мост – Kurir.mk

Поставено осветлување на мостот на локалниот пат Кадино-Миладиновци

Тале Кристо — Wed, 25 Oct 2023 10:18:50 +0000

Продолжува реализација на проектот „Илинден-Светла Општина”, кој опфаќа проширување и модернизација на уличното осветлување. Во изминатиот период поставена е нова линија за улично осветлување во делот кај мостот на локалниот пат Кадино-Миладиновци во должина од 500 метри. Поставени се метални столбови со лед светилки, соодветни сообраќајни знаци, метална заштитна ограда од двете страни на мостот, поставена е флуросцентна патна сигнализација долж целиот потег, како и флуросцентна лента по должината на мостот. Општина Илинден со ова ја зголемува безбедноста во сообраќајот, на критичните точки кои претставуваа опасност за учесниците во сообраќајот. Овој дел од Општината во минатото претставуваше опасна точка за возачите, пришто токму таму се имаат случено многу сообраќајни незгоди. Затоа Општина Илинден упатува апел до сите учесници во сообраќајот на поголемо вниманите, почитување на сообраќајната сигнализација како и ограничувањето на брзината на возење. Општина Илинден и ЈКП „Илинден” и во наредниот период ќе продолжат со поставувањето на нови линии во сите населени места, со цел посветла Општина Илинден и поголема безбедност.

Гаревски: Извештајот за мостот „Беласица“ е предаден, оштетувањата се мали, но ќе треба санација

Тале Кристо — Thu, 29 Jun 2023 15:49:00 +0000

Експертизата за опожарениот мост „Беласица“ е направена од приватниот Институт за сеизмички отпорни градби и климатски промени и драфт верзијата е предадена во Град Скопје, потврди за МИА директорот на Институтот, професор Михаил Гаревски. Од визуелната инспекција, вели Гаревски, не е забележана ниту на еден дел од мостот изложеност на каблите за преднапрегање, туку тие се скриени со заштитниот слој на бетон. Овој е основниот услов и затоа оштетувањата се мали. Иако оштетувањата се мали, посочува, сепак ќе треба да се изврши санација. Но, потенцира, потребна е санација на плочата над примарните цевки за парно со торкретирање за да се врати заштитниот слој од бетон кој ја штити ребрастата арматура од корозија. Потребно е и да се врати паднатиот бетон на некои површини од долната плоча и вертикалните ребра на сандачестите носачи. За да може да се спроведе санацијата на мостот неопходно е да се извадат цевките за парно кои се наоѓаат под мостот, појаснува професорот. Иако тој вели дека извештајот е предаден во Град Скопје, оттаму велат дека во моментот не располагаат со никакви информации.

Украина истрела проектил и го погоди клучниот мост Чонгар што ги поврзува регионот Херсон и Крим

Тале Кристо — Thu, 22 Jun 2023 07:39:34 +0000

Украина истрела проектил кон мостот Чонгар, кој поврзува делови од областа Херсон, под контрола на Русија, со полуостровот Крим, поради што сообраќајот е пренасочен, изјавија денеска официјални претставници на двата региона назначени од Русија. Владимир Салдо, гувернер на Херсон назначен од Русија, рече дека патот е оштетен, но нема извештаи за жртви. Тој рече дека во нападот најверојатно биле користени ракети „Сторм Шедоу“ (Storm Shadow“). Гувернерот на Крим, Сергеј Аксјонов, рече дека експертите ја испитуваат локацијата за да утврдат кога сообраќајот преку мостот би можел да продолжи. Познат како „порта на Крим“, мостот Чонгар е еден од неколкуте мостови што го поврзуваат Крим, кој Русија во 2014 година го припои со копното.

Македонски автобус во последен момент запрен пред да се урне мостот на Морава

Ристе Здравков — Sat, 17 Jun 2023 09:55:33 +0000

Само 20 минути пред надојдената Западна Морава да го уништи мостот што ги поврзува чачанските села Мрчајевце и Слатина, сообраќајната полиција спречи автобус со македонски регистарски таблички полн со патници, кој и покрај одлуката да се запре сообраќајот преку тој мост, се обиде да го премине на другата страна објавија српските медиуми. – Не се знае што ги навело Македонците до тој пат, можно е да следеле лоши навигациски карти, кои одамна не се ажурирани, но доколку автобусот се појавел на и онака небезбедниот мост во моментот кога неговите столбови биле силно еродиран од поројот – тоа би било огромна трагедија пишуваат српските медиуми. Мостот на Западна Морава рано утринава пред изливот на надојдената река беше целосно уништен поради обилните врнежи што го зафатија Чачак и околината. Поплавите се смируваат, но се уште прават големи проблеми. Припадниците на Цивилната заштита во текот на ноќта работеа на испумпување на водата на каналот за наводнување за да не се излее и да не се поплави населбата Кеј.

Поплави во Србија: Надојдените води однесоа мост на Западна Морава (ВИДЕО)

Ристе Здравков — Sat, 17 Jun 2023 08:15:51 +0000

Мостот на Западна Морава, кој ги поврзува чачачките села Мрчајевце и Слатина, рано утрово е целосно уништен пред налетот на новиот порој и обилните врнежи од дожд кои го зафатија цел Чачак. -Тој мост беше нашата најблиска врска не само со градот, туку преку него преминавме и до нашите парцели, сега не знам како и што ќе правиме. До неодамна беше затворен за сообраќај бидејќи беше небезбеден за премин, поради истрошеност на потпорните столбови, а сега е целосно уништен - изјави за агенцијата РИНА Марко од Мрчајевац. Одлуката за прекин на сообраќајот на овој мост е донесена на 7 ноември 2022 година. Во општина Чачак поплавите стивнуваат, но сепак предизвикуваат големи проблеми. Припадниците на Цивилната заштита цела ноќ работеле на испумпување на водата на каналот за наводнување за да не се излее и да не се поплави населбата Кеј, пренесуваат српските медиуми, а

Pukao most na Zapadnoj Moravi koji je spajao Slatinu i Mrčajevce! pic.twitter.com/S4yWHwbH1n

— nova.rs (@novarsonline) June 17, 2023 ">ТУКА може и да ја видите снимката од уривањето.

Товарно возило пробило ограда од мост и паднало во Вардар на патот Зелениково – Таор

Ивона Петрова — Wed, 31 May 2023 20:31:04 +0000

Секторот за операции и координација (СОК) на ЦУК, денеска информира дека околу 18:00 часот товарно возило, движејќи се на регионалниот патен правец село Зелениково - село Таор, изгубило контрола ја пробило оградата и паднало во реката Вардар. Градоначалникот на Општина Зелениково, Коста Маневски, со своите соработници веднаш излегле на терен и направиле соодветно одбележување на оштетениот мост што претставува потенцијална опасност за движење на возилата и пешаците коишто поминуваат по него. - Од страна на Секторот за операции и координација (СОК) на ЦУК во координација со Градоначаникот на Општина Зелениково се известени Јавното претпријатие за оддржување на магистралните и регионалните патни правци се со цел за превземање на мерки и активности во нивната надлежност. Посочено им дека е потребно итно да се излезе на местото на настанот за да се постави соодветно одбележување и сигнализација, а во најкраток можен рок да се изврши санација на оштетената ограда се со цел да не дојде до несакни последици врз возилата и населението. Тоа е и направено. Екипата на ЈП за одржување на магистралните и регионалните патни правци во моментот се на терен, вршат увид и постапуваат соодветно нивните надлежности. Инаку, за сега, според информациите од терен, нема жртви при настанот, соопштија од ЦУК.

Скопје во сообраќаен хаос, мостот кај Ист Гејт ќе остане затворен најмалку една година

Тале Кристо — Tue, 16 May 2023 15:39:21 +0000

Мостот Беласица дури година и половина би можел да биде надвор од функција, и тоа под услов доколку веднаш почне да се работи на него. Тоа значи дека година и половина скопјани ќе имаат големи тешкотии за време на сообраќајниот шпиц, бидејќи оние кои кратеа од Железничка кон Ист Гејт ќе мора да ги користат другите мостови, јави Сител телевизија. Деканот на Градежниот факултет, во изјава за Сител појаснува дека самите процедури се долги и затоа ќе биде потребно многу време за санација. -Во најмала рака потребни се три до четири месеци интензивна и високостручна работа за да се утврди неговата моментална состојба. А, доколку се констатира дека е потребна негова санација, тогаш треба уште минимум половина година за да се изработи проект за санација, и после тоа да се изведе санацијата. Значи, треба доста време, вели професорот Марковски. Проблемот е што за носивоста на мостот задолжени се кабли кои се сместени во внатрешноста на бетонската конструкција. -Со оглед на тоа што се работи за кабли изработени од високо вреден челик, тие се многу чувствителни на високи температури. Односно, ги губат своите карактеристики ако дојдат до контакт со висока температура. Оттаму, прво што треба да се утврди, а тоа не е нималку лесно е да се види колкава била температурата во каблите во времетраењето на пожарот. Па потоа да се констатира колкава е нивната носивост, дали е загрозена и колку е редуцирана. Па после тоа следат мерки за санација, појаснува професорот Марковски. Професорот Марковски не верува дека штетата е толкава, што мостот не би можел да се санира, но тој зафат би бил многу скап. -Не би сакал во моментов да шпекулирам со цифри. Во секој случај многу зависи во каква состојба е сега тој. Ако степенот на санација е поголем, самата санација може да достигне и неколку милиони евра, вели Марковски. Се уште останува дилема дали Град Скопје ќе има пари за ваков зафат поради лошата финансиска состојба во која се наоѓа градот. Градоначалничката Арсовска и денеска избега од камерите, но вети дека ќе излезе на прес-конференција во следните две недели. До тогаш скопјани ќе го чекаат епилогот за еден од главните крвотоци во сообраќајот на главниот град. Вчера од Град Скопје само кратко ни кажаа дека не можат да направат ништо додека не ги добијат записниците од МВР и ЦУК. -Извештаите кога ќе бидат готови ќе бидат доставени до надлежните институции, тоа што е работа на МВР. Инаку, испитувањата коишто треба да бидат направени, дали пожарот придонел до намалување на статиката на мостот, не е обврска на МВР, вели Спасовски. Мостот е затворен и за пешаци, а како што објави и вчера Сител, на него постојано има и полициски службеници кои ги враќаат сите оние кои не знаат или не сакаат да ги читаат знаците.

Гореше електрична инсталација и систем за парно греење: Поради пожар, затворен за сообраќај мостот од „Ист гејт“ кон Железничка станица

Ивана Ефремовски — Fri, 12 May 2023 07:07:36 +0000

Мостот „Беласица“ на Вардар кај ТЦ „Ист Гејт“ утрово е затворен за сообраќај по пожарот, кој по интервениција на пожаникарите беше локализиран и изгаснат. -Не гори ништо повеќе. Запалена беше електрична инсталација и систем за парно греење. Во четири часот наутро, пожарот беше изгаснат. Сега нема друг пожар, меѓутоа се расчистува теренот таму, за МИА изјавија од Противпожарната единица. Од Центарот за управување со кризи информираа дека пожарот бил пријавен околу полноќ. -Преку единствен број за итни повици 112 при Центарот за управување со кризи на полноќ e добиен повик за пожар на долната страна на мостот „Беласица“ за моторни возила над реката Вардар, на истоимената улица „Беласица“ кај затворениот трговски центар „Ист Гејт“, што е во близина на бензинска пумпа на „Макпетрол“ кај трговскиот центар. Веднаш по добиената информација, од страна на Секторот за операции и координација и РЦУК Скопје на ЦУК биле известени сите можни институции и фирми, коишто имаат или, пак, е можно да имаат инсталации под мостот и е извршена координација со Бригадата за противпожарна заштита на Град Скопје, којашто била на терен со осум противпожарни возила и 21 пожарникар, соопштија од ЦУК. (МИА)

ВИДЕО: Гореше мостот кај Ист Гејт – небото во чад, Вардар со остатоци од пластика

Ивана Ефремовски — Fri, 12 May 2023 05:44:00 +0000

Големи пламени јазици синожа се издигнуваа од мостот во близина на трговскиот центар Ист Гејт. Според првичните информации, гореше инсталација на струја и топловод. На друштвените мрежи се споделуваат фотографии и видеоа од немилиот настан. На терен излегоа екипи од противпожарната единица во Скопје. Остатоци, најверојатно од пластика се гледаат и по течението на Вардар. Скопје е прекриен со густ црн чад. ЦУК: Изгаснат е пожар на мостот „Беласица“ на Вардар, кај ТЦ „Ист Гејт“ во Скопје Преку единствен број за итни повици 112 при Центарот за управување со кризи (ЦУК) на полноќ e добиен повик за пожар на долната страна на мостот „Беласица“ за моторни возила над реката Вардар, на истоимената улица „Беласица“ кај затворениот трговски центар „Ист Гејт“, што е во близина на бензинска пумпа на „Макпетрол“ кај трговскиот центар. Веднаш по добиената информација од страна на Секторот за операции и координација (СОК) и Регионалниот РЦУК Скопје на ЦУК биле известени сите можни институции и фирми, коишто имаат или, пак, е можно да имаат инсталации под мостот и е извршена координација со Бригадата за противпожарна заштита (БППЗ) на Град Скопје, којашто била на терен со 8 противпожарни (пп) возила и 21 пожарникар. Во 01.45 часот БППЗ на Град Скопје извести дека пожарот е локализиран, додеа дека нивна пп екипа се уште била на терен да догасува делови од пожарот, а во 1:50 часот ЈП „Железници“ извести дека електричниот напон бил вклучен. Во 2.28ч Секторт за операции и координација на ЦУК извести дека воспоставиле контакт со ЕСМ за интервенција на постоечките топлински цевки што биле пукнати од пожарот. За причините за пожарот и што точно горело, дополнително ќе бидат добиени информации, по увидот на терен. ВИДЕО: Борислав Стоилковиќ

Урнат мост кој води кон неколку села во Маврово и Ростуше

Ивона Петрова — Sat, 17 Dec 2022 09:13:42 +0000

Мостот кој води кон селата Нистрово, Бибај, Тануше, Грекај и Нивиште во општина Маврово и Ростуше е урнат. Од АМСМ информираат дека уривањето на мостот се случило вчера поради зголемено ниво на вода на реката Радика. Во четвртокот беше објавено дека поради обилните и интензивни врнежи од дожд во поширокиот дебарски регион видно е зголемен водостојот на река Радика и нејзините притоки.