреја за вештачење.