МТКФ – Kurir.mk

ЈКА-МТКФ карате семинар со Сенсеи Коичиро Окума 7 дан од Јапонија

Тале Кристо — Thu, 29 Jun 2023 20:25:45 +0000

За прв пат во Македонија ќе се одржи ЈКА карате семинар со Сенсеи Коичиро Окума 7 дан во организација на Македонската традиционална карате федерација. Семинарот ќе се одржи од 9 до 13 Ноември 2023 во салите на Карате клубот Работнички и Будо центарот НЕДЕВИ во Скопје. Сенсеи Окума кој е повеќекратен шампион на Јапонија доаѓа на покана на нашиот најдобар каратист Дејан Недев. Јапонската Карате Асоциација е прва и најстара карате организација во светот формирана во далечната 1949 година од страна на Масатоши Накајама и Хидетака Нишијама основач на ИТКФ. ЈКА е една од најмасовните и најорганизираните карате федерации во светот со седиште во Токио, која во минатото и денес ги испраќа најдобрите јапонски инструктори да го шират каратето во светот. Меѓу најистакнатите јапонски инструктори кои во минатото одржале карате семинари во Македонија на покана на Венцислав Недев биле: Хидетака Нишијама, Таиџи Казе и Хироши Шираи. ЈКА исто така учествува и се натпреварува на ИТКФ светските шампионати во традиционално карате, информираат од мкедонската федерација.

МТКФ ги избра најдобрите за 2020 година

Тале Кристо — Thu, 31 Dec 2020 11:36:05 +0000

Врз основа на постигнатите резултати во 2020 година, Управниот одбор на Македонската традиционална карате федерација ги прогласи најдобрите за 2020 година. Најдобри во сениорска конкуренција: Мила Саздова и Дејан Недев. Најдобри во кадетска конкуренција: Александра Стојановска и Максим Илиевски. Најдобар клуб: Работнички. Најдобар тренер: Венцислав Недев. Најдобар клуб во младинска категорија: Шихан-Струмица. Најдобар тренер во младинска категорија: Атанас Василев.

МТКФ учествуваше на ЈКА семинар во Берлин

Матеја Петровски — Mon, 01 Oct 2018 07:16:26 +0000

Селекторот на Македонската традиционална карате федерација (МТКФ), Венцислав Недев и тренерот и репрезентативец Дејан Недев викендот земаа учество на ЈКА карате семинар во Берлин. Тие на Сенсеи Имура Имура 8 дан му подарија монографија за 50 години карате во РМ. - На семинарот учествуваа над 200 каратисти од повеќе држави од Европа. Беа презентирани врвни карате техники и нови тренажни методи за постигање на врвни резултати во карате спортот, информира од МТКФ. Следен ваков семинар ќе се одржи со Сенсеи Татсуја Нака во Париз, Франција во ноември. (Миа)

Дејан и Венцислав Недев на карате семинар во Берлин

Ивона Петрова — Sat, 29 Sep 2018 09:37:17 +0000

Селекторот и тренерот на Македонската традиционална карате федерација (МТКФ), Венцислав Недев и Дејан Недев, денеска и утре ќе учествуваат на ЈКА карате семинар во Берлин. Карате семинарот е под водство на Сенсеи Такенори Имура 8 дан. Како што информираат од МТКФ, Сенсеи Имура важи за еден најдобрите светски карате инструктори кој бил повеќекратен шампион на Јапонија и асистент на големиот светски карате мајстор и основач на ЈКА сенсеи Масатоши Накајама. МИА