мост обединети нации – Kurir.mk

Шилегов: Ќе се руши мостот „Обединети нации“ во Влае, ова е моја одлука!

Дарко Андоновски — Mon, 30 Aug 2021 14:08:55 +0000

Ќе се урива мостот Обединети нации кој ги поврзува Влае и Карпош. На негово место предвидена е изградба на нов мост согласно проектот за воведување на брзиот автобуски транспорт. -Ова е инвестиција каде немате право на грешка при изработка на тендерската документација. На самата траса најкритична точка е мостот Обединети нации. Мојата одлука е да извршиме замена на мостот, што значи ќе треба тој мост фаза по фаза да се отстрани и да се изгради нов и со тоа брзиот автобуски превоз во полн капацитет ќе оди до Ѓорче Петров. Мостот ќе биде со по три ленти во двата правци. Мораме внимателно да планираме оти под мостот е главната водоводна цевка на Град Скопје и други топловодни инсталации. Затоа е подобро да доцнимте оти немаме право на импровизиција, рече Шилегов. Според сообраќајното решение кое беше презентирано во јули, возилата ќе се движат по посебната лента која ќе биде во средишните жардинери, а ќе биде одвоена од лентите за сообраќај со зеленило од двете страни. Станиците ќе бидат од затворен тип, што значи наплатата ќе се врши во нив по принципот на метро станиците, а не во автобусите. Со тоа, пократко ќе биде задржувањето на патниците и ќе се овозможи поголема брзина на возилата. Од Ново Лисиче до Ѓорче Петров ќе се стасува за 30 минути.

„НаТочак“: Мостот „Обединети нации“ утрово непрооден за пешаци и велосипеди, градските власти им посакаа среќа следниот пат

Дарко Андоновски — Mon, 22 Mar 2021 08:31:49 +0000

Фејсбук групата „НаТочак“ преку статус објавуваат дека единствениот тротоар преку кој може да се помине реката Вардар ако сте пешки или на точак ова утро не е чист од снегот. Станува збор за мостот „Обединети нации“ во Влае. -Ова е главната врска на западниот дел на Скопје (Влае, Ѓорче, Сарај) со остатокот од градот. Единствено по овој тротоар може да се премине реката Вардар ако сте пешки и на точак. На железничкиот мост кај Фабриката Купрум нема ни тротоар. Утрово на тие што тргнаа на работа со кола Градот им рече: „Мислиме на вас“. На тие што излегоа пешки, на точак или со автобус им рече: „Повеќе среќа следниот пат, за посигурно - изберете кола“, стои во нивниот пост на Фејсбук.

Ова е главната врска на западниот дел на Скопје (Влае, Ѓорче, Сарај) со остатокот од градот. Единствено по овој... Posted by НаТочак - NaTochak on Понеделник, 22 март 2021

Скопјанец физички нападнат од две лица на мостот „обединети нации“

Дарко Андоновски — Tue, 12 Feb 2019 14:44:54 +0000

На 11.02.2019 година во 22.30 часот во СВР Скопје, Д.П.(50) од Скопје пријавил дека околу 21.15 часот на булеварот „Партизански одреди“, на мостот „Обединети нации“, физички го нападнале две лица, информираат од МВР. Се преземаат мерки за целосно расчистување на случајот.