Мрсната и слатка храна се опасни и за мозокот

Магдалена Андонова — Thu, 10 Dec 2020 09:35:21 +0000

Од сите органи, мозокот најлесно може да се оштети од нездрава исхрана, смета Лиза Москони, доцент по неврологија и радиологија на американскиот Универзитет Корнел во Њујорк. – Храната богата со заситени животински масти го зголемува ризикот од срцеви болести и мозочни проблеми… Кога јадеме масна или слатка храна, се случуваат симптоми на летаргија, поспаност и губење на помнењето, рече таа на скорешиот Медицински форум. Според неа, таквата храна може да доведе до губење на функционалните и структурните елементи во мозокот и да го направи поранлив на стареење и деменција. За да го спречите несаканото влијание, д-р Москони препорачува да се јаде храна богата со антиоксиданси, како што се витамините Ц и Е, бета-каротен, омега-3 масни киселини и антиинфламаторни Б-витамини. (МИА)

Внимавајте: Во време на строги пости, мрсното се продава како посно

Катерина Бојаџиева — Thu, 29 Nov 2018 12:18:22 +0000

Внимавајте, бидејќи во време на строги пости, мрсното се продава како посно. Во маркетите се продаваат „посни“ производи што содржат казеин и сурутка во прав, а потрошувачите не знаат дека овие две компоненти имаат животинско потекло и дека се, практично, измамени. За време на Божикниот пост под ознака „посно“ на рафтовите се нуди храна што содржи млеко, желатин од животинско потекло, свинска маст и други мрсни состојки. Според експертите, за посни производи се сметаат тие во кои млечните масти се заменети со растителни, но токму тука е манипулацијата. -Производите што содржат казеин или сурутка (во прав) воопшто не се посни бидејќи потеклото на овие две компоненти е животинско. Точно дека од млекото се одделува млечната маст и таа се заменува со растителна, но казеинот останува, и затоа производот не може и не треба да се декларира како растителен, уште помалку како посен. Слично е и со сурутката, објаснуваат експертите, пренесува порталот Скопје инфо. Сурутката е исклучително здрава, има висока хранлива вредност, ја забрзува дигестијата, ама е со животинско потекло. Се апелира потрошувачите повеќе да внимаваат при купувањето и секогаш да ги читаат декларациите. Тие што постат треба да се информираат и за храната што ја консумираат во рестораните и сендвичарите, а се нуди како посна имајќи предвид дека може да биде подготвена на места и во садови во кои се готват и продукти од животинско потекло.

мрсна храна – Kurir.mk

Мрсната и слатка храна се опасни и за мозокот

Внимавајте: Во време на строги пости, мрсното се продава како посно