морган фримен – Kurir.mk

Пријателите на Морган Фримен предупредуваат дека тој е во критична состојба, ослабел 25 килограми

Ивона Петрова — Mon, 21 Aug 2023 20:46:49 +0000

Пријателите на познатиот актер Морган Фримен се загрижени за неговото здравје. Имено, како што пренесува Дејли Стар, извори блиски до актерот наведуваат дека тој е во критична состојба и дека изгубил 25 килограми. -Морган сè уште е еден од највредните луѓе во Холивуд, но кутриот има неверојатни болки. Боли да одиш, да стануваш од стол, па дури и само да ја движиш раката. Поголемиот дел од времето страда во тишина, но најчесто е во агонија, вели еден од изворите. Покрај тоа, овој 86-годишен актер неодамна мораше да го одложи службеното патување во Европа поради инфекција. Но, неговиот претставник тврди дека изјавите на пријателот се лажни и дека актерот е добро. Потсетуваме, Морган во 2008 година преживеа тешка сообраќајна несреќа во која му остана парализирана левата рака. Затоа тој носи компресивна ракавица за да се осигура дека крвта сè уште тече во неговата дланка. Освен тоа, му била дијагностицирана хронична фибромијалгија, која вклучува болки во мускулите и коските, придружени со замор и проблеми со меморијата.

Без коса, видно остарен и со моден додаток: Сите промени на Морган Фримен во сенка на ОВОЈ ДЕТАЉ – зад него се крие тажна приказна

Ивана Ефремовски — Mon, 13 Mar 2023 16:17:15 +0000

Актерот Морган Фримен (85) ги изненади своите обожаватели откако се појави потполно ќелав на доделувањето на Оскарите, заедно со неговата пријателка, актерката Маргот Роби (32). Покрај ќелавата глава, за гледачите нови беа и неговите сиви мустаќи и сребрените обетки. Сепак, сите забележаа дека на левата рака носеше црна сатенска ракавица. Ракавицата ја носеше и на отворањето на Светското фудбалско првенство во Катар на 20 ноември, кога одржа говор. Но, ова не беше само дел од неговиот аутфит, туку постои посебна причина заради која тој мора да носи ваков моден додаток. Ракавицата е задолжителен дел од неговиот аутфит во последните 15 години. Тој во 2008-ма година имал сообраќајна несреќа и се здобил со тешки повреди заради што постојано мора да носи компресивна ракавица, којашто му овозможува нормална циркулација на крвта во левата рака.

ФОТО: Светот гледаше во раката на Морган Фримен на отворањето на Мундијалот, еве зошто актерот носеше ракавица

Ивона Петрова — Mon, 21 Nov 2022 07:07:20 +0000

Морган Фримен вчера учествуваше на церемонијата на отворањето на Светското првенство во Катар, а сите оние кои го следеа овој настан ја забележаа неговата ракавица на едната рака. Многумина се интересираа за причината за ова, а медиумите потсетија дека славниот актер во 2008 година доживеа сообраќајна несреќа, по што левата рака му остана парализирана. Оваа рака повеќе не е функционална, што значи дека е изложена на ризик од трајно отекување. За да се спречи оток, Фримен носи специјална ракавица за компресија. - Знаете ли дека вообичаено мрдаме со тупаници по милион пати на ден, ја коментираше еднаш актерот својата здравствена состојба кога новинарите го прашаа за тоа. Бидејќи сега тоа не е можно, неопходно е ракавицата да врши притисок за да се одржува протокот на крв и лимфниот проток во добра состојба. Ракавицата е дизајнирана во боја слична на неговата кожа, но сепак се забележува и тој тоа не го крие. Учеството на Фримен на свеченото отворање во Катар беше проследено со разни коментари.

ФОТО: Пред 25 години го освои светот со филмот „Бегство од Шошенк“, еве како изгледа денес познатиот актер

Ивона Петрова — Mon, 12 Aug 2019 08:32:30 +0000

Лубителите на филмот сигурно се сеќаваат на остварувањето од 1994 година „Бегство од Шошенк“, филм кој минатата година беше прогласен за најдобар во изминатите 30 години, со главни улоги Морган Фримен и Тим Робинс. Филмот говори за приказната на Енди Дуфрен (Тим Робинс), банкар кој поминал 19 години во затвор за убиство на својата жена и нејзиниот љубовник и покрај тоа што се изјасни за невин. За време на престојот во затвор, се спријателува со Елисон Бојд Рединг (Морган Фримен), а е под заштита и на затворските чувари бидејќи управителот на Шошенк го користи за перење пари. Робинс денес има 60 години и натаму е активен актер, а како изгледа погледнете во продолжение.