моторџии – Kurir.mk

Српски моторџии тргнаа кон Косово, специјалци ги спречија на „Јариње“ (ВИДЕО)

Ристе Здравков — Fri, 07 Jul 2023 19:06:28 +0000

Дел од медиумите јавија дека со оклопни возила косовските специјалци се упатиле кон граничниот премиер бидејќи добиле информација оти моторџиите тргнале од централна Србија кон Косово, а портпаролот на полицијата за северниот регион, Ветон Ељашани за „Танјуг“ изјави дека полицијата нема да им дозволи да влезат бидејќи не се најавиле претходно Повеќе од 60 моторџии, членови на повеќе мото-здруженија од Србија, денеска попладне сакале да влезат во Косово преку граничниот премин „Јариње“, но биле спречени од косовските специјалци, јавија дел од српските медиуми. РТС пренесува дека денеска тие тргнале во „хуманитарна Бајк-рок мисија за да им пружат поддршка и помош на Србите“. Откако биле спречени да влезат, моторџиите првично најавиле дека поради одлуката на косовската полиција, тие ќе го блокираат „Јариње“ како реципрочна мерка, но по неколку часа се откажале. Претходно, дел од медиумите јавија дека со оклопни возила косовските специјалци се упатиле кон граничниот премиер бидејќи добиле информација оти моторџиите тргнале од централна Србија кон Косово. Портпаролот на полицијата за северниот регион, Ветон Ељашани за „Танјуг“ изјави дека полицијата нема да им дозволи да влезат бидејќи не се најавиле претходно. Како што пренесува РТС, целта на моторџиите била да се врачи хуманитарна помош за две семејства од Косовска Митровица и за обнова на црква кај Звечан. Организаторот на мисијата, Милиќ Радевиќ изјавил дека оваа акција во која се пружа хуманитарна помош постои веќе 18 години.

Потрагата по тројцата моторџии изгубени на Плачковица заврши среќно

Ивона Петрова — Mon, 22 May 2023 07:17:12 +0000

Среќно заврши потрагата по тројцата моторџии кои вчера биле пријавени дека се изгубени на планината Плачковица, а нивните семејства не можеле да воспостостават телефонски контакти, информираа од Центарот за управување со кризи (ЦУК). Од ЦУК го пренесуваат известувањето од регионалниот ЦУК -Штип, дека преку единствениот повикувачки број за итни случаи, е добиена информација за изгубени лица на планина Плачковица. Тројцата моторџии биле со поголема група кои се упатиле од хотел „Бел камен“ -Радовиш кон село Зрновци. Последен контакт со нив е околу 19:00 часот, при што кажале дека се заглавени во некоја кал на неодредена локација. - Во потрага биле вклучени: 15-16 лица со мотори кои биле во нивната група, едно полициско возило од Полициската станица (ПС )Штип на правецот Туртел – одмаралиште Универзитет „Гоце Делчев“ (УГД), едно полициско возило од село Зрновци кон Плачковица, околу 20-25 луѓе од поблиската фамилија на исчезнатите лица. Истоврено, било контактирано со Доброволна планинска спасувачка служба „Осогово“ од Кочани, кои се организираат да тргнат во пребарување. Биле известени и дежурните од ДЗС Скопје за превземање мерки во нивна надлежност, се вели во соопштението од ЦУК. Регионалниот ЦУК Штип утринава извести дека од Планинарска служба Осогово со четири лица и едно теренско возило во 5.00 часот излегле на терен и пребарувале на релација Видовиште, Латал - Бел Камен. Според последните информации добиено од РЦУК Штип, едното од изгубените лица во 06:58 часот воспоставило контакт со член на фамилија и известил дека трите лица со моторите се заглавени во кал, па ноќта ја поминале на планината Плачковица и дека се во добра здравствена состојба.

ВИДЕО: Моторџии правеа итен коридор за Брза помош

Ивона Петрова — Tue, 02 Aug 2022 18:58:34 +0000

Итната помош од Карловац на Фејсбук објави видео со кое им се заблагодарува на двајца моторџии кои им го расчитувале патот правекјќи итен коридор. -Вака изгледа кога моторџии учествуваат во создавање итен коридот. Почит, стои во објавата на Итната помош. Оттаму со денови предупредуваат дека некои возачи не ги почитуваат правилата кога треба да се пропушти возило на Итната помош. Со ова видео сакаа да покажат колку е важна секоја секунда, но и да им дадат пример на останатите возачи да не ги игнорираат сирените и да бидат внимателни каде се паркираат.

Урбаните моторџии во недела повторно низ илиците на Скопје за подигање свеста за машкото здравје

Магдалена Андонова — Fri, 21 May 2021 05:42:49 +0000

Во недела низ скопските улици повторно ќе продефилираат урбаните моторџии како дел од глобалното хуманитарно движење „The Distinguished Gentleman’s Ride“ во обид да ја подигнат свеста за машкото здравје и машките болести. За разлика од лани кога поради пандемијата имаше индивидуално возење под слоганот „Ride solo together“, годинава организацијата предвидува т.н. „нова нормална” изведба со почитување на сите протоколи за заштита од Ковид-19. Годинава, ќе бидат вклучени околу 100 моторџии облечени во фини костими со своите класични мотоцикли. – Блескавоста на прекрасните мотоцикли и шармот на „дотераните” моторџии и оваа година ќе бидат задолжителен фолклор на Скопската парада, овојпат се разбира затскриени под задолжителните заштитни маски, со цел да се одржат добропознатите тематски постулати на овој настан – ширење на свеста кај машката популација и собирање на средства за борба против ракот на простата и машките самоубиства. И овојпат остануваме посветени на хуманитарната цел, заедно со сиот сјај кој го носи настанот, вели во изјава за МИА Игор Стефановски, еден од организаторите. Додава дека е чест и обврска да се биде дел од едно вакво глобално хуманитарно движење чија цел е да се соберат средства за борба против ракот на простатата. – Вреди да се спомене достигнувањето на глобално ниво, кое во изминативе 10 години за борба против ракот на простата собра повеќе од 27.5 милиони долари со над 340.000 учесници во повеќе од 107 држави во светот. Секако, и Скопското издание има свој придонес во овие бројки од 2016 година, вели Стефановски. Новина е и новиот датум за одржување на настанот, кој од вообичаениот септемвриски термин е поместен на 23 мај. (МИА)

Моторџиите на протест против пресудата за сообраќајката кај Млечен – ова е нивната порака

Ивана Ефремовски — Sat, 19 Dec 2020 11:42:33 +0000

Почна протестот на моторџиите против пресудата за сообраќајката кај Млечен во која пред две години животот го загуби Гоце Димитриевски, а со тешко повредена беше неговата сопруга Наташа, која го загуби и нероденото бебе. Мото Протестот е знак на незадоволство со пресудата во која Васил Чорбаџиев доби условна казна иако во моментот на несреќата преминал преку две полни ленти и удрил во моторот на Димитриевски. -Со мото протестот, ние, мото клубовите и поединци од Македонија, сакаме да ја предупредиме јавноста и институциите дека владее недозволива неказнивост на сторители на тешки кривични дела кои завршуваат со смрт во сообраќајни несреќи каде инволвирани се мотоциклисти. Сообраќајните незгоди можат да му се случат на секого, вклучувајќи не и нас мотоциклистите, но секој треба да одговара за своите постапки. Во изминатите години сме сведоци на многу случаи во кои мотоциклисти гинат на патиштата низ Македонија, а одговорните лица не ја добиваат заслужената казна, велат моторџиите.

Казнети 46 моторџии ноќеска во Скопје

Ивана Ефремовски — Sun, 01 Sep 2019 07:52:54 +0000

Санкционирани се 46 моторџии и изречени се им мандатни казни во акциската контрола што ја спроведе Одделението за безбедност на патниот сообраќај синоќа од 20 часот до еден часот по полноќ на подрачјето на Скопје. -Во акциската контрола се откриени и 26 останати прекршоци за кои се издадени 14 мандатни платни налози и 12 прекршочни платни налози, соопшти Министерството за внатрешни работи.

Полицијата за пет часа казни 12 моторџии

Дарко Андоновски — Sun, 19 May 2019 15:49:48 +0000

При зајакнати акциски контроли на полицијата, вчера од 14 до 19 часот полициските службеници откриле 12 прекршоци. Еден за управување мотоцикл без возачка дозвола, два со- измината важност на сообраќајна дозвола, три за управување со несоодветна категорија и шест за управување без заштитен шлем (кацига). Контролите се спроведени од страна на Одделението за безбедност на патниот сообраќај при Секторот за внатрешни работи, а за прекршоците издадени се 12 прекршочни платни налози. Од МВР информираат дека дополнително се откриени уште 97 останати прекршоци и за 62 од нив издадени се мандатни платни налози и за 35 прекршочни платни налози.

Моторџиите излегоа на протест, побараа од градоначалникот да ја повлече одлуката за плаќање паркинг за мотори (ФОТО ГАЛЕРИЈА)

Матеја Петровски — Sun, 01 Jul 2018 11:48:02 +0000

Одлуката на градоначалникот Петре Шилегов и градската администрација да воведат плаќање паркинг за мотори предизвика бура реакции во јавноста. Моторџиите, кои се директно најпогодени од оваа одлука денеска одржаа протест пред просториите на град Скопје, каде остварија и средба со градоначалникот. Тој им кажа дека идејата на Градот е во првата година паркирањето на специјализираните паркиралиште да биде бесплатно, а по првата година да се наплаќа од 5 до 7 денари за саат. Ваквиот предлог на скопскиот градоначалник предизвика незадоволство кај присутните моторџии, кои рекоа дека никаде во светот не се наплаќа ова. Тие го прашаа Шилегов дали размислил низ какви улици возат моторџиите и го обвинија дека не води грижа за нив. Го повикаа да покаже прво чувство за нивна безбедност, па после да дебатираат. -Пред да донесете ваква одлука не сум слушнал да поканите било кој од било кој мото клуб на разговор. Размислите пред да донесете одлука, ние ова го сфаќаме само како начин градот да добие финансиски средства, ништо повеќе рече еден од моторџиите. Не ни треба паркинг места и така плаќаме поголеми давачки за регистрација. Ќе паркирам јас како сакам, а не вие да ми кажете како да паркирам, се фаќате за најбенигниот проблем, порачаа моторџиите. Според нив, со минорни исклучоци, меѓу кои е и градот Дубаи од 2017 година, никаде во Европа и во светот не се наплаќа паркирањето на мотоцикли и на мопеди. Согласно тоа, нема позитивна пракса врз која Град Скопје би ја темелел својата одлука. ФОТО:КУРИР

ФОТО: Локален силеџија малтретирал 7-годишно девојче, а потоа пред вратите му се собра толпа народ

Курир — Sun, 07 Jan 2018 13:01:51 +0000

Ешли Вастекевиц речиси една година била мета на малтретирање од страна на единаесет годишно момче од соседството. Тој ја навредувал, нарекувал со погрдни имиња, а потоа станал и агресивен, ја туркал од велосипедот и нејзиниот живот го направил пекол. После еден од неговите напади, Ешли морала и во болница. Локалниот фраер е дури и обвинет за напад, но неговото семејство негирало дека го малтретирал седум годишното девојче. -Се чуствуваше како никој да не ја сака, како никој да не се грижи за неа. Беше осамена, се плашеше сама да излезе од куќата и целото лето го помина дома, раскажува нејзината мајка Кристин. Кристин не можела тоа повеќе да го поднесе и на социјалните мрежи отворила страница „Правда за Ешли“, каде молела за помош и совет. Се надевала дека некој со сличен проблем ќе одговори и ќе и каже што да прави, но не можела ни да сонува кој ќе им излезе во помош. Приказната за малата Ешли стигнала до локалниот мото клуб. Се собрале и се одлучиле да и помогнат. -Не веруваме во малтретирање. Никој не би требало да биде малтретиран. Одлучивме да покажеме дека Ешли е сакана и дека има луѓе на кои им е важна, изјави Џејмс Дингмон од американскиот мото- клуб. Моторџиите, Ешли и нејзината мајка се сретнале кај блиското игралиште, каде девојчето им ја раскажала својата приказна. После тоа, целата група моторџии ја испратиле Ешли до куќата. Додека се враќале, застанале и пред куќата на момчето кој ја малтретирал, со цел да му стават до знаење дека Ешли не е сама. -Веќе не се плашам, извикала Ешли.