мртви луѓе – Kurir.mk

ТРАГЕДИЈА ВО ОКЛАХОМА: Осум тела пронајдени во изгорена куќа, се сомнева дека се работи повеќекратни убиства!

Магдалена Андонова — Fri, 28 Oct 2022 11:11:46 +0000

Осум лица се пронајдени мртви во изгорена куќа во предградието на Тулса во американската сојузна држава Оклахома, а полицијата истражува дали се работи за повеќекратно убиство. Пожарот избил вчера во мирното предградие Броукен Ероу. Според тамошната полиција, иако се истражуваат околностите како дошло до смртта, вклучувајќи ја и можноста за потенцијално убиство, се верува дека не постои непосредна закана за јавната безбедност. Како што појасни портпаролот на полицијата Итан Хачинс, очевидци наведуваат дека во куќата живеело осумчлено семејство, две возрасни лица и шест деца, но, нивните тела засега не се идентификувани. – Се разбира, ова е шок за Броукен Ероу. Се работи за безбедно место. Броукен Ероу нема секојдневно вакви ситуации, додаде Хачинс. (МИА)

Во Киев пронајдени се 1.150 мртви цивили од почетокот на конфликтот

Магдалена Андонова — Thu, 28 Apr 2022 12:19:59 +0000

Од почетокот на конфликтот во регионот на Киев пронајдени се 1.150 безживотни тела на цивили. Од 50 до 70 отсто од нив, имале повреди од куршуми од мало оружје, соопшти денеска киевската полиција. – До денеска пронајдовме, прегледавме и им предадовме на форензичките институции 1.150 тела на мртви цивили, тврди началникот на полицијата, Андриј Небитов на снимка објавена на Твитер. На снимката, тој стои пред разурнатите зградите уништени од тешките борби. (МИА)

Морбидно: Откриен брод со мртви луѓе- причината за смртта се истражува

Катерина Бојаџиева — Sat, 28 Dec 2019 11:36:59 +0000

Јапонската полиција денеска открила остатоци од најмалку пет лица во дрвен брод за кој се сомнева дека допловел од Северна Кореја, соопшти крајбрежната стража. Бродот е пронајден на островот Садо во северозападната префектура Нигата. Пронајдени се глави на две лица и пет тела, а причината за смртта се истражува. Полицијата засега не може да потврди дали пронајдените глави припаѓаат на некое од петте тела или им припаѓаат на други лица. Дрвениот брод имал букви и бројки на корејски јазик. Според крајбрежната стража, ова е втор пат во еден месец на брегот на островот Садо да биде пронајден дрвен брод.