морнар – Kurir.mk

Исчезнат морнар пронајден жив по 30 години, никој не знае зошто не се јавил на своето семејство во Хрватска

Дарко Андоновски — Sun, 23 Jan 2022 21:29:50 +0000

Морнарот Петар Марчинко, кој исчезна пред 30 години од Чепикуц на самиот југ на Хрватска, е пронајден во Шпанија, каде што живее и денес. Според Дулист, полицијата го известила семејството на пронајдениот Марчинко, а во меѓувреме бил избришан од регистарот на исчезнати лица. Јавноста се уште не ја знае причината за неговото мистериозно заминување во Шпанија пред 30 години и зошто никогаш не контактирал со семејството, пишува Вечерњи лист. Последната информација за него беше во април 1992 година, кога на 39-годишна возраст се симна од бродот Дубровник во Хихон, Шпанија и оттогаш му се губи секаква трага. 30 години подоцна, полициската управа Дубровник-Неретва доби потврда од меѓународни институции со кои соработувале, дека при проверка на документи кои неодамна се појавиле во полициската станица Стон, го има и неговото име. По детална проверка Марчинко е пронајден жив во Шпанија. Во средината на декември Дулист го посети родниот град на Марчинко, Чепикуќе, во потрага по информации за пронајдените документи. Сите се надеваа дека документите се навистина негови и дека е жив. Според зборовите на еден сосед, Петар требало да се качи на брод за Канада за да оди кај својот брат, но поради некоја причина изгледа не го сторил тоа, туку се симнал во Шпанија.

Морнар спасен по три месеци поминати на јахта

Дарко Андоновски — Tue, 05 May 2020 14:02:58 +0000

Маж од Сингапур е спасен откако три месеци поминал на јахта на море, лутајќи од пристаниште до пристаниште, бидејќи државите одбивале да му дозволат да се вкотви, бидејќи пристаништата ширум светот се затворени поради пандемијата со новиот коронавирус. Мажот е доведен на Фиџи. Тој на 2 февруари тргнал од Сингапур на крстарење што требало да трае три години. – Пловев од Индонезија кон Папуа Нова Гвинеја бидејќи времето беше добро, но кога пристигнав до границата, таа беше затворена и продолжив кон Соломонските Острови. Тука исто така беше затворено и продолжив до Тувалу, каде не ми дозволија да се вкотвам, но ми дадоа храна, изјави Сингапурецот. Тој на Фиџи пристигнал на 28 април, но бидејќи неговата јахта била оштетена поради силните ветрови, го спасија маринците од Фиџи, а бродот е доведен до пристаништето.

Еден морнар загина, друг исчезнат во пожарот на рускиот носач на авиони

Ивона Петрова — Fri, 13 Dec 2019 07:52:43 +0000

Еден морнар погина, додека втор се води како исчезнат во пожарот што изби на рускиот носач на авиони „Адмирал Кузњецов“, соопшти денеска прес службата на руската Северна флота Потрагата по исчезнатиот морнар е во тек, се наведува во соопштението, пренесува Тасс. Во соооштението се додава дека морнарот погинал при обидот да го изгасне пожарот. Руските медиуми претходно јавија дека во пожарот се повредени 10 лица, од кои седум се наоѓаат на интензивна нега. „Адмирал Кузњецов“ е единствениот руски носач на авиони, долг е 120 метри, а е користен во воената камапња на Русија во Сирија .

Перл Харбор: Морнар повреди три лица и изврши самоубиство

Ивона Петрова — Thu, 05 Dec 2019 07:21:02 +0000

Припадник на американската морнарица рани тројца цивили на Хаваи, вработени во Секретаријатот за одбрана, по што изврши самоубиство, соопшти американската војска. Вооружениот инцидент се случи на военото бродоградилиште во Перл Харбор. Мотивот и идентитетот на морнарот кој пукаше не е откриен, пренесува „Гласот на Америка“. Заедничката база Перл Харбор – Хикам, еден од најголемите објекти на американската морнарица, објави на Твитер дека пукањето се случило околу 15 часот. Две болници потврдија дека ги згрижиле повредените, но не објавија податоци за нивната здравствена состојба.