морнари – Kurir.mk

Најдени тројца мртви морнари на носач на авиони, закотвен во пристаништето во Вирџинија

Ивана Ефремовски — Tue, 19 Apr 2022 17:20:31 +0000

Тројца морнари од носачот на авиони УСС „Џорџ Вашингон“ се најдени мртви за помалку од една недела, соопштија синоќа истражители од воената морнарицa на САД, јави Си-ен-ен. Еден морнар бил најден во безсознание во петокот, додека останатите двајца биле најдени надвор од своите базни места на 9 и 10 април. -Додека инцидентите се под истрага, нема првични индиции кои сугерираат дека постои поврзаност меѓу овие трагични настани, изјави командир Рин Момсен, портпарол на морнарицата. Морнарицата не се произнесе за причините за смртта на тројцата морнари. На бродот бил повикан тим за брза психијатриска интервенција. Се соопштува дека овие тимови се слецијализирани да обезбедат краткорочна поддршка за психолошо здравје после трауматичен настан како загуба на живот. -Нашите мисли и сочувства се со семејствата, пријателите и колегите на морнатите, изјави Момсен. УСС „Џорџ Вашингон“ е носач на авиони со нуклеарен погон од класата Нимиц. Моментално е укотвен во Њупорт Њус, Вирџинија, каде поминува комплексен сервис, процес што се извршува само еднаш со снабдување на нуклеарно гориво и обнова на бродот за идни операции. Пловилото се наоѓа во Њупорт Њус од 2017 година. (МИА)

Или вакцина против коронавирус или надвор од армијата, нови услови за американските морнари

Ивана Ефремовски — Wed, 17 Nov 2021 12:07:58 +0000

Припадниците на Морнарицата на САД кои ќе одбијат да се вакцинираат против Ковид-19 ќе мора да ја напуштат армијата и би можеле да изгубат некои од бенифициите кои ги имаат ветераните, соопшти американската морнарица. Рокот за целосна вакцинација е 28 ноември. Морнарите можат да поднесат барање за ослободување од медицински или религиозни причини, но ако тоа барање биде одбиено, тој мора да започне со вакцинација во рок од пет дена. Морнарите кои ќе одбијат да се вакцинираат ќе ги изгубат бенифициите за образование, унапредување и бонуси. Повеќе од 99 отсто од активните морнари примиле барем една доза од вакцината против Ковид-19, а 95 проценти се целосно вакцинирани. Додека морнарите во резерва имаат рок до 28 декември да се вакцинираат. (МИА)

ЛОШИ ВЕСТИ: ДВАЈЦА МОРНАРИ СЕ УДАВИЛЕ – од потонатиот руски брод спасени се само 5 морнари

Магдалена Андонова — Sun, 17 Jan 2021 15:15:49 +0000

Гувернерот на Бартин, Синан Гунер, изјави дека од вкупно 13 члена на рускиот товарен брод, петмина се спасени а двајца морнари биле пронајдени мртви. Од руската Амбасада во Анкара за Тасс изјавија дека дипломатите работат на утврдување на судбината на екипажот, а причината за несреќата засега е непозната.

ПОТОНА РУСКИ ТОВАРЕН БРОД – сред Црно Море морнари чекаат спасувачи

Магдалена Андонова — Sun, 17 Jan 2021 12:12:40 +0000

Руски товарен брод потона крај брегот на турската црноморска провинција Бартин, соопштија локалните власти, потенцирајќи дека е во тек акцијата за спасување на околу 15 члена на екипажот, кои се наоѓаат во чамци во морето. Гувернерот на Бартин, Синан Гунер, изјави дека бродот со сув товар потонал крај брегот на регионот Инкуму, додавајќи дека нема извештаи за жртви, јави државната агенција Анадолу. Причината за инцидентот засега не позната. -Ќе почнеме со спасувачки операции на приближно 15 члена на екипажот заглавени во три спасувачки чамци, рече Гунер. „Во моментов нема извештаи за жртви или потонување на чамците за спасување“, додаде тој. Како што се наведува, временските услови во регионот се многу лоши и спасувачките екипи имаат проблеми со пловењето. (МИА)

Морнари заробени година и пол на брод – коронавирусот ги довел до работ

Магдалена Андонова — Thu, 10 Dec 2020 15:01:30 +0000

Околу 400.000 морнари се заробени на бродовите ширум светот. Околу 400.000 морнари моментално и откако им истекле договорите работат на бродови и на море, бидејќи не можат да се вратат дома поради ограничувањата на патувањата во текот на пандемијата на коронавирусот, соопштила Меѓународната поморска организација на ОН - ИМО. Некои сега работат на море повеќе од 18 месеци, што е значително подолго од ограничувањата од 11 месеци, пренесува "BBC". Исто така, стотина илјади морнари се заглавени дома, бидејќи не можат да им се приклучат на екипажите на бродовите на кои работат и на тој начин да ги обезбедат своите семејства. "За жал, видовме дека човековите права на морнарите, рибарите и другите поморски работници се загрозени во текот на пандемијата", изјавил генералниот секретар на ИМО, Китак Лим. Тој рекол дека тука јасно станува збор за човекови права и дека таквата состојба предизвикува замор и исцрпеност кај морнарите и дека тоа е едноставно е неиздржливо. Извор: ТОЧКА

Никој не знае како се заразиле: Мистерија околу појавата на коронавирус кај 57 морнари

Ивана Ефремовски — Tue, 14 Jul 2020 13:00:19 +0000

Во Аргентина 57 морнари по 35 дена поминати на море се заразени од Ковид-19, иако пред пловидбата биле негативни на тестот. Рибарскиот брод се вратил во пристаништето откако некои морнари развиле симптоми кои одговараат на Ковид-19, соопшти аргентинското Министерство за здравство. Според Министерството, 57 од 61 член на екипажот сега се позитивни на коронавирусот. Сите биле тестирани 14 дена пред пловењето, биле негативни и во карантин во хотел во градот Ушуаја се додека да се качат на бродот. Само двајца морнари се негативни на вирусот, а резултати се очекуваат за уште двајца членови на екипажот. Двајца морнари се хоспитализирани. -Тешко е да се утврди како се заразени бидејќи тие не биле во контакт со никого 35 дена, а со храна биле снабдени од пристаништето Ушуаја, вели епидемиологот Алехандра Алфаро во Тиера дел Фуего. Стручњаци сега се обидуваат да ја утврдат хронологијата на симптомите со цел да дојдат до хронологијата на заразата. Директорот на одделот за заразни болести во болницата во Ушуаја, Леандро Балаторе вели дека инкубацијата од 35 дена сè уште не е опишана. Бројот на заразени со Ковид -19 во Аргентина надмина 100.000, а повеќе од 1.900 лица починаа. Повеќето од заразените се во областа на Буенос Аирес. (МИА)

Репатријација со чартер-лет од Барбадос до Скопје

Super Admin — Mon, 25 May 2020 20:43:24 +0000

Заради настанатата криза со ковид-19, најголемите бродски компании за крстарење ги затворија своите бродови за гости уште од 12-ти март. Како резултат на новонастанатата ситуација, се појави потреба од репатријација на најголем дел од морнарите/вработените кои работеа на овие бродови. Македонија, како и сите останати балкански држави има значаен број на млади кои работат за светски најреномираните компании. Една од нив е и Американската компанија Royal Caribbean Cruise Line (која има 47 бродови) и која важи за лидер во оваа силна индустрија. Изминативе два месеци, често доаѓаа информации дека бродовите се наоѓаат во независна положба заради затворањето на пристаништата и аеродромите ширум светот. Таму каде што светот застана со почетокот на кризата, застанаа и обидите на бродските компании да ги вратат дома своите вработени кои се на принуден одмор. Во Македонија досега преку различни форми на патување преку други држави и аеродроми, успешно се вратија повеќе од 300 македонски морнари. Доаѓањето на авионот со 291 морнар во Скопје е резултат на Македонската компанија Коузон, која повеќе од 20 години е партнер на бродската индустрија и е најголема агенција за вработување на морнари во Источна Европа. Сепак, најголемата заслуга за остварување на оваа хумана прикаска е на амбасадорот Ивица Боцевски, кој подолг период е целосно внесен во репартијацијата на нашите монари. Еден од нив напиша и дека треба да му изградат споменик за напорот кој тој го вложил во случајот со македонските морнари, подавајќи им рака во најтешките моменти. „ Тој со сите расположливи дипломатски контакти ширум светот, постојано правеше притисок со упатување на голем број протесни ноти до бродските компании како и нивните главни менаџери. Еден од нив бев и јас, кој од 25-ти Март до 5-ти Мај бев заглавен на еден Бахамски приватен остров на бродската компанија Ројал Карибијан. Немоќта да се најде начин за да ме испратат дома, од страна на главните и одговорни луѓе на компанијата како и преголемото ангажирање на Господинот Боцевски придонесе до големи пофалби и честитки од страна на челните луѓе во компанијата. На истите нив не им беше јасно и никогаш нема да им биде јасно како еден амбасадор на држава е во директен контакт со мене и сите мои колеги морепловци од Македонија и лично се залага при изнаоѓањето начин да се помогне во најскоро време сите да се вратиме дома“, напиша македонскиот морнар, Господине Боцевски , вие сте херој за сите нас и како таков ке останете засекогаш, искрена благодарност од сите морепловци и другите македонски граѓани кои се вратија безбедно во нашата држава благодарение на вас и вашите секојдневни заложби за сите нас. Господ да ве благослови !!!?????? Во Скопје, утре на 26-ти мај ке слетаат морнари од Македонија, Бугарија и Србија. За странските државјани репатријацијата ќе биде извршена со автобуски превоз до граничните премини со Бугарија и Србија, а македонските морнари ќе поминат низ процес на медицинска проверка на аеродромот, по што ќе се утврди дали ќе одат во карантин или ќе бидат упатени на 14-дневна самоизолација. Сите морнари кои се враќаат од Карибите биле во просек по 60 дена на бродовите без контакт со лица од надворешниот свет. За време на престојот на бродовите, вработените ги уживале благодетите на сместување во гостинските соби и храна по сопствен избор. Ова е прв авион кој слетува во Скопје со толкав број на патници од некоја дестинација од Северно-американскиот континент.

Морнари од носачот на авиони Теодор Рузвелт се хоспитализирани поради Ковид-19

Ивона Петрова — Wed, 22 Apr 2020 05:38:16 +0000

Девет морнари од американскиот носач на авиони Теодор Рузвелт се во болница, каде се лекуваат од новиот коронавирус. Повеќе од 4.100 од 4.800 членови на екипажот на бродот се во карантин, а 710 од нив се позитивни на Ковид-19. Во соопштението на американската морнарица се наведува дека само 42 морнари се излекувани од Ковид-19, а еден почина, откако носачот на авиони пристигна во Гвам, пред 3,5 недели.

Од Ковид-19 заразени 940 морнари од носачот на авиони „Шарл де Гол“ и неговата придружба

Ивана Ефремовски — Fri, 17 Apr 2020 13:44:23 +0000

Со Ковид-19 се заразени 940 од вкупно 2.300 морнари на носачот на авиони „Шарл де Гол“ и неговата придружба, јави дописникот на МИА. Оваа информација ја потврди директорката на централната здравествена служба на армијата, Д-р Марили Гигакс Женеро, која беше повикана да сведочи пред комисијата за надворешни работи, одбрана и вооружените сили при Сенатот на Франција. Бројката за 940 заразени е добиена откако сите членови на екипажот беа тестирани. (МИА)