можност – Kurir.mk

Бензема не исклучува можност еден ден да стане тренер на Реал

Магдалена Андонова — Tue, 04 Aug 2020 09:01:55 +0000

Напаѓачот на Реал Мадрид, Карим Бензема призна дека би сакал да се врати во клубот по пензионирањето. Французинот е подготвен да стане тренер на тимот. – Тренер на Реал Мадрид некој пат? Зошто да не. Тоа е сон како и на сите други. Но, за сега ќе играм, а во иднина ќе видам дали можам да го тренирам тимот, изјави Бензема. Французинот беше еден од најзаслужните за освоената шампионска титула во Шпанија во сезоната што неодамна заврши. Реал го очекува реваншот со Манчестер сити во осминафиналето од Лигата на шампионите закажан за 7 август. На првиот меч во Шпанија, англискиот тим победи со 2:1. (МИА)

Грчката Влада ја разгледува можноста да воведе задолжителна употреба на маска во продавниците и црквите

Магдалена Андонова — Mon, 27 Jul 2020 14:10:19 +0000

Во следните денови, следејќи ги препораките од експертите, доколку биде потребно, употребата на маска, ќе биде задолжителна во повеќе затворени простори, рече портпаролот на грчката Влада Стелиос Пецас на денешниот редовен брифинг со новинарите, јави дописничката на МИА од Атина. Пецас истакна дека ги загрижува зголемениот број позитивни случаи на Ковид-19 особено во големите урбани средини како што е областа Атика, поширокиот регион на Атина и Солун и токму затоа се разгледува можноста да се воведе задолжитела употреба на маска онаму каде што сега не постои обврска за граѓаните. Како пример ги спомена продавниците во моловите и трговските центри, но и црквите. Објасни дека е нешто се разгледуваа од експертите и кога ќе постои одлука од надлежната комисија, ќе биде соопштена. Портпаролот на грчката Влада повтори дека главниот непријател е во внатрешноста на земјата, а тоа е олабавувањето на граѓаните. -Зголемениот број случаи во урбаните центри како што се Атика и Солун потсетува дека вирусот и понатаму е присутен и се храни од нашата опуштеност, истакна портпаролот на грчката Влада. Паралелно, соопшти дека во периодот од 24 до 26 јули биле направени 2.816 контроли за почитување на здравствените протоколи, биле регистрирани прекршувања во 198 случаи и изречени 220 казни во висина од 86.050 евра. (МИА)

Израел донесе нов закон што и дава можност на Владата да прогласи вонредна состојба и поголеми овластувања

Магдалена Андонова — Thu, 23 Jul 2020 09:40:40 +0000

Изреалскиот Кнесет усвои „Голем коронавирус закон“ што и овозможува на Владата да прогласи вонредна состојба и да примени вонредни мерки за да се справи со пандемијата, без дозвола од парламентарниот комитет што е задолжен за тоа. Законот е усвоен со 48 гласови „за“ и 35 гласови против. Според новиот закон, што ќе важи до јуни следната година, изреалската Влада ќе може да прогласи вонредна состојба во времетраење од 60 дена, ако има соменение дека постои ризик од ширење на новиот коронавирус и значителна штета на јавното здравје. Доколку ситуацијата се подобри, ќе биде укината вонредната состојба. За разлика од претходниот, привремен закон, полицијата нема да може да влегува во приватни домови без наредба од судот. Бројот на новозаразени со Ковид-19 во Израел во последните 24 часа надмина 2.000 втор ден по ред, соопштија изреалските здравствени власти. Најмалку 2.027 лица се тестирани позитивни на новиот коронавирус, а стапката на инфекција е 8.3 проценти, односно секој дванаесетти тестиран е позитивен за новиот вирус. (МИА)

Покетино доби можност да води нов клуб

Тале Кристо — Tue, 19 May 2020 11:47:39 +0000

Поранешниот тренер на Тотенхем, Маурисио Покетино, од вчера смее да води друг клуб, објави „Дејли телеграф“. Според британскиот медиум, Тотенхем, кој го отпушти Покетино во ноември 2019 година, продолжи да му плаќа плата на Аргентинецот и го испрати на одмор, во кој не можеше да води друг клуб. Сепак, на 18 мај, ден по првичниот датум за завршување на сезоната во Премиер лигата, договорот на Покетино со лондончаните заврши, и тој може да си бара друг ангажман.