мртв – Kurir.mk

Драма во зградата на МРТВ: Вработен во обезбедување нападнат од колега

Ивана Ефремовски — Fri, 07 Apr 2023 15:08:28 +0000

На 06.04.2023 во 13:50 часот во СВР Скопје, Н.З.(59) од Скопје пријавил дека околу 02:30 часот на работното место како обезбедување на влезот во зградата на МРТВ на бул.„Гоце Делчев“, по претходно недоразбирање, бил физички нападнат од неговиот колега П.Л.. Се преземаат мерки за расчистување на случајот.

Шилегов избегал од дебатата на МРТВ, останало празно столче

Тале Кристо — Fri, 15 Oct 2021 12:53:30 +0000

Кандидатот за градоначалник од редовите на СДСМ, Петре Шилегов избегал од дебата на Македонската радио телевизија. Соочен со критиките од своите противници и немањето одговори, Шилегов среде дебата станал и го напуштил студиото. Инаку, дебата од која избегал Петре Шилегов ќе биде емитувана вечерва на МРТВ со почеток од 20:15 часот. Претходно Шилегов на една друга телевизија исто така, едвај чекаше да заврши дебатата и да си замине од студиото. Имено, сите кандидати за градоначалници на Скопје Шилегов го потсетија на ветените и нереализирани ветувања и на сите негови грешки. https://kurir.mk/republika/skopje/shilegov-edvaj-chekashe-da-zavrshi-debatata-otkako-dobi-kanonada-od-site-kandidati/

Петрушевски: Проблемите на МРТВ произлегуваат од финансискиот момент, односно од моментот што владата не си ги извршува своите обврски кон истата

Тале Кристо — Mon, 18 Jan 2021 19:18:04 +0000

Проблемите на МРТВ произлегуваат од финансискиот момент или од моментот што владата не си ги извршува своите обврски кои што произлегуваат од законите во оваа држава. И она што е позагрижувачки од аспект на почитување на законот за аудио и аудиовизуелни услуги и обврската на владата да 1% од буџетот да оди кон овие услуги, а тој еден процент е исто нотиран во извештајот на ЕК која што оваа држава ја критикува за непочитување на законот за аудио и аудиовизуелни услуги кој што е усогласен со европските директиви, регулативи е нешто што согласно ЕК дава основа и темел за независност во МРТВ, истакна во своето излагање на денешната седница на Комисијата за транспорт, врски и екологија претеникот од редовите на ВМРО-ДПМНЕ Бране Петрушевски. -Ние неможеме никогаш да зборуваме за независност, доколку како пратеници сакаме или се обидуваме да влијаеме на уредувачката политика на МРТВ, па макар тоа било на некое наше мислење и сугестија затоа што како пратеници сме носители на функции и нашиот збор има во јавниот дискурс има посебна тежина, рече петрушевски. Исто така неможеме да зборуваме за уредувачка независност на јавен радиодифузен сервис доколку не ги почитуваме законите и не им дозволуваме финансиска независност. Значи, основна е финансиската независност, па потоа да зборуваме за друга независност, која што ете како сугестија или загрижување го изнесоа почитуваните колеги. Затоа апелирам за овие средства кои што не само со закон кој што е донесен со усогласеност на политичките партии, со закон кој што е донесен со европските регулативи, значи и нешто што и Европа го бара од нас да им бидат исплатени на МРТВ, па да идеме дури и во друга фаза да им помогнеме уште повеќе за да МРТВ застане на здрави нозе, за да има можност за не зависност, затоа како што реков независноста на еден радиодифузен сервис почива на негова финансиска независност и неслучајно буџетот на МРТВ е конципиран заедно со европските регулативи да биде еден процент од буџетот на Република Македонија, рече во своето обраќање Петрушевски. Значи процентуален износ, кој што нив ќе им дава предвидливост и сигурност и нема да зависи од волјата на владата или на парламентарното мнозинство, дали ќе им се префрлат средства или нема да им се префрлат средстрва, дециден беше Петрушевски.

Лашкоска: МРТВ од година во година треба да расте, а не државата да биде причина за нејзино згаснување

Тале Кристо — Mon, 18 Jan 2021 18:17:53 +0000

Во извештајот кој што го имаме добиено МРТВ во изминатата година има добиено помалку средства од кој што беа планирани, а пак кои што се далеку помалку кое што со закон е предвидено да го добиваат, истакна во своето денешно излагање на седницата на Комисијата за транспорт, врски и екологија пратеничката од редовите на ВМРО-ДПМНЕ Ане Лашкоска. -Се сеќавам во претходниот состав кога се носеше законот за укинување на радиодуфузната такса, кој што се искористи само политички од страна на СДСМ, беше ветувано дека средствата кои што се собираат од радиодифузната такса ќе бидат надополнети со средства од буџетот на Република Македонија, односно според закон се определи колку средства од државата власта ќе префрла за да нормално функционира овој радиодифузен сервис, рече пратеничката. Како што напоменав и претходно треба да се префрлаат околу 22 милиони евра, меѓутоа за жал во овие сите години не се префрлаат онолку колку што е предвидено со закон, додае таа. -Тука се поставува и прашањето „Дали власта свесно сака да го уништи единствениот јавен радиодифузен сервис којшто го има Република Македонија?“. Јас не сакам да верувам во ова и сите заедно ќе се заложиме МРТ да продолжи да работи, и не би рекла дека не би можела да се натпреварува со приватните медиуми, напротив ако има поддршка од државата, таа ги имама сите ресурси и квалитети и сметам дека радиодифузниот сервис од година во година треба да расте, а не државата да биде причина за нејзино згаснување, зеклучи Лашкоска.

Анкети: Мицкоски поубедлив во синоќешната дебата на МРТВ

Тале Кристо — Tue, 07 Jul 2020 07:26:32 +0000

Според анкетите по синоќешниот дуел на МРТВ на лидерите на ВМРО-ДПМНЕ и СДСМ, Христијан Мицкоски е со убедливо водство пред Зоран Заев. Во една од анкетите на социјалните мрежи, Мицкоски води со 78 проценти, а додека за Заев гласале само 22 проценти. Исто така и на првиот тв дуел кој што беше одржан на телевизија 24, и тогаш анкетите покажуваа водство на Мицкоски, односно тогаш за настапот на лидерот на ВМРО-ДПМНЕ Христијан Мицскоски дури 88 проценти се изјасниле дека бил подобар од неговиот опонент, а за лидерот на СДСМ гласале само 12 проценти. Инаку, пред крајот на дебатата лидерот на СДСМ ЗОран Заев изјави дека ова всушност е и последниот тв дуел помеѓу него и лидерот на ВМРО-ДПМНЕ, со што се поставува прашањето дали Заев се плаши од дебата со Мицскоски и свесно бега од истите?!

Другата страна на приказната: МРТВ земала кредит според закон, се друго е политички притисок

Предраг Кукиќ — Fri, 21 Jun 2019 13:32:57 +0000

Веќе две години гледаме досега незабележана серија истраги, кривични пријави и притисоци врз новинари и медиуми откако е формирана владата предводена од СДСМ, меѓу другото и врз актуелното раководство на МРТВ предводено од директорот Марјан Цветковски за да поднесе оставка. Смената е важна за власта заради нивна контрола и над јавниот сервис. Не можат да го сменат директорот кој има законска заштита и затоа во континуитет протисоците се редат еден по друг со намера тој сам да поднесе оставка и да си замине, анализира Вечер.мк. Денес Финансиската полиција на прес конференција објави дека поднесува кривична пријава против директорот на МРТВ Марјан Цветковски затоа што МРТВ земале кредит од 150 милиони денари за да платат стари долгови во износ од околу 140 милиони денари. Притоа, се наведува, директорот имал вина и се терети за проневера на тие два милиони евра платени долгови на МРТВ. Основот за пријавата е дека кредитот е земен со залог на имот на МРТВ без согласност на Собранието кое, во име на државата, го претставува сопственикот на тој јавен сервис. Што велат документите и аргументите на другата страна, на МРТВ и сегашното раководство. Кредитот за кој станува збор е земен во 2015 година, и во целост е употребен за враќање стари долгови од причина што сметката на МРТВ била блокирана и јавниот сервис не можел да функционира. Што значи, не бил во можност да ја извршува задачата заради која е формиран. За намерата да се земе кредит по модел кој е применет писмено е информирано министерството за финансии од каде не се добиени никакви насоки за ограничувања на намерата кредитот да биде реализиран. Второ, околу надлежностите на Собранието кое, според Финасиска полиција, требало да даде согласност за кредитот. За другите јавни претпријатија кои се во сопственост на државата јасно е назначено дека за ставање во залог на нивниот имот треба да се бара согласност од основачот, во случајов Собранието. Во однос на МРТВ во Законот стои дека Собранието има надлежност само во избор и смена на директор и прифаќање или отфрлање на финансиски извештај на МРТВ. Таму стои дека работата на МРТВ се утврдува со ПОСЕБЕН ЗАКОН, што значи дека МРТВ работи според посебен закон - Закон за аудиовизуелни услуги и во член 129 стои дека Надзорниот одбор на МРТВ дава согласност за финансиски план на МРТ и дава согласност за задолжувања и кредити. Таква Одлука со одобрение за подигање на овој кредит Надзорниот одбор донел на 30.07.2015 со што можело непречено да се пристапи кон подигање на кредитот со Договор од 18.09.2015 година. Надзорниот одбор во МРТВ го бира Собранието и преку нив Собранието е директно присутно во контрола над работата на МРТВ. Кредитот не е тајно реализитан, тоа е збир на јавно достапни докумнети. Помеѓу останатото кредитот е презентиран и во финансиските извештаи на МРТВ пред Собранието на Република Македонија за работењето во 2015 година и Собранието немало забелешки околу реализацијата на овој кредит во насока на пријавата на Финансиската полиција. Ова се документите и аргументите, а понатаму целиот случај е во рацете на Јавното обвинителство кое треба да спроведе истрага. Дали и овој случај е нарачка на владеачката СДСМ на сила да се смени директорот на МРТВ ќе се види многу брзо, според ставовите и чекорите на Јавното обвинителство. Притисоците на власта врз медиуми, уредници и новинари веќе се собрани, документирани и доставени до надлежните европски институции од страна на Македонската асоцијација МАН. Според докумнетираните факти Македонија е на врвот со кривични пријави, истраги, обвиненија и пресуди против медиуми, уредници и новинари. Дупло повеќе од европскиот просек! Само во овој период се водат постапки против повеќе од 50 медиуми, уредници и новинари од страна на СЈО и ОЈО, што според бројот на жители и медуми е далеку повеќе и од држави кои се сметаат за општества без медиумска слобода како Турција, Египет, Молдавија или Грузија.