морков – Kurir.mk

Сок за секое утро: Една чаша дневно ви носи низа здравствени придобивки

Ивана Ефремовски — Sun, 09 Apr 2023 18:25:09 +0000

Во морето од модерни намирници и диетални суплементи забораваме на основната храна која треба да ја имаме дома. Морковот е дел од неа. Дознајте кои се придобивките од него: 1. Го зајакнува имунолошкиот систем Покрај здравата исхрана, спиењето и спортот, можете да пиете и чаша сок од морков, во која има многу витамин Ц, кој како што веќе знаете самото тело не е во состојба да го произведе. 2. Го подобрува видот Речиси сите знаат дека ова е вистина: витаминот А не само што е моќен антиоксидант, туку и е важен извор на хана за очите. Недостатокот на витамин А предизвикува ноќно слепило. 3. Помага да не јадете нездрава храна Кога нешто ви се јаде, најчесто посегнувате по бонбони или чипс. Но, ако наместо тоа пиете сок од морков, ќе се чувствувате сити подолго време. Во една чаша сок има повеќе од 2 г протеини, така што ова е одлична ужина. 4. Ја подобрува состојбата на кожата Благодарение на витамините А и Ц, кожата бргу зараснува, произведува повеќе колаген, а клетките стануваат здрави. 5. Помага при контролата на притисокот Ако боледувате од хипертензија, сокот од морков дефинитивно ќе ви помогне. Калиумот помага во отстранувањето на негативните ефекти на солта и го држи притисокот под контрола. Калиумот исто така е добар и за срцето. 6. Помага при стомачни проблеми Сокот од морков ќе ви помогне при надуеност. Ја намалува количината на гасови и помага во нормалното варење. 7. Го намалува холестеролот Покрај притисокот, сокот од морков помага и при одржување на холестеролот што има благотворно дејство на здравјето на целото тело.

Ви треба само ЕДНА состојка: Со оваа маска вашата коса ќе изгледа совршено

Ивана Ефремовски — Sun, 02 Apr 2023 20:43:35 +0000

Оваа маска ќе ја направи вашата коса нежна, сјајна, но пред се - здрава! Тоа што е интересно е дека ви треба само една состојка. Станува збор за морков. Морковот добро ќе влијае на растот на вашата коса, ќе ја направи побујна и ќе ја опорави. Сè што треба да направите е да го иситните морковот и да го нанесете на темето пред да ја измиете косата. Потоа оставете го да стои 15 минути, а потоа исплакнете. Оваа постапка правете ја еднаш неделно, а подоцна може да ја правите еднаш месечно. Тоа ќе ви помогне да го вратите изгледот на косата и ќе бидете задоволни од добиените резултати. Морковот е богат со витамини, особено витамин А.

Посен колач со морков: Вкусен и миризлив!

Ристе Здравков — Mon, 27 Mar 2023 07:53:50 +0000

Состојки: 320 грама брашно 1 лажичка сода бикарбона 1 лажичка прашок за пециво 1 лажичка цимет 100 гр шеќер 100 мл масло 100 гр сушена брусница 50 мл амарето (ликер од бадем) 1 лажица рендана кора од портокал 350 ml сок од портокал (2 големи портокали) 180 гр моркови (2 со средна големина) 220 гр јаболка (2 помали) Подготовка: Брусниците потопете ги во свеж сок од портокал за да омекнат. Додадете амарето и промешајте неколку пати. Оставете барем 15 минути и за тоа време исчистете ги и крупно изрендајте ги јаболката и морковот. Сето тоа правете го во поголем сад во кој ќе ја подготвите смесата за колачот. Потоа додадете шеќер, масло и цимет и убаво измешајте со ренданите јаболка и морковите. Потоа ставете ја омекнатата брусница заедно со сокот и амаретото. Повторно измешајте сè добро. Измешајте брашно со сода бикарбона и прашок за пециво. Сега соединете се: додадете брашно во влажните состојки и измешајте. Смесата истурете ја во тесен калап за печење (30х10см или 26х13см) обложен со хартија за печење или подмачкан со масло и попрскан со брашно. Колачот се пече во загреана рерна на температура од 170 степени (без вентилација) околу 35-40 минути. Оставете го целосно да се излади, а потоа посипете со шеќер во прав, исечете и послужете.

Сочна и едноставна: ТОРТА СО МОРКОВИ И УРМИ (РЕЦЕПТ+ВИДЕО)

Ристе Здравков — Sun, 19 Mar 2023 15:08:06 +0000

Единство на вкусови за миг! СОСТОЈКИ: 3 јајца 15 лажици шеќер 100 мл масло 200 мл јогурт 100 мл масло 200 грама брашно 1 прашок за пециво 300 гр рендан морков 100 гр сечкани урми Подготовка:

Пире од морков, идеален прилог со месо

Ивона Петрова — Wed, 30 Nov 2022 09:35:10 +0000

Подгответе поразлично и вкусно пире кое може да го послужите како прилог со месо Состојки: 400 гр. исчистени моркови 1 лажица сушен зеленчук 1 лажица суви билни зачини 1 лажица путер 50-60 мл. млеко Морковите заедно со зачините и сувиот зеленчук варете ги заедно додека морковот да омекне. Вишокот вода исцедете го, па изблендирајте го морковот додадете малку млеко и путер и се добро измешјате. Ставете го кратко на оган на умерена температура.

Морковот е вистинско богатство во вашата кујна, дознајте зошто мора да го јадете

Ивана Ефремовски — Fri, 11 Nov 2022 14:50:34 +0000

Во морето од модерни намирници и диетални суплементи забораваме на основната храна која треба да ја имаме дома. Морковот е дел од неа. Дознајте кои се придобивките од него: Го зајакнува имунолошкиот систем Ова е особено важно во текот на сезоната на вируси. Покрај здравата исхрана, спиењето и спортот, можете да пиете и чаша сок од морков, во која има многу витамин Ц, кој како што веќе знаете самото тело не е во состојба да го произведе. Го подобрува видот Речиси сите знаат дека ова е вистина: витаминот А не само што е моќен антиоксидант, туку и е важен извор на храна за очите. Недостатокот на витамин А предизвикува ноќно слепило. Помага да не јадете нездрава храна Кога нешто ви се јаде (најчесто од досада), најчесто посегнувате по бонбони или чипс. Но, ако наместо тоа пиете сок од морков, ќе се чувствувате сити подолго време. Во една чаша сок има повеќе од 2 г протеини, така што ова е одлична ужина. Ја подобрува состојбата на кожата Благодарение на витамините А и Ц, кожата бргу зараснува, произведува повеќе колаген, а клетките стануваат здрави. Помага при контролата на притисокот Ако боледувате од хипертензија, сокот од морков дефинитивно ќе ви помогне. Калиумот помага во отстранувањето на негативните ефекти на солта и го држи притисокот под контрола. Калиумот исто така е добар и за срцето. Помага при стомачни проблеми Сокот од морков ќе ви помогне при надуеност. Ја намалува количината на гасови и помага во нормалното варење. Го намалува холестеролот Покрај притисокот, сокот од морков помага и при одржување на холестеролот што има благотворно дејство на здравјето на целото тело.

„Портокалов еликсир“ – дознајте зошто е важно да пиете сок од морков

Ивана Ефремовски — Fri, 12 Aug 2022 09:51:41 +0000

Според нутриционистите, редовно конзумирање на сок од морков го намалува апетитот. Значи, со овој „портокалов еликсир“, секоја исхрана со вообичаени производи ќе изгледа како диета, секако доколку пиете свежо цеден сок од морков. Обидете се да го замените вообичаениот појадок со сок, а потоа пијте чаша од овој сок и пред ручек и пред вечера како би го намалиле апетитот. Покрај тоа, сокот од морков содржи огромна количина на различни витамини. Најмногу од се во сокот има каротен-витамин А. Според неговата содржина, сокот од морков ги надминува сите останати производи. Со доволен внес на каротен активно се синтетизираат сексуалните хормони, а нивното присуство им овозможува на жените да останат сексуално млади долго време. Ова се добри причини веднаш да си подготвите сок од морков.

Витаминска “бомба“ која ќе ви го стопи салото – ова ви треба пред да отидете на плажа

Ивана Ефремовски — Wed, 01 Jun 2022 20:26:54 +0000

Оваа комбинација од состојки го топи салото со неверојатна брзина, а тоа е особено значајно пред летниот период. 1 цвекло 3 моркови 5 стапчиња целер 1 рака свеж спанаќ 1 јаболко 1 краставица 1 рака ротквици 1 корен свеж ѓумбир 1 лимон Треба да ги ставите овие состојки во блендер и тоа е тоа. Од оваа количина би требало да добиете околу 500 мл. сок, а најдобро е да го пиете наутро, на празен стомак.

Здрави се и вкусни: Искомбинирајте мед и морков, помагаат против кашлица

Ивана Ефремовски — Fri, 25 Feb 2022 10:21:29 +0000

Покрај тоа што се вкусни, морковите се богати со калиум, железо, магнезиум, фосфор, манган и калциум. Исто така богати се со витамините Б каротен, Ц, К и А. Морковот во комбинација со мед е ефикасен во справувањето со упорната кашлица и густиот секрет од белите дробови. Состојки: 500 грама морков 3-4 лажици мед Начин на подготовка: Морковите добро измијте ги, исечкајте ги и сварете ги, а потоа процедете, но сочувајте ја водата. Испасирајте ги морковите, па заедно со медот ставете ги во изладената течност во која се вареа. Добиениот сируп чувајте го во фрижидер. Земајте по 3-4 лажички од сирупот дневно, пред оброк.

Здрав и вкусен: Овој рецепт е витаминска бомба за вашата крв

Ивана Ефремовски — Tue, 08 Feb 2022 09:35:57 +0000

Оваа витаминска бомба или лековит еликсир исклучително е добар и проверен лек за зголемување на хемоглобинот, подигнување на нивото на крвни зрнца и подобрување на општата крвна слика. Освен што е здрав тој е многу вкусен, а може да се користи во неограничени количини. По две недели консумирање, проверете ја крвната слика и ќе се изненадите. За подготовка на овој природен лек ви се потребни: 200 милилитри мед, 200 грама ореви, 200 грама суво грозје, 200 милилитри сок од моркови, 200 милилитри сок од цвекло и 2 лимони. Измијте ги двата лимони, пресечете ги на половина и извадете им ги семките. Сомелете ги заедно со кората (ако се прскани – отстранете ја кората) и ставете ги во поголема тегла. Во смесата од мелен лимон додадете го медот, цедениот сок од цвекло и сокот од цеден морков, па помешајте. Потоа додадете ги ситно исецканите или мелени ореви и сувото грозје. Повторно промешајте и ќе добиете околу 1 литар вкусна и здрава лековита смеса. Чувајте ја во фрижидер во стаклена тегла. Консумирајте ја три пати дневно по една лажица пред јадење.