морска храна – Kurir.mk

Ќе се јаде, ќе се пие: Владата набавува октоподи, лигњи, шкампи, лосос и школки, а народот не смее да јаде во ресторани!

Дарко Андоновски — Fri, 09 Apr 2021 13:10:44 +0000

Продолжуваат скандалите кои ја опкружуваат Владата на Зоран Заев. Овој пат, се работи за скандалозна набавка за потребите на владата, на шкампи, лосос, октоподи, морски плодови и разни видови на риба. Како што може да се забележи на веб-страницата на Електронскиот систем од Бирото за јавни набавки, Владата во својата најнова набавка порачала разни риби и морски плодови. На фотографиите се гледа дека е нарачана риба – калифорниска пастрмка, лосос, ослиќ, крап и бранцин, а од морските плодови, вработените во Владата ќе се нагостат со вкусни октоподи, лигњи, школки, ракчиња и други морски плодови. Она што е интересно за набавката, е дека истата доаѓа во време кога има речиси 160.000 лица кои се водат како невработени, а воедно и во време на строги рестриктивни мерки, кога на граѓаните им е забрането да се хранат во самите ресторани.

Меган Маркл ќе мора да се откаже од омилената храна

Ивона Петрова — Sat, 16 Jun 2018 08:59:48 +0000

Меган Маркл е сега полнопрвен член на кралското семејство и тоа значи дека ќе мора да се откаже од своите навики, но и од омилената храна. Поранешната актерка, сега војвотката од Сасекс ќе мора да се придржува кон строгите правила на исхрана по свадбата со принцот Хари. Батлерот на кралското семејство Грант Харолд изјавил дека кралското семејство не јаде морска храна надвор поради страв од труење. -Не сакаме некој од членовите на кралското семејство да добие тешка реакција од труење со храна, особено ако се на прекуморски патувања, изјавил Харолд. Нема сомнеж дека Меган ќе биде разочарана со ова правило бидејќи претходно говореше за својата љубов кон морската храна и дека нејзиниот идеален ден кога е храната во прашања, подразбира многу морска храна и лесна вечера, паста со морски плодови. Меѓу останатите правила кои Меган мора да ги почитува се: нема да смее да гласа, нема селфи фотографии и автограми. Секогаш на патувања со себе мора да носи црна облека во случај на смрт на член на кралското семејство

Овој оброк го зајакнува либидото и помага побрзо да добиете бебе

Даниел Василев — Mon, 28 May 2018 18:59:21 +0000

Рибата и морските плодови ќе ви помогнат да ја подигнете сексуалната енергија на највисоко ниво, но и да ја подобрите плодноста. Во новата студија на Харвард се вели дека паровите кои јадат морска храна почесто имаат сексуални односи. Претходните студии покажаа дека луѓето кои консумираат риба со високо дебел омега-3 киселина, како што се лососот и туната, имаат повисоко ниво на прогестерон во телото, подобрен квалитет на спермата и го скратува времето потребно за бременост. Истражувачите проучиле 500 парови. Резултатите покажале дека кај 92 отсто од паровите кои јадат морска храна повеќе од два пати неделно, до бременост дошле во првата година. Освен тоа, паровите кои јаделе осум или повеќе порции морска храна за време на менструалниот циклус, почесто воделе љубов, односно 22 отсто почесто. -Едно од изненадувачките откритија е дека внесот кај мажите е подеднакво важен како и кај жената, вели за Дејли Мејл истражувачот од Харвард, доктор Одри Гаскинс.