Мото ГП шампионат – Kurir.mk

Педро Акоста од следната сезона ќе вози во „кралската класа“

Бошко Тасиќ — Sat, 07 Oct 2023 05:30:25 +0000

Еден од најталентираните млади мотоциклисти во светот, Педро Акоста, следната сезона се сели во „кралската класа“ на Светскиот шампионат, откако потпиша договор со тимот на „Гасгас Тех3“. Акоста во францускиот тим ќе му се приклучи на својот поранешен колега Аугусто Фернандез, кој доби нов договор. Тоа значи и дека од тимот ќе си замине Пол Еспаргаро Најавено е дека Пол Еспаргаро го чека важна улога во проектот дизајниран од KTM, чии партнер Тех 3 тимот. Акоста, моментално трета сезона вози во Светскиот шампионат и е на добар пат да ја освои титулата во категоријата Мото2. Пред две години тој беше шампион во класата Мото3.

Наредната сезона се предвидени 22 трки во МОТО ГП календарот

Бошко Тасиќ — Thu, 28 Sep 2023 06:06:04 +0000

Челниците на Мото ГП шампионатот го објавија прелиминарниот натпреварувачки календар за 2024 година. Според календарот ќе се возат рекордни 22 трки., односно две повеќе од оваа сезона. Борбите за титулата во сите три класи треба да стартуваат на 10 март во Катар, додека последната закажана трка е онаа во Валенсија на 17 ноември. Помеѓу овие две трки треба да се возат: Португалија, Аргентина, Америка, Шпанија, Франција, Шпанија (Каталонија), Италија, Казахстан, Холандија, Германија, Велика Британија, Австрија, Шпанија (Арагорн), Сан Марино, Индија, Индонезија, Јапонија, Австралија, Тајланд и Малезија.

Марк Маркез ја напушта Хонда

Бошко Тасиќ — Sun, 10 Sep 2023 07:32:40 +0000

Шпанскиот мотоциклист, Марк Маркез, најверојатно ќе ја напушти екипата на Хонда и следната сезона ќе вози за тимот на Гресини, јавува „Ас“. Маркез своите најголеми успеси ги доживеа токму во Хонда, со која освои дури шест шампионски титули во „кралската класа“, а исто така има по една титула во Мото2 и Мото3 шампионатите. Медиумите на Пиринеите пишуваат дека Маркез би можел следната сезона да се приклучи на Гресини, каде вози неговиот помлад брат, Алекс, кој сезонава има освоено 102 бода. 30-годишниот Марк Маркез е еден од најлегендарните и најуспешните возачи во историјата на овој спорт.

Еспаргаро славеше голема победа на „Силверстоун“

Бошко Тасиќ — Sun, 06 Aug 2023 13:29:35 +0000

Возачот на Априлја, Алес Еспаргаро, триумфираше на Големата награда на Британија која беше деветта трка од овогодинешниот шампионат во Мото ГП, а воедно и прва по летната пауза. На „Силверстоун“, Еспаргаро ја оствари втората победа во кариерата, прва по минатогодишната трка во Аргентина, а воедно го донесе и вториот триумф во историјата на Априлија. До победата стигна претекнувајќи го актуелниот светски шампион Франческо Бањаја во последниот круг. Еспаргаро заврши пред Бањаја со две десетинки предност, додека Бред Биндер од КТМ беше трет. Еспаргаро до големата победа стигна иако возеше на дожд со суви гуми – ја чекаше својата шанса и на крајот ја дочека.

Стартува Мото ГП шампионот

Бошко Тасиќ — Sat, 25 Mar 2023 06:07:24 +0000

Се е подготвено за стартот на новата сезона во Мото ГП шампионатот, закажан за недела во 15 часот со трката што ќе се вози на патеката Портимао во Португалија. Пеко Бењаја изненади многумина откако ланската сезона успеа да стигне до титулата. Љубителите на мотоциклизмот ќе имаат можност да уживаат во рекорден број на трки, дури 21 во оваа 2023 година. Специфично е што секој викенд резервиран за Мото ќе имаме по две трки, спринт во сабота и главна трка в недела, а бодови ќе освојуваат по деветте најбрзи возачи во секоја. Дукати по 15 години стигна до титулата преку Бањаја, а општ впечаток е дека овој тим одамна не бил толку силен, ако се знае дека покрај актуелниот првак во своите редови го има и Бастијанини, кој минатата сезона забележа неколку фантастични победи. Тимот на Прамак Дукати ќе биде претставуван од Жоан Зарко и од Хорхе Мартин, а настап во Мото ГП ќе има и полубратот на Валентино Роси, Лука Марани, како дел од ВР46 тимот. Што се однесува до Јамаха, тимот останува ист како и во 2022, Фабрио Квартараро се надева на титула.

Мото ГП има нов лидер во генералниот пласман

Бошко Тасиќ — Sun, 16 Oct 2022 07:46:40 +0000

Алекс Ринс победи на трката за ГН на Австралија во Мото ГП шампионатот. Ринс му ја донесе првата победа на Сузуки оваа сезона, а таа можеби ќе биде и единствена бидејќи до крајот остануваат уште две трки, по што овој тим се повлекува од Мото ГП шампионатот. Шпанецот ја доби битката со сонародникот Марк Маркез кој го освои второто место и стигна до 100. подиум во кариерата, а третото место го освои Пеко Бањаја. За Бањаја ова беше доволно да го преземе водството во генералниот пласман, пред се поради фактот што Фабио Квартараро не ја заврши трката. Бањаја сега има 233 поени, Квартараро е на второто место со 219 поени, а зад нив е А.Еспаргаро со 209 поени.

Рекорден број на трки во Мото ГП шампионатот наредната година

Бошко Тасиќ — Sat, 01 Oct 2022 05:52:16 +0000

Раководните луѓе на МOTO ГП го зголемија бројот на трки за 2023 година. Наредната сезона/година ќе се вози вкупно 21 трка, а новите патеки се во Казахстан и Индија, додека Шпанците останаа без трката во Арагон. Во Шпанија, сепак, ќе се вози на патеките во Херез, Валенсија и Каталонија. Ова се рекорден број на трки во Мото ГП шампионатот. Оваа сезона календарот брои 20 трки. Наредната сезона шампионатот ќе стартува на 26 март во Португалија, а ќе заврши на 26 ноември во Валенсија.

МОТО ГП: Бањаја прв ќе стартува во Арагон

Бошко Тасиќ — Sat, 17 Sep 2022 18:08:23 +0000

Пол позиција за Франческо Бањаја на тркаta за ГН на Арагон од шампионатот во Мото Џи Пи.

Бањаја до првото стартно место дојде по голема борба со клупскиот другар од Дукати Џек Милер кој заостана 90 илјадинки.

Третата стартна позиција му припадна на Бастијанини додека водечкиот во генералниот пласман Фабио Квартараро ќе стартува од 6. Позиција.

Доминацијата на Бањаја продолжи во Австрија

Бошко Тасиќ — Sun, 21 Aug 2022 13:38:30 +0000

Франческо „Пеко“ Бањаја првпат стигна до победа на Австриското ГП на патеката Ред бул ринг во Шпилберг, откако ја презеде контролата на стартот на трката и со своето Дукати стигна до доминантна победа пред светскиот шампион Фабио Квартараро во Јамаха и уште еден возач на Дукати, Џек Милер. За Бањаја ова е трета победа едноподруго, по доминацијата во Велика Британија и Холандија и петта оваа сезона и само лошиот старт на сезоната го спречи да биде убедлив лидер во генерален пласман. Тој останува на третото место во генерален пласман со 156 поени, 44 зад лидерот Квартараро и 11 зад второпласираниот Алеиш Еспархаро. Квартараро, кој имаше лош старт и не се наоѓаше меѓу фаворитите на оваа трка со својата Јамаха, сепак, во последните три-четири круга покажа зошто е светски шампион, поминувајќи ги Хорхе Мартин и Џек Милер за второто место.

Спринт трките влегуваат и во Мото ГП шампионатот

Бошко Тасиќ — Sun, 21 Aug 2022 09:05:33 +0000

Спринт трките како квалификации за Голема награда направија револуција во Формула 1 шампионатот, а овој пример сега ќе го наследи и Мото ГП и од 2023 година ќе започне со нивна организација. Натпреварувачката комисија се состана во Зелтвег пред ГН на Австрија каде беше прифатен предлогот претставен од страна на сопственикот на правата на натпреварувањето, Дорна. Раководството подоцна на пресконференција ги потврди промените наведувајќи дека на шампионатот му требаат промени за поголема заинтересираност од јавноста и сите тимови се сложни на овој предлог. Исто како и во Формула 1 шампионатот, спринт трките се очекува да се организираат на половина од растојанието на една трка, а возачите кои ќе завршат на првите десет места ќе добијат половина од бодовоите.