МотоГП – Kurir.mk

МотоГП: Квартараро победник во Германија

Катерина Бојаџиева — Sun, 19 Jun 2022 14:29:22 +0000

Французинот Фабио Квартараро (Јамаха) беше најбрз на денешната трка од Светското првенство во мотоциклизам во елитната MотоГП класа на патеката Сахсеринг во Германија. Актуелниот светски првак до својата трета победа сезонава, а втор по ред, дојде пред сонародникот Јохан Зарко (Дукати) и Австралиецот Џек Милер (Дукати). Со новата победа Квартараро ја зголеми и предноста во генералниот пласман. Францускиот мотоциклист сега има 172 бодови, 34 повеќе Шпанецот Алекс Еспаргаро (Априља), кој денеска беше четврти, додека трет во генералниот пласман е Зарко со 111 бодови.

Шефот на МотоГП го повика Лоренцо да донесе одлука за неговата иднина

Ивона Петрова — Fri, 08 Nov 2019 09:53:23 +0000

Шефот на МотоГП, Кармело Еспелета го повика трикратниот шампион во кралските трки, Хорхе Лоренцо, да одлучи за својата иднина, бидејќи неговиот настап со Хонда изгледа тажно. Лоренцо се мачеше да се прилагоди на машината, а по неговата повреда во Холандија во јуни, се квалификуваше надвор од првите 15 и во повеќето случаи завршуваше околу истото место. Во Австралија, Лоренцо стави крај на серијата од четири трки без освоени поени, благодарение на финишот на 14-торо место. Во Малезија, сепак, тој повторно покажа неспособност да го контролира својот мотоцикл и заврши со повеќе од една минута зад својот тимски колега – веќе осумкратен шампион Марк Маркез. – Мислам дека Лоренцо треба да донесе одлука. Го познавам добро и ми се допаѓа, но тој треба да размисли што сака во животот. Ако реши дека неговиот грб навистина многу го боли по инцидентите, што ги претрпе, Хорхе мора да размисли дали воопшто може да се опорави и да биде повторно тој пилот, што сите го знаеме одпорано. Не сакам да го гледам како завршува 19-ти, тажно е , рече Еспелета.

Квартараро со рекорд за најбрзи круг на „Сепанг“ во МотоГП

Ивона Петрова — Fri, 01 Nov 2019 08:41:48 +0000

Сателитскиот пилот на Јамаха во МотоГП, Фабио Квартараро постави рекорд за најбрз круг на патеката „Сепанг“ во Малазија, каде викендов се одржува трка во кралската класа, со време од 1:59.027 мин. Со своето достигнување, Квартараро заврши на чело на првиот тренинг на МотоГП во Малезија со предност од само 0,083 секунди против тимскиот колега Франко Морбидели. Двајцата ги забележаа најдобрите кругови во последните фази на тренингот, додека трет остана пилотот на Јамаха, Маверик Вињалес. Шпанецот беше најбрз во најголемиот дел од тренингот и беше првиот пилот кој се спушти под 2 минути.

МотоГП се враќа во Бразил

Катерина Бојаџиева — Thu, 10 Oct 2019 17:10:34 +0000

МотоГП потпиша 5-годишен договор и ќе се врати во Бразил од сезоната 2022 година на планираната нова писта во Рио де Жанеиро. Градот за последно беше домаќин на старт на Светското првенство во мотоциклизам во 2004 година на трасата во комплексот „Жакарепагуа“, кој беше срушен како резултат на инфраструктурен проект за Летните олимписки игри во 2016 година. Новиот „Рио Моторпарк“, со траса од 4,5 километри, треба да биде готов на почетокот од следната година.

Лоренцо со втора победа по ред во МотоГП со Дукати

Даниел Василев — Sun, 17 Jun 2018 15:41:38 +0000

Хорхе Лоренцо го пронајде вистинскиот ритам со Дукати во МотоГП и забележа втора последователна победа за сезоната на патеката во Барселона. Шпанецот ја продолжи победничката низа, која започна во Италија и се приклучи на групата Џакомо Агостини, Валентино Роси и Дани Педроса со над 150 подиуми. Шампионот Марк Маркез со Хонда го освои второто место, а Валентино Роси ја заврши трката нa трето место. МИА

Маркез: Трката во Франција е критична за Јамаха

Даниел Василев — Fri, 18 May 2018 09:46:35 +0000

Шампионот на МотоГП, Марк Маркез смета дека Гран При на Франција оваа недела претставува критичен момент за неговите ривали од Јамаха, откако на патеката во Ле Ман ќе стане јасно во каква состојба е конструкторот. Фабричкиот тим на Јамаха ја започна неубедливо сезоната, а во последниот круг во Шпанија тимот не настапи на ниво. Дуото Валентино Роси и Маверик Вињалес завршија петти и седми во трката, и тоа при многу откажувања пред нив. На легендарната француска патека, Јамаха има завидлива историја со победи во последните три години. Шпанецот Маркез, лидерот и победникот во Шпанија, признава дека подобрувањата на Хонда ќе се почувствуваат во Франција, но интересно е да се види каде се наоѓа Јамаха. - Трката овој викенд е поголем тест за Јамаха отколку за нас, бидејќи ако тие не се справат добро, тоа значи дека тие навистина се во лош период, изјави Маркез пред трката викендов. Токму во Франција, Вињалес ја забележа својата последна победа во кралската класа, што значи речиси една година суша. МИА