Мозамбик – Kurir.mk

Пастор се обидел да пости како Исус па починал

Тале Кристо — Fri, 17 Feb 2023 12:32:52 +0000

Пасторот Франциско Барајах почина откако се обидел да пости 40 дена, по примерот наведен во Библијата, имитирајќи го Исус. Бараја (39) воедно и основач на Евангелистичката црква Санта Триндад, починал во болница во градот Беира, каде што бил префрлен во критична состојба, при што му е констатирана акутна анемија и откажување на органите за варење. Тој 25 дена не пиел вода и не јадел ништо. Бараја, исто така, бил учител по француски јазик во градот Месика во централната провинција Маница, на границата со Зимбабве. Членовите на црквата Санта Триндад изјавија дека не е невообичаено свештеникот и неговите следбеници да постат, но не толку долго.

Тропскиот циклон Гомбе предизвика 53 жртви во Мозамбик

Дарко Андоновски — Fri, 18 Mar 2022 08:38:09 +0000

Најмалку 53 лица загинаа во Мозамбик откако тропскиот циклон Гомбе ја погоди земјата пред една недела, изјави одговорниот политичар за тешко погодената провинција Нампула, Мети Гондола, јави ДПА. Гондола синоќа ја соопшти и бројката на загинати, предупредувајќи дека вистинската бројка на жртви може да биде многу поголема. Илјадници куќи во оваа северна крајбрежна провинција се делумно или целосно уништени, а многу области се целосно отсечени од надворешниот свет поради поплавите и оштетувањата на патиштата, што напорите за помош ги прави речиси невозможни. Брзината на ветрот на циклонот достигна околу 200 километри на час додека минатата недела ја зафати оваа југоисточна африканска земја, појасни ДПА. Јужниот дел на Африка во моментов минува низ летната сезона на циклони, која носи силни бури и врнежи до март или април.

Терористи обезглавија 50 луѓе во Мозамбик

Магдалена Андонова — Tue, 10 Nov 2020 09:25:53 +0000

Исламски терористи обезглавија 50 луѓе во северниот дел на Мозамбик, објавија локалните медиуми. Група екстремисти, поврзани со Исламистичка држава, отворилке оган врз жителите на неколку села, а потоа преживеаните ги одвеле во фудбалското игралиште во селото Муатиде, каде ги обезглавиле. Во провинцијата Кабо Делгадо судирите со екстремистичката група траат неколку денови. (МИА)

Претседателот на Мозамбик и лидерот на опозицијата потпишаа нов мировен договор

Ивона Петрова — Wed, 07 Aug 2019 06:53:03 +0000

Претседателот на Мозамбик, Филипе Њуси, и лидерот на најголемата опозициска група во земјата, Осуфо Момаде, синоќа во Мапуту потпишаа нов мировен договор, јавија светските агенции. Со договорот двете страни се обврзаа на завршување на повеќегодишното насилство во земјата и спроведување избори. Со потпишувањето на „Спогодбата за мир и национално помирување“, Њуси и Момаде , лидер на движењето Ренамо, се обврзаа дека мирно ќе учествуваат на изборите закажани за 15 октомври. На церемонијата на потпишување на документот присуствуваа пет шефови на африкански држави, вклучувајќи го и претседателот на Јужна Африка, Сирил Рамафос, како и шефицата на европската дипломатија Федерика Могерини и министерката за надворешни работи на Португалија, Тереса Ребеиро, јавија португалските медиуми. Португалија, која била колонијална сила во Мозамбик до стекнувањето на нејзината независност во 1975 година, ги поддржа мировните преговори. Њуси и Момаде на 1 август потпишаа и Договор за прекин на сите воени непријателства.

Двата договора се резултат на повеќегодишните преговори за завршување на повременото насилство до кое доаѓаше и по 1992 година, кога беше завршена 15-годишната граѓанска војна во оваа земја, во која загинаа околу еден милион луѓе. Во 2014 година беше потпишан првиот мировен договор, но насилството повремено продолжуваше. МИА