Можевте…

Љупчо Цветановски — Mon, 01 Mar 2021 12:13:59 +0000

Во наплив на „транспарентност“ Злорада Пелинска истресе уште една зелена. Ова му доаѓа како ново продолжение на Рациниот трагикомичен шпански серијал „Можевме први да набавиме вакцини“. Да, таа навистина може многу работи. Очебијно, не може само една. Не може да престане да ги извртува работите. Пуста навика... Како поинаку да ја толкувате небулозата „Можевме да не кажеме за вратениот капар за кинеските вакцини, но сакавме да бидеме транспарентни?!!?!?!?!?!?!“ Ок, транспарентни сте. Факт. Ама буквално - транспарентни = проѕирни, провидни, скроз... И сега? Сега као македонскиот народ треба да биде пресреќен, да ’лцне од радост и падне во несвест што Рада и Заевата банда не сокриле дека е вратен капарот за вакцините кои никогаш нема да ги добиеме? Ааааа, а вие со Филипчо да донесевте некоја вакцина? Наместо да враќате капари, да „вратевте“ некој шлепер ил авион со вакцини? Ко целиот нормален свет, па и ненормалниот. Сите земаа и „вратија“ вакцини по дома, сите, само вие дилајли низаедни не’ оставивте да се крстиме во Бога, оти со вас ко Власт ништо друго и не останува. Бог да не’ чува... И аман, доста со тоа можевме. Толку соодветно предизборно мото немал никогаш никој во историјата. Светска, не македонска. Можевте... Да, можевте и да не смените име на сила. Можевте да не смените и Устав и Преамбула со уцени. Можевте и да не смените имиња на институции и да избришете придавка МАКЕДОНСКА. Можевте да не смените имиња на автопати и аеродроми. Можевте и да не донесете двојазичност. Можевте и да не ги затворите патриотите од 27-ми и да ги направите терористи. Можевте и да не го бутнете системот на ДИК на 15 јули. Можевте и да не тресете толку глупости и да не чепкате во историјата. Можевте да не му се упикувате на Бојко и на Бугарите. Можевте да не не’ срамите. Можевте и да не правите Попис за Албанците. Можевте да не менувате лични документи за Грците. Можевте и да на правите образовни реформи за Бугарите. Можевте и да направите нешто за Македонците, за промена. Можевте да стокмите и нешто за економијата. Можевте и да донесете некоја инвестиција. Можевте и да не правте драмолетка со Мијалков. Можевте и да не се задолжувате толку. Можевте и да донесете некоја вакцина без да тресете зелени. Можевте и да не се фалите толку со српскиот „подарок“. Можевте да не чекате милостина. Можевте и малку да се заангажиравте околу короната. Можевте да не умрете над 3.000 луѓе и да не заразите над 100.000. Да. Можевте и да сфатите дека не секој е кадарен да владее, колку и да е послушен, самобендисан и арогантен. Можевте, дефинитивно можевте мнооооогу работи. Уште, само да знаевте...

МОЖЕВТЕ…

Љупчо Цветановски — Wed, 24 Jun 2020 19:04:21 +0000

„Можеме“?! Со овој слоган бизнис компанијата на СДССС и БЕСА ќе собира гласови. Го погодија ли? Хмммм... Jок. За малку. Пак статива. Утнаа само една буква, ја вметнувате и се’ е во ред. Да, требаше да одите со „МОЖЕВМЕ“, многу подобро ќе ви прилегаше. Одличен опис на целиот ви тригодишен мандат. Ееее, тоа ќе беше тоа, МОЖЕВМЕ... Чуму МОЖЕВТЕ? Епа, еве зошто: -МОЖЕВТЕ да победите на избори за да владеете... - МОЖЕВТЕ да нe ја потпишете Преспанската капитулација... - МОЖЕВТЕ да го почитувате Референдумот и ставот на народот и да не го смените името на државата... - МОЖЕВТЕ да не го смените Уставот и Преамбулата... - МОЖЕВТЕ да ја почитувате Венецијанска и да не донесете Закон за двојазичност... - МОЖЕВТЕ да не го исфингирате 27. април и да не испратите во апс еден куп патриоти... - МОЖЕВТЕ да не ја потпишете бугарската лакрдија од договор, за сега со искомплексираните комшии да не се расправаме за јазикот, нацијата, историјата, Гоце, Илинденско... - МОЖЕВТЕ да не ги пуштите дома убијците на децата од Смиљковско езеро... - МОЖЕВТЕ да не го осудите дедото на драконски 4 години за кубење на Пелинска, а убиецот на Кољо на бедни 3 лета... - МОЖЕВТЕ да ги врзете малу Лошила, Вилма и Љубо и да не му давата на Зоки толку ТРАС-ТРАС да им чини... - МОЖЕВТЕ да не ви лепат толку рачињата и толку РЕКЕТ да земате преку Боки, Кате, Фросина, Кики и компанија... - МОЖЕВТЕ на Заевци да им ускратите од тоа Луј Витон ташните... - МОЖЕВТЕ да олабавите во тендерите, не мораше сите ваши партијци да ги ќарат ... - МОЖЕВТЕ да го олабавите малу Фондот за иновации, кој толку неинвентивно го испразнивте... - МОЖЕВТЕ преку НОЌ да го решите муртинецот ДЕН и да го искарате толку пари да не дипли... - МОЖЕВТЕ да научите некое знаме на држава, да не не брукате со Австрија, Црна Гора и Аризона... - МОЖЕВТЕ да научите КАДЕ Е ДОМА, дека не е во Германија и Франција, оти ДОМА СИ Е ДОМА... - МОЖЕВТЕ да не му дозволувате на црпнатото чедо да си игра со таблети и телефони и да врти по Порошенковци и Столтенберзи... - МОЖЕВТЕ да подработите малку и да не ја доутепате економијата... - МОЖЕВТЕ да не го обновите Диво насеље и да не им учините на терористите кои убија ОСУМ БРАНИТЕЛИ... - МОЖЕВТЕ да направите барем нешто за да илјадници млади не си заминат во јабана... - МОЖЕВТЕ да не изигравате машино-бравари, и да не вежбате со брусалиците по сонцето од Кутлеш... - МОЖЕВТЕ и УЧК да не ви биде иконографија на секоја фотка на врхушката... -МОЖЕВТЕ да се извините за злоупотребата на малата Тамара, Нешковски, Младенов и убиените во Монструм... - МОЖЕВТЕ да го спречите Барон Муртинхаузен кога се сликаше со лажниот црногорски принц, светот да не ни се потсмева И ДА МУ ЗАБРАНИТЕ ДА ОТВОРА УСТА ЗА ДА НЕ НЕ БРУКА... - МОЖЕВТЕ да не го менувате името на АРМ и да не ја извадите придавката МАКЕДОНСКИ од сите институции за да им учините на Грците... - МОЖЕВТЕ да оставевте да тече проектот за Клиничкиот центар, кој досега ќе го имавме... -МОЖЕВТЕ да донесете некоја инвестиција и да изградите бар 100 метри нов пат, а не само фејќерски да ставате нов асфалт и да лажете дека нешто работите... - МОЖЕВТЕ да не лажете дека ја победивте короната, да не укинувате мерки и да реагирате малу подобро за да немаме над 5.300 заболени и 251 починат... - МОЖЕВТЕ да не бидете толкави дилајли и да мрднете со прст за да економската криза која следува не биде толку голема... -МОЖЕВТЕ среде корона да не двоите пари за СЈО и вашите НВО, а истите да им ги дадете на хероите од полицијата, здравството, војската, касиерите, возачите итн. итд. и др... - МОЖЕВТЕ да не бидете толку неспособни и ТРАНСПАРЕНТНО настрвени т.е. ПРОЅИРНИ во своите недела кон Македонија, националните светии и кон македонската нација... -МОЖЕВТЕ... Да, МОЖЕВТЕ многу работи, ама не ги направивте затоа што сте лукративна бизнис компанија возљубена во несветото тројство ВЛАСТ, ПАРИ И МОЌ... А за она „МОЖЕМЕ“, многу добро знаеме што се’ можете. Видовме за што се’ сте способни. Арно ама, рокот на употреба на корисните идиоти е краток, завршивте се’ што требаше, ви помина траењето. Упс, а дојдоа избори. Затоа, НЕМА ДА МОЖЕТЕ...

можевте – Kurir.mk

Можевте…

МОЖЕВТЕ…