мртов маж – Kurir.mk

Трагедија во Словенија: Мртов маж пронајден во септичка јама

Ивана Ефремовски — Mon, 07 Aug 2023 08:38:39 +0000

Полицијата во Љубљана добила дојава дека е пронајдено мртво лице во септичка јама во месноста Мост при Коменди, јавува словенечката новинска агенција, додека локалните медиуми јавуваат дека се работи за маж кој загинал додека ги отстранувал последиците од поплавите. Како што објави порталот Камник, станува збор за маж кој наводно загинал додека ги отстранувал последиците од силните поплави. Според досега прибраните информации, мажот починал кога при изведување работи паднал во јама со отворена шахта, а смртта не е последица на кривично дело. Полицијата продолжува со истрагата и сите околности ќе ги пријави до надлежното државно правобранителство.

МЛАД СКОПЈАНЕЦ ПРОНАЈДЕН МРТОВ ВО СВОЈОТ ДОМ – еве ги деталите

Дарко Андоновски — Sat, 01 Apr 2023 14:52:53 +0000

На 31.03.2023 околу 12.40 часот во СВР Скопје, било пријавено дека на подрачјето на Карпош, во својот дом бил пронајден починат Т.Д.(40) од Скопје. Од лекар од Итна медицинска помош констатирана е смрт без траги на насилство. Увид на местото извршила екипа од СВР Скопје, а по наредба на Јавен обвинител телото е дадено на обдукција.

БИЛ ПРЕГАЗЕН И ОСТАВЕН СРЕДЕ ПАТ – мртов маж пронајден на патот кон граничниот премин Блаце, еве ги деталите!

Дарко Андоновски — Fri, 31 Mar 2023 09:01:33 +0000

Тело на маж, удрено од моторно возило, било пронајдено вчера на магистралниот пат Скопје-Граничен премин Долно Блаце во близина на клучка Стенковец. Како што соопшти МВР, случајот бил пријавен синоќа вo 23.45 часот. Од страна на лекар од Итната медицинска помош констатирана била смрт. Извршен бил увид од Јавен обвинител и увидна екипа од СВР Скопје, а по наредба на Јавен обвинител телото на починатиот било предадено во Институтот за судска медицина за обдукција. Се превземаат мерки за утврдување на идентитетот на лицето и целосно расчистување на случајот.

Маж пронајден мртов по пожар во неговиот дом во Старо Нагоричане

Катерина Бојаџиева — Tue, 24 Jan 2023 10:09:01 +0000

Средовечен маж од село Руѓинце, општина Старо Нагоричане е пронајден мртов во неговиот дом. Полицијата констатирала дека настанал пожар, а лекарите дека смртта настапила без траги на насилство, соопшти денеска СВР Куманово. – Вчера во 15:43 часот во СВР Куманово било пријавено дека во домот во село Руѓинце, општина Старо Нагоричане, бил пронајден починат Л.С.(61). По овластување на јавен обвинител, полициски службеници извршиле увид и било констатирано дека собата била исчадена, а починатиот бил пронајден изгорен во креветот од пожар кој настанал од неизгасена цигара. Смрт без траги на насилство констатирал лекар од Итна медицинска помош, соопшти СВР Куманово. По наредба на обвинителот, телото на починатиот било дадено на семејството.

Пронајден мртов маж кај Богомила, телото предадено на обдукција

Катерина Бојаџиева — Mon, 23 Jan 2023 11:30:50 +0000

Дежурен јавен обвинител од Основното јавно обвинителство Велес изврши увид на спореден пат во селото Богомила, каде што беше пронајдено тело на починато машко лице, соопшти денеска Јавното обвинителство на Република Северна Македонија. Јавниот обвинител издаде наредба за обдукција на телото на починатиот 60-годишен маж со цел да се утврдат причините за смртта. По насоки на јавниот обвинител, подигнати се траги кои ќе бидат предмет на вештачење, а се преземаат и други дејствија за целосно испитување на настанот, по што ќе биде донесена одлука за натамошниот тек на постапката.

Млад скопјанец пронајден мртов во Бујановац

Дарко Андоновски — Fri, 20 Jan 2023 11:47:46 +0000

Тело на македонски државјанин е пронајдено во изнајмен стан во Бујановац потврди Вишото јавно обвинителство од Врање. Мртов 30-годишник од Скопје би пронајден во објект за сместување во сопственост на жител на Бујановац. Полицијата во Бујановац го известила дежурниот заменик на Вишото јавно обвинителство Врање дека во Бујановац е пронајдено телото на Н.Н. лица. По увидна екипа на ПС Бујановац, во присуство на лекар судски вештак, било утврдено дека се работи за А.Р.(30) од Скопје. Извршена е истрага и вештачење на телото од страна на судски вештак, при што е утврдено дека нема траги кои би упатувале дека смртта е предизвикана од насилство.

Пронајден мртов маж на локален пат во Велебрдо

Катерина Бојаџиева — Mon, 12 Sep 2022 10:39:24 +0000

Вчера (11 септември) во 8 часот и 10 часот во СВР Тетово пријавено е дека на локален пат во долнореканско Велебрдо бил пронајден починат 59-годишниот И.М. од ова село. Лекар констатирал смрт без траги на насилство. Увид извршила екипа од Одделението за внатрешни работи Гостивар, а по наредба на Јавниот обвинител телото е предадено на семејството.

МАЖ СЕ УДАВИ ВО ВОДИТЕ НА ВАРДАР – еве ги деталите

Дарко Андоновски — Tue, 03 Aug 2021 18:42:37 +0000

Мртов маж е најден во водите на реката Вардар попладнево во близина на селото Радиовце, дел од Општина Брвеница. Телото е забележано околу 14 часот по што е пријавено во полицијата, по што е започнат увид од институциите. -Околу 14 часот во полициската станица Жеровјане пријавено е дека на течението на реката Вардар во близина на браната кај Радиовце е најдено безживотно тело. По пријавувањето на местото се пристигнати екипи од СВР Тетово, Основно јавно обвинителство по што е започнат увид со цел идентификување на безживотното тело и расчистување на случајот, информираат од СВР Тетово за МИА. Од тетовската пожарна информираа дека нивните стручни лица учествувале во вадењето на телото од реката Вардар.

ТРАГЕДИЈА ВО ТЕТОВО: Мртов маж пронајден во трансформатор

Катерина Бојаџиева — Wed, 09 Jun 2021 15:00:06 +0000

Во комплексот „Арабати Баба Теќе“ во Тетово вчера е најдено безживотно тело во внатрешноста на транформатор за електрична енергија. Телото околу 16:45 часот го нашол чуварот по што се јавил во тетовската полиција. -Вчера во 16 часот и 45 минути во СВР Тетово пријавено е дека во електричен трансформатор поставен во комплексот „Арабати Баба Теќе“ во Тетово, без знаци за живот бил пронајден 38-годишниот тетовец А.У. Го пронашол и случајот го пријавил чуварот на комплексот, по што Јавен обвинител и екипа од СВР Тетово извршиле комплетен увид, информира Марјан Јосифоски, портпарол на СВР Тетово. По наредба на Јавниот обвинител тело на починатиот било предадено на семејството.

Го пронашле починат во својот двор наутро во 5.30 часот – еве ги деталите

Дарко Андоновски — Sat, 15 May 2021 15:40:42 +0000

На 14.05.2021 околу 06.00 часот во СВР Велес било пријавено дека во 05.50 часот во дворот од семејната куќа во с.Виничани бил пронајден починат А.Т.(72) од с.Виничани. Лекар од Итна медицинска помош констатирал смрт, а увид извршила екипа на СВР Велес. По наредба на Јавен обвинител телото на починатиот било предадено на обдукција.