мозолчиња – Kurir.mk

Зошто на некои луѓе им причинува задоволство стискањето мозолчиња на другите? Психотерапевт открива: Ова е пораката која тие ви ја испраќаат

Ристе Здравков — Thu, 17 Aug 2023 20:46:28 +0000

Повеќето луѓе кои доколку имаат мозолче на лицето, тоа е причина нивниот ден да е уништен – особено ако имаат некој важен настан. Стискањето на мозолчиња во ниту еден случај не се препорачува, бидејќи може да ја оштети кожата, да доведе до инфекција и трајни лузни. Но, некои луѓе едноставно не можат да одолеат. Има и такви кои обожаваат и на другите да им ги стискаат овие „здодевни напасти“ на кожата. Дали е тоа само чисто задоволство или, пак, нешто друго се крие зад тоа – открил Мет Труб, детски и семеен психотерапевт. Најчесто тоа било забележано кај паровите и како што вели, тоа денес не е воопшто нешто невообичаено. „За многумина, стискањето на мозолчиња причинува задоволство. Не само што го ослободува физичкиот притисок, туку има и пријатен ментален ефект на ослободување на допамин“, раскажал тој. Меѓутоа, не секогаш станува збор за тоа како би се чувствувале подобро. Психолошки, постојат многу причини зошто некој ги стиска мозолчињата на блиската личност. На некој начин, тоа е знак на љубов и грижа. „Колку и да звучи „одвратно“ за некого, сепак тоа е показател за одредена блискост, поврзаност и наклонетост меѓу вас и вашиот партнер“, кажал психотерапевтот и додал дека за некого мозолчињата може да претставуваат несовршеност и непријатност. „Тоа некако кореспондира со изнаоѓањето на решенија. Во одреден поглед, тоа е начин да го „подобрите“ изгледот на вашиот партнер“, додал психотерапевтот во својот заклучок.

Трик за убавина од 90-тите кој е повторно популарен: Корисен совет како да ги сокриете мозолчињата

Ристе Здравков — Fri, 11 Aug 2023 07:27:54 +0000

Малку работи имаат моќ да го уништат секој ден како несакано мозолче што ќе се појави во погрешен момент. Слој подлога, па коректор, па уште пудра и уште коректор, но таа е сè уште таму. Сокривањето на мозолчето со голема количина шминка ретко успева, па затоа е важно да почнете да размислувате во друга насока. За среќа, постои еден мал трик за убавина кој беше исклучително популарен во 1990-тите и на кој се чини дека сите сме заборавиле кога станува збор за овој проблем. Веќе знаете дека натрупувањето слој по слој од коректор и пудра само дополнително ја нагласува текстурата на несаканото мозолче. Колку и да се трудиме да го скриеме црвенилото, не можеме да ја сокриеме текстурата. Затоа, секогаш останува забележливо. Затоа, наместо неуспешно да се обидуваме да го скриеме со големи количини на производи, ние ќе го трансформираме. Затоа, кога ќе ја започнете шминката, нанесете ја вашата основа како што обично би правеле. Обидете се да го покриете црвенилото на мозолчето што е можно повеќе, но не грижете се ако не успеете целосно. Сега доаѓа клучниот дел од овој трик – земете кафеав молив за очи или кафеава сенка и едноставно нацртајте точка над мозолчето за да му дадете изглед на бенка. Значи, фактот што кожата е подигната таму работи во наша корист, што ја прави бенката многу поверодостојна, наместо неуспешно да се обидуваме да ја камуфлираме. Доколку сакате, додајте уште ситни „бемки“ околу лицето за да ги споите сите заедно и да го направите вашиот мал натрапник невидлив. Испробајте го овој едноставен мал трик следниот пат кога ќе имате непожелен гостин на вашето лице, и сигурни сме дека тој ќе стане ваш нов вистински коректор за мозолчиња.

@f.bermann ✰ did you know about this hack? #makeupartist #fyp #makeuptips #makeuphack #makeuptricks ♬ original sound - f.bermann

Не ги стискајте мозолчињата, си правите огромна штета на лицето – последиците можат да траат со години

Ивана Ефремовски — Fri, 24 Mar 2023 22:00:19 +0000

Постојат причини зошто не треба да ги пукате мозолчињата, а иако тоа звучи безопасно, оваа лоша навика има посериозни и долготрајни последици. Дерматолозите откриваат зошто не треба да ги стискаме мозолчињата! Формирање лузни Дерматолозите велат дека дури и ако мозолчето изгледа подготвено да пукне, тоа ја крши кожата и остава трага на неа. Исто така посочуваат дека црвената или кафената промена на боја, вообичаено наречена постинфламаторна хиперпигментација, речиси сигурно ќе остане. Тие траги можат да траат и неколку месеци или години, во зависност од типот и тонот на кожата, но и од производите што се користат за нега. Траума на кожата Реакцијата на истиснување е отекување на кожата, а може да ја влошите траумата во тоа подрачје, што ги зголемува шансите за лузни. Исто е кога ќе стиснете и ќе се формира краста која не можете да престанете да ја допирате. Таа краста е важен дел од регенерацијата на кожата и прекинувањето на тој процес е најлошото нешто што можете да го направите. Инфекција Ако ја допрете кожата со валкани раце или нанесете шминка откако ќе ја стиснете без темелно да го исчистите местото, ризикувате инфекција. Дерматолозите истакнуваат дека инфекцијата не е толку честа, но секогаш може да се случи, а потоа да се појават мали лузни. Подолго време на регенерација Дерматолозите објаснуваат дека со стискање на мозолчињата тие нема да исчезнат побрзо, туку сосема спротивно. А освен што нема да ги отстраните од кожата, со стискање ќе добиете и испукана кожа која малку крвари, што секако ќе го продолжи процесот на заздравување.

Заборавете на мозолчиња: Ослободете се од нив со природен третман за акни

Ристе Здравков — Wed, 24 Aug 2022 20:30:55 +0000

Користете медицински масла Како да ги третираме со помош на природни есенцијални масла, напиша Невен Карин, фитотерапевт, духовен и енергетски исцелител, за магазинот „Сенса“. „Најчеста грешка при лекувањето на акните е употребата на разни средства за чистење на лицето, кои во исто време ја отстрануваат природната заштита на кожата, што ја прави уште поранлива. Инаку, сапуните обично имаат pH вредност од околу 9 или 10, што го отстранува киселиот слој на кожата, оставајќи ја многу ранлива. За споредба, 0 е исклучително кисела, а 14 е исклучително базна, додека 7 е неутрална pH вредност, што е воедно вредноста која ја има водата. Нашата кожа треба да има природна pH вредност од 5, што е малку кисела, но честото миење и употребата на разни производи кои немаат соодветна pH вредност доведува до нерамнотежа, оставајќи ја нашата кожа незаштитена. Поради оваа причина, многу е важно да се врати природната pH вредност на кожата по употреба на такви производи или отстранување шминка. Кожата со акни бара упорност и редовна примена и најдобро е третманот да биде индивидуализиран“. Масло за општа нега на кожа погодена од акни 10 мл масло од лешник 8 мл сквалан 5 мл масло од таману 5 мл масло од јојоба 8 капки есенцијално масло од чајно дрво 7 капки есенцијално масло од лаванда 5 капки есенцијално масло од германска камилица 2 капки антиоксидативен екстракт од рузмарин Истурете ги сите состојки во шише од 30 мл, добро протресете и нанесувајте ги на местото погодено од акни 1-2 пати на ден, идеално на кожа навлажнета со соодветен хидролат или лосион.

Совети за луѓето кои имаат проблем со акни и мозолчиња

Магдалена Андонова — Wed, 17 Aug 2022 18:57:40 +0000

Првиот чекор во борбата против мозолчињата на грбот е редовното туширање, по можност два пати дневно – наутро и навечер. Тоа е особено важно доколку сте склони на потење или се занимавате со некој спорт. Потоа, не треба дa користите производи за нега на кожа кои се масни и содржат парфеми. Користете благи сапуни, пожелно е на база на бензоилпероксид или сулфур, бидејќи тие ја отстрануваат маснотијата од кожата. Два до три пати неделно направете пилинг на грбот, но некој поблаг за да не ја оштетите кожата и со тоа да ја влошите ситуацијата. Внимавајте и со што ја миете косата бидејќи разните балзами и сличните агресивни средства можат да ја исушат кожата на вашиот грб. Шампоните кои содржат ланолин, вазелин и петролеј, никако не се за вас. Доколку акните на вашиот грб се упорни, посетете дерматолог, не козметичар, тоа е најдобрата превенција против лузни. Хемиските пилинзи, меѓу останатото, можат да бидат од голема помош, но тоа мора да го обави медицинско лице.

Не ви требаат скапи креми: Направете си го сами лекот кој брише мозолчиња

Ивана Ефремовски — Mon, 07 Feb 2022 12:11:17 +0000

Многумина од нас се борат со мозолиња, митесери и поради тоа посегнуваат по скапи производи кои се полни со штетни вештачки материи. Тие производи често не помагаат, а можат и да ја влошат состојбата. Наместо тоа, подобро да пробате природни препарати, како што е овој. Направете крема на едноставен начин која вашето лице ќе го направи чисто, мазно и блексаво: Потребно ви е: 1 лажичка лимонов сок 1 лажица мед 1 лажица мелен мускатен орев 1 лажица цимет во прав Подготовка и начин на користење: Помешајте ги сите состојки во сад и мешајте додека да добиете густа смеса, а добиената крема нанесете ја на лицето и оставете ја да делува 10 минути. Внимавајте на подрачјето околу очите и устата при нанесувањето на било каква крема. Додека ја држите кремата можно е да се јави чувство на пецкање, а тоа значи дека таа делува. Состојките од оваа крема ќе делуваат смирувачки на вашата кожа, а погодно ќе делуваат и на присуството на црвенило.

Совети за кожата и мозолчињата по летото

Дарко Андоновски — Wed, 22 Sep 2021 09:51:06 +0000

Летото заврши, но, ако човекот размислува така, доаѓа уште една одлична сезона и, како што пишува бугарскиот портал „Една“ – совршено време за нега на кожата. Во напорите лете да добиеме „чоколаден тен“, но и давајќи му сјај на лицето со шминка и слично, честопати и целосно се заборава на здравјето и состојбата на кожата. Есента е време кога сѐ тоа правилно се надополнува. Ако случајно во огледалото ги гледате оние црвени или бели „спомени“ од летото и траги од Сонце, топлина, пот, маски и сите „подробности“ кои „одат во полза“ на мозолчињата, нема простор за грижа. Решението почнува со правилно чистење на кожата. Втор чекор е лосионот, но важно е тој да е во согласност со кожата, особено ако таа е мрсна и проблематична. Во тој случај, се препорачуваат лосиони со алкохол, алфа-хидрокси и бета-хидрокси и провитамин Б-17. Тие се погодни и за лицето, но и вратот, деколтето и грбот. Добро е да се нанесува еднаш до двапати на ден и резултатот нема да задоцни. Не се препорачува изложување на сончева енергија веднаш по употребата на кремата.

Не сите мозолчиња треба сами да ги истиснуваме

Ивона Петрова — Mon, 05 Nov 2018 09:51:02 +0000

Д-р Сандра Ли, попозната како д-р Пимпл Попер е Јутјуб ѕвезда која својата „популарност“ ја стекна со стручниот третман на своите клиенти со мозолчиња. Како што самата вели, нејзина цел не е да привлече гледаност прикажувајќи одвратни работи, туку да им покаже на своите следачи како правилно да го исчистат лицето од овие непријатни израстоци. – Кога ќе го одредите видот на мозолчето, измијте ги рацете и лицето со средство за лице и топла вода. На лицето ставете крпа натопена во топла вода, за порите да се отворат. Притоа гнојниците може и сами да пукнат. Доколку пак, мозолчето е „тврдоглаво“, најсоодветен начин за истиснување е оној со комедонска екстракција, со посебна пинцета со округла глава. Ако притоа се појави крв, престанете со стискање, објаснува докторката. Според неа, постојат три вида мозолчиња… Митесерите се затнати пори кои може и сами да ги истиснеме без да остават траги на кожата, како и гнојниците – црвени израстоци со бел врв. Но, цистите треба да ги отстрани само стручно лице. А за нив постојат и лекови што се купуваат на рецепт. МИА

Тој е навистина малер: Жена му го фатила во неверство поради стиснати мозолчиња

Матеја Петровски — Fri, 06 Jul 2018 15:15:19 +0000

Доколку нешто е сигурно во сценарио во кое едниот партнер го изневерува другиот, тоа дека другиот партнер се ќе дознае, само прашање е како и кога. На тежок тоа го дозна и овој Турчин. Анонимна Турчинка се посомневала дека сопругот ја изневерува на најбизарен можен начин. Имено, таа неодамна на неговиот грб забележала стиснати мозолчиња, нешто што инаку го правела само таа, пишува британски Мирор. Кога го прашала сопругот, со кого е во брак две години, кој му ги стиснал мозолчињата, тој ја променил темата. Сепак, на неговата сопруга тие празни оправдувања не и биле логични, па брзо после тоа криејќи се го земала неговиот телефонот и пронашла пораки кои ги разменувал со друга жена. 37 годишната Толга Ајдемир, адвокат на изневерената сопруга, изјавила дека ваков случај се уште немала и смета дека нејзината клиентка може да се спореди со славниот детектив Шерлок Холмс.