моркови – Kurir.mk

Направете си го овој вкусен напиток, штити од настинка

Ивана Ефремовски — Wed, 17 Nov 2021 11:22:52 +0000

Останете фит и силни со помош на овој величествен напиток. Состојки: -3 моркови -1 супена лажица (15 гр) ѓумбир -1 црвено јаболко -1 лимон Подготовка: Измијте ги намирниците и излупете ги, а потоа исецкајте ги, така што ќе ги отстраните и семките од јаболкото. Ставете ги сите состојки во блендер и мешајте.

Овие намирници имаат повеќе витамин А од морковот

Ивана Ефремовски — Fri, 12 Nov 2021 14:10:46 +0000

Морковите се богати со каротеноиди како што се бета каротенот и ретинолот кои во телото се трансформираат во витамин А. Овој важен нутриент го зајакнува имунитетот на телото, го намалува шеќерот во крвта и се наметнува како одличен сојузник во борбата против болестите на срцето и крвните жили. Неопходен е за видот, развојот на коските и здравјето на кожата, ги балансира хормоните во телото, а служи и за одбрана од инфекции. Еве 4 намирници кои се подобри добавувачи на витаминот А дури и од морковот. 1. Тиква Стотина грама од овој сладок есенски плод содржи 0,7 милиграми бета-каротен и 14.000 единици ретинол што задоволува речиси половина од дневните потреби за витамин А. Значајни количини на вредни нутриенти ќе пронајдете дури и во питите, но добро би било да имате на ум дека во ваков облик ќе внесете и значајна количина на шеќер и масти. 2. Сладок компир Слатките компири ја задоволува потребата за јаглехидрати, а истовремено нуди и богатство од витамини, посебно витамин А. Во еден сладок компир ќе најдете повеќе од 1 милиграм бета-каротен и 21.000 единици ретинол и така ќе задоволите поголем дел од потребите за овој вреден нутриент. 3. Кељ Овој лиснат и лесно достапен зеленчук не се вика супер-храна без причина. Стотина грама кељ содржат дури 28.000 единици ретинол и нешто повеќе од еден милиграм бета-каротен. Покрај тоа нуди и богатство на витамините Ц и К, па се наметнува како сојузник на убавината и здравјето. 4. Масло од бакалар Добро познат факт е дека рибиното масло богато со омега 3 масни киселини го чува срцето. Но, дали ги знаевте благодетите од маслото од бакалар? Една лажица од ова масло содржи 13.600 единици ретинол и четири милиграми бета-каротен, што е дури осум пати повеќе отколку во стотина грама свежи моркови.

Ослободете се од кашлица и секрет, овој домашен сируп ќе ви помогне

Ивана Ефремовски — Tue, 26 Oct 2021 08:55:19 +0000

Морковите се неверојатно здрав зеленчук – тие се сјаен извор на витамин А и каротен, добри се за алергии, анемија, реума, проблеми со варењето, ја чистат крвта, полни се со железо, магнезиум, калциум, фосфор и други скапоцени минерали. Сјајни се и во зимата, кога ве мачи кашлица, собено ако ги подготвите на следниот начин. Домашен сируп кој лекува кашлица и го отстранува секретот од белите дробови, а могу лесно се подготвува, ова е рецептот: Потребно ви е: -Половина килограм моркови -3-4 лажици мед -2 лажици свежо исецкан ѓумбир Подготовка: Исецкајте ги моркоите на ситни парчиња и ставете ги во сад во кој ќе сипете вода која треба само да ги прекрие, па ставете ги на среден оган. Кога водата ќе зоврие, додадете го ѓумбирот па оставете го да се вари додека не омекнат морковите. Потоа процедете ги морковите и ѓумбирот, но не ја фрлајте водата. Морковите и ѓумбирот ставете ги во блендер и блендирајте се додека да добиете хомогена паста, а кога водата ќе стане млака додадете го и медот и мешајте додека не се растопи. Потоа додадете ја и пастата од морков и ѓумбир и блендирајте додека да добиете сируп. Како се користи: Консумирајте 3 до 4 лажици секој ден. Би требало кашлицата и исфрлувањето на секретот после вториот ден да ви бидат значително олеснети.

ФОТО: Од хеликоптери се фрлаат моркови за да се нахранат преживеаните животни во Австралија

Ивона Петрова — Mon, 13 Jan 2020 09:06:20 +0000

Голем број хеликоптери се користат во операцијата која има за цел да ги нахрани животните кои ги преживеале големите пожари кои три месеци ја пеплосуваат Австралија. Владата на Нов Јужен Велс пред една недела ја започна операцијата „Rock Wallaby“, а до сега од авионите се фрлени 2.200 килограми моркови и сладок компир. Министерот за заштита на животна средина Мет Кин истакна дека многу животни успеале да се спасат и да избегаат од пожарите, но сега се надвор од своите живеалишта во непознати предели каде немаат пристап до храна.

One happy customer ?????#operationrockwallaby #AustralianFires pic.twitter.com/wtzMgeaX6D
— Matt Kean MP (@Matt_KeanMP) January 11, 2020

-Освен што фрламе храна од хеликоптерите, поставуваме и камери и ги проверуваме подрачјата каде храната паѓа за да видиме колку животни јадат и колку има преживеани, наведува Кин. Организаторите на акцијата нагласуваат дека меѓу животните има голем број загрозени видови.

Овие работи ги јадете секој ден, а ако претерате со нив си го уништувате здравјето

Ивана Ефремовски — Mon, 14 May 2018 14:16:13 +0000

Секој лек може да стане отров, доколку претерате со количината. Сè зависи од дозата. Истото важи и за здравата храна, со која ако претерате, може да се доведете до сериозни проблеми. Затоа, на време откријте која храна не смее да ја консумирате над препорачаната количина: Моркови Звучи како мит, но е вистина – ако често и многу консумирате моркови, бета каротенот во нив може да предизвика пожолтување на кожата. За среќа, нема да имате посериозни последици. Јаболка Семките на јаболката, црешите, праските, сливите и кајсиите имаат минимални количини на киселина, со која ако често доаѓате во допир, може да почувствувате негативни симптоми како недостаток на воздух. Бразилски орев Богати се со селен, но ако претерате бразилските ореви може да доведат до кршливи нокти, губење на косата, невролошки проблеми и проблеми со срцето. Мускатно оревче Зачин кој се додава во апсолутно сè, но мора да се лимитирате на 20 грама дневно. Во спротивно, постои ризик да се соочите со губење на чувството за реалност, анксиозност, страв, халуцинации. Горчливи бадеми Бадемите се здрави, но повторно во умерени количини. Ако претерате со нив, ризикувате да ги нарушите киселините во стомакот, бидејќи содржат амигдалин. За децата критично е да консумираат над 10 парчиња, за возрасните критични се над 50 парчиња. Зелени компири Недозреаните компири може да предизвикаат симптоми како гадење, повраќање, дијареа и проблеми со срцето.