мртви – Kurir.mk

Најмалку четворица мртви во торнадо во Арканзас и бури во Илиноис

Тале Кристо — Sat, 01 Apr 2023 09:58:30 +0000

Најмалку три лица загинаа вчера во силно торнадо што мина низ американската сојузна држава Арканзас, додека при делумно уривање на театар во Илиноис од силни бури загина најмалку едно лице, додека повредени се 28 други, соопштија државните власти. Во Арканзас две лица загинаа во градот Вин, изјави на прес конференција гувернерката Сара Хакаби Сандерс, притоа прогласувајќи вонредна состојба и распоредувајќи стотина припадници на Националната гарда. „Централен Арканзас претрпе значителна штета“, напиша таа на Твитер. Третиот смртен случај го потврдија властите од округот Пуласки, каде се наоѓа тешко погодениот главен град на Арканзас, Литл Рок. -Околу 30 луѓе се превезени во болниците во градот, изјави за новинарите Френк Скот, градоначалник на Литл Рок. Националната метеоролошка служба (NWS) издаде предупредувања за торнадо во делови од Тенеси, Илиноис и Ајова. Торнадото зад себе остави пустош со превртени автомобили, откорнати дрвја, скршени телефонски столбови и уништени домови. На северот на земјата, во малото гратче Белвидер, западно од Чикаго во државата Илиноис, силната бура урнала дел од покривот и фасадата на театарот Аполо, каде во тек бил концерт на хеви метал бенд, објавија локалните медиуми. Шон Шедл, шеф на пожарникарите во Белвидер, пријавил еден смртен случај и 28 повредени, вклучително и пет хоспитализирани со сериозни повреди.

Министерство за финансии по грешка исплатило 1,4 милијарда долари државна помош за милион мртви Американци

Тале Кристо — Thu, 25 Jun 2020 20:07:26 +0000

Американското Министерство за финансии по грешка испратило чекови со државна помош на адресите на повеќе од милион мртви Американци, откриваат набљудувачите во Конгресот, пишува „Вашингтон пост“. Оваа вест е потврдена и од Државната агенција за надзор (ГАО). Вкупната сума на пари што се испратени на адресите на веќе починатите е речиси 1,4 милијарда долари, соопшти државната агенција за надзор (ГАО). „Вашингтон пост“ претходно информира дека Министерството за финансии и даночната служба по грешка испраќале чекови од 1.200 американски долари на адресите на неколку лица кои починале, но во тоа време се уште не бил познат степенот на грешката. Оваа грешка може да одврати некои републикански кругови да ја поддржат иницијативата на претседателот Трамп и неговата администрација за обезбедување дополнителна помош за граѓаните погодени од епидемијата на коронавирус. Во својот извештај, ГАО посочува дека грешката во Министерството за финансии и даночната служба се должи на користењето на постапката за итни случаи, како и поради застарените филтри во базите на податоци.

Нетпрес: Вработена во кабинетот на Премиерот, дел од сообраќајка со двајца мртви

Тале Кристо — Mon, 04 May 2020 19:14:15 +0000

Вработена во Кабинетот премиерот Оливер Спасовски, вчера учествувала во тешка сообраќајката на патот Куманово – Крива Паланка, при што животот го загубија две лица. Неофицијално, станува збор за Ирма Мандева пишува порталот Нетпрес. Според полицискиот билтен, во 9.40 часот, на местото викано „Чешмиче“, пред селото Страцин, се судриле „фиат пунто“, со кумановски регистарски ознаки, управувано од Б.Ѓ.(55) од селотот Железница и „фиат пунто“, со кратовски регистарски ознаки, управувано од И.М.(26) од Битола. Повеќе прочитајте на Нетпрес

Пукање на Флорида, има и мртви

Тале Кристо — Sun, 02 Feb 2020 09:35:47 +0000

Две лица се убиени а уште две се ранети во пикање во саботата за време на погребна церемонија во црква во градот Ривера Бич, во американската сојузна држава Флорида, соопшти градскате полиција. Според податоците од полицијата, престрелката се случила околи 14,35 часот според локално време, или 22,35 по македонски време.

From Riviera Beach: 2 dead after shooting this afternoon following a funeral at Victory City Church. @pbpost pic.twitter.com/zWvQFCx2Nd
— Hannah Morse (@mannahhorse) February 1, 2020

„Петнаесетгодишно момче се здоби со прострелна рана и почина на самото место. Возрасен маж, кој исто така бил застрелан, умрел на самото место“, се додава во соопштението објавено на сајтот на полицијата на Риверa Бич. Според истиот извор, ренети се уште една жена и тинејџерка. Вкупно биле истреални 13 куршуми, прецизира полицијата.

#BREAKING Riviera Beach Police responding to reports of shots fired near the intersection of Avenue E and West 20th Street. @WPTV pic.twitter.com/3qvQaR89jJ
— Richie Pergolizzi / WPTV NBC 5 (@Richie_Weather) February 1, 2020

Полицијата не соопштува колку лица учествувале во пукањето. Не е објавено дека имало апсења во врска со инцидентот, ниту се споменуваат осомничени.Засега не е објавен ниту идентитетот на настраданите.

Престрелка во кафуле во САД, има мртви

Дарко Андоновски — Sat, 21 Sep 2019 20:15:38 +0000

Две лица се убиени, а осум се повредени кога врз нив бил отворен оган во посетено кафуле во американската држава, Јужна Каролина. Како што јави, „Си-ен-ен“, повикувајќи се на полициски извори, пукањето се случило во предградието на градот Ланкастер. Полицијата засега не изнесе никакви детали за мотивите за нападот, а не е познато ниту дали некој е приведен.

Почувствувале непријатна миризба, а кога ја отвориле приколката виделе ужас: Внатре имало над 100 мртви

Ивана Ефремовски — Tue, 18 Sep 2018 14:13:25 +0000

Страшна слика виделе полицајците кога отвориле камионска приколка–ладилник во која имало најмалку 100 безживотни тела. Соседите се пожалиле дека од приколката се шири неподнослива смрдеа, по што било открено дека ладилникот е полн со мртовци. Најпрвин помислиле дека станува збор за жртви на картелите, но подоцна сфатиле дека мртовците се во приколката зашто во мртовечницата во местото Гуадалајеро снемало место. Законите во Мексико не дозволуваат кремирање , а во мртовечницата и на гробиштата немало место поради зголемениот број насилства.

Двајца мигранти се пронајдени мртви во шума во Хрватска

Дарко Андоновски — Sun, 12 Aug 2018 14:15:13 +0000

Двајца мигранти се пронајдени мртви денеска во шума во реонот на хрватскиот град Карловац. Полицијата соопшти дека по добиена информација од граѓани во шумата пронашла 12 мигранти, од кои двајца биле мртви. Полицијата ја претресува околината и започна истрага за откривање на причината за смртта на двете лица. Според неофицијални информации, веројатно станува збор за несреќен случај. Местото, каде што е откриена групата, е тешко пристапно, и претставува проблем за истрагата. Во изминатиот период е забележан зголемен број на нелегални мигранти, кои минуваат преку Карловац од БиХ кон европските земји.